Yikri 36:3 - WẼNNAAM SEBRE 2014

³ La bãmb kẽnga a Moyiis nengẽ n tɩ reeg kũun nins fãa Israyɛll nebã sẽn tall n wa sɛk roogã meeb yĩngã. La yibeoog fãa nebã ket n tallda kũunã n wat yẽnda nengẽ ne yamleoogo.

SEBR SÕNGO

³ B waa n deega a Moyiiz nengẽ bũmb ning fãa a Israyɛl kamba sẽn wa ne, Soaala-Wẽnd waoogr ro-sõnga yĩnga. La beoog sã n vẽege a Israyɛl kamba da ket n tara waoongo ne b kũuni.

Yikri 36:3 Iomraidhean Croise

Yɩɩn‑sõamyã 101:8

Yibeoog fãa, mam na n sãama tẽngã nin-wẽnsã, la m menes tʋʋm-beed maandbã tɩ b ra leb n zĩnd Sẽn-Ka-Saab tẽngã pʋg ye.

Yɩɩn‑sõamyã 5:3

Mam dĩmã, la mam Wẽnnaam, wʋm-y m sẽn kelemd n kot sõngrã! Bala, yaa yãmb la mam pʋʋsda!

Yikri 35:27

La nanambsã waa ne onigs kuga, la kug buud a taab b sẽn na n ning gãtsã sẽn be maan-kʋʋr kãsem fuugã la yãoog lutgã zugã pʋsã.

Yikri 35:29

Israyɛll raopã, ne pagb nins fãa sẽn dat n kõ bũmb tʋʋmdã yĩng wa Sẽn-Ka-Saab sẽn yeel a Moyiis t'a maanã, talla b kũunã n wa kõ Sẽn-Ka-Saab ne yamleoogo.

Yikri 36:2

A Moyiis boola a Betsaleyɛll ne a Oholiyaab ne tʋʋm-mitb nins fãa Sẽn-Ka-Saab sẽn kõ yamã sẽn dat n wa sɩng tʋʋmdã ne yamleoogã.

Yikri 36:4

La tʋʋm-mitb nins fãa sẽn maand sɛk roogã tʋʋmdã basa tʋʋm nins fãa bãmb sẽn maandã

Yelbũna 8:15

Yaa maam la nanambsã tar n dɩt b naam, la yaa maam la bʋ-kaoodbã tar n vigind tõod sẽn yaa tɩrse.

A Ezayi 50:4

Zu-soabã a Sẽn-Ka-Saab kõo maam zelemd sẽn mi goam wa karen-biiga, tɩ mam tõe n bãng n gom n bels ka-pãng soabã. Yibeoogo, bãmb nekdame, bãmb nekda maam tɩ m yok m tʋbr n kelg wa karen-biis sẽn kelgd to-to wã.

Zeremi 21:12

A Davɩɩd yagense, Sẽn-Ka-Saab yetame: Bʋ-y bʋʋdã tɩrg yibeoog fãa. Fãag-y b sẽn fãad a soabã namsdã nugẽ, tɩ y tʋʋm-wẽnsã ra wa kɩt tɩ m sũurã yik wa bugum, tɩ ned ka be sẽn na n kiis-a ye.

A Amoose 4:5

Yõog-y y bark pʋʋsg maandã ne bur sẽn ning rã-bɩlle! Moon-y n togs-y y yamleoog kũunã, tɩ yaa woto la y nonga. Yaa Sẽn-Ka-Saab n yeele.