Yikri 34:6 - WẼNNAAM SEBRE 2014

⁶ Sẽn-Ka-Saab looga yẽnda taoor n moon n yeele: «Mam yʋʋr yaa Sẽn-Ka-Saabo, yaa Sẽn-Ka-Saab sẽn yaa Wẽnnaam sẽn yaa nimbãan-zoɛta, la bark kõata. Mam sũur ka yikd tao-tao ye, la mam yaa nonglem soaba, la m maanda sɩda.

SEBR SÕNGO

⁶ Soaala-Wẽnd looga a Moyiiz taoor n tãsdẽ: «Maam la Naaba-Wẽnde, maam la Naaba-Wẽnde! M yaa nin-bʋgsgo la nimbãan-zoeta, m sũur ka yikd tao-tao ye, m kũun ka belgr ye, m ka yõgd zood sẽn ya daar a ye zood ye.

Yikri 34:6 Iomraidhean Croise

Sɩngrẽ 24:27

Yẽnda pʋʋsa a woto: «Bɩ Sẽn-Ka-Saab sẽn yaa mam soaal a Abrahaam Wẽnnaamã paam pẽgre! Bãmb wilga b nonglem ne b pʋ-peelem mam soaalã yĩnga. Sẽn-Ka-Saab talla maam n wa kẽes mam soaalã roagdb zakẽ.»

2 Sãmwɛlle 24:14

A Davɩɩd leoka a Gaad yaa: «Sũ-sãan-kãseng n tar maam! Mam kot-f lame tɩ f bas tɩ d lʋɩ Sẽn-Ka-Saab nugẽ, la d ra lʋɩ ninsaalb nusẽ ye. Bala, Sẽn-Ka-Saab nimbãan-zoeerã yaa kãsenga.»

1 Rĩm-dãmbã 19:11

Sẽn-Ka-Saab yeela a Eli yaa: «Yi tãngã bokẽ n tɩ yals maam a Sẽn-Ka-Saab taoor tãngã zugu, n ges mam sẽn na n looge!» Dẽ, sob-kãseng n yiki, n pãrg tãmsã n kɩt tɩ pĩisã wãad Sẽn-Ka-Saab taoore. Sẽn-Ka-Saab rag n ka be sebgã pʋg ye. Sebgã loogr poore, tẽn-digimdg n zĩndi, la Sẽn-Ka-Saab rag n ka be tẽn-digimdgã pʋg ye.

1 Rĩm-dãmbã 8:30

N-yẽe! Sẽn-Ka-Saabo, bɩ y kelg y tʋmtʋmdã kosgã. La Israyɛll sẽn yaa yãmb nebã sã n tees zĩ-kãngã n kos yãmba, bɩ y kelg-ba. Bɩ y zĩnd yĩngr yãmb sẽn beẽ wã n kelg tõnd zĩ-kãngã, la y kõ-d sugri.

2 Kibayã 30:9

Sɩda, yãmb sã n lebg n wa Sẽn-Ka-Saab nengẽ, bãmb na n kɩtame tɩ neb nins sẽn dag n yõg yãmb saam-biisã ne y kambã n kẽng yembdã, zoe bãmb nimbãaneg n bas-b tɩ b lebg n wa tẽn-kãngã pʋgẽ. Bala, Sẽn-Ka-Saab sẽn yaa yãmb Wẽnnaamã yaa nimbãan-zoɛta, yãmb sã n lebg n wa bãmb nengẽ, bãmb ka na n leb n bas yãmb ye.»

A Neemi 9:17

Bãmb zãgsame n ka kelg yãmb ye. La b ka tẽeg bõn-bãnã yãmb sẽn maan n kõ bãmbã yell ye. Bãmb kɩɩsgã pʋga, b kenga b sũyã, n yãk taoor soab n dat n lebg n leb b yembdã pʋg Ezɩpt tẽnga. La baa ne rẽ fãa, yãmb yaa Wẽnnaam sẽn kõt sugri, la y yaa nimbãan-zoɛta, la y yaa maan-neer soaba, la y sũur ka yikd tao-tao ye, la yãmb nonglmã sẽn yaa kãsengã yĩnga, yãmb ka bas-b ye.

Yɩɩn‑sõamyã 108:4

Sẽn-Ka-Saabo, mam na n pʋʋsa yãmb bark buud toay-toayã sʋka! Mam na n yɩɩl n waooga yãmb bu-zẽmsã sʋka.

Yɩɩn‑sõamyã 111:4

Bãmb kɩtame tɩ b tẽr bãmb bõn-bãnã yelle. Sẽn-Ka-Saab tara nonglem ne nimbãan-zoeere.

Yɩɩn‑sõamyã 111:8

Bãmb no-tũudsã yasa kãenkãe n ka tol n vigsdẽ ye. B yaa sɩd la tɩrse.

Yɩɩn‑sõamyã 112:4

Vẽenem yãgda lik pʋgẽ nin-tɩrsã yĩnga. A yãgda sẽn tar-b nonglem, ne nimbãan-zoeere, la tɩrlmã yĩnga.

Yɩɩn‑sõamyã 116:5

Sẽn-Ka-Saab yaa sõmblem soaba, la tɩrlem soaba. Tõnd Wẽnnaamã yaa nimbãan-zoɛta.

Yɩɩn‑sõamyã 138:2

Mam na n wõgemd n teesa y ro-sõngã, n pʋʋs yãmb bark y nonglmã ne y sɩdã yĩnga. Bala, yãmb pidsa y goamã n yɩɩd tõnd sẽn dag n wʋmd tɩ b gomdã.

Yɩɩn‑sõamyã 145:8

Sẽn-Ka-Saab yaa sõmblem-soaba, la nimbãan-zoɛta, bãmb yaa sũ-mar soaba, la nonglem-kãseng soaba.

Yɩɩn‑sõamyã 146:6

Sẽn-Ka-Saab n naan yĩngr la tẽnga, la b naan ko-kãsengã ne bũmb nins fãa sẽn be a pʋgã. Bãmb maanda sɩd wakat fãa!

Yɩɩn‑sõamyã 31:19

Kɩt-y tɩ zĩrẽ-be-nebã noy mume. Bãmb gomda tɩta-goamã, wuk-m-men-goamã, la paoogr goam n dõt nin-tɩrga!

Yɩɩn‑sõamyã 57:10

Zu-soaba, mam na n pẽga yãmb bu-zẽmsã sʋka! Mam na n yɩɩl n waooga yãmb yʋʋr bu-zẽmsã sʋka.

Yɩɩn‑sõamyã 86:15

Zu-soab a Wẽnnaam yãmb yaa nimbãan-zoeer soaba, la y yaa maan-neer soaba. Yãmb yaa sũ-maasem soaba, yãmb nonglmã yaa kãsenga, la y yaa sɩd soaba.

Yɩɩn‑sõamyã 86:5

Zu-soaba, yãmb yaa sõmblem soaba, la y kõta sugri. Yãmb nonglmã yaa kãsenga, neb nins fãa sẽn boond yãmbã yĩnga.

Yɩɩn‑sõamyã 91:4

Bãmb na n luda foom ne b pɩgsã, fo na n soonda bãmb pɩgsã tẽngre, bãmb sɩdã yaa gãong la gãntika.

Yikri 20:5

Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.

Yikri 22:27

Ra tʋʋs Wẽnnaam ye. La f ra kãab f nebã naab wẽng ye.

Yikri 33:19

La bãmb yeelame: «Mam na n kɩtame tɩ mam sõmblmã fãa lʋɩ fo taoore, la m wilg foom m yʋʋrã sẽn yaa Sẽn-Ka-Saabo, la mam na n ninga m sẽn dat n ning a soab zug barkã barka, la m zoe mam sẽn dat n zoe a soab nimbãanegã nimbãanega.»

Yelbũna 3:3

Ra sak n bas maan-sɩd la pʋ-peelem ye, pid bãmb f loorẽ, la f gʋls bãmb f sũur pʋgẽ.

Kowelɛt 8:11

Bãmb sẽn ka yãgd n kao tʋʋm-wẽns bʋʋd tao-tao wã yĩnga, ninsaalbã sũyã pida ne wẽng maaneg ratem.

A Ezayi 12:4

Badaare, yãmb na n yeelame yaa: «Pʋʋs-y Sẽn-Ka-Saab barka, bool-y bãmb yʋʋrã, n moon bãmb tʋʋm-kãsemsã nebã sʋka. La y tẽeg tɩ bãmb yʋʋrã yaa kãsenga.

A Ezayi 65:16

Ned sã n dat n ning a meng bark tẽngã pʋga, a na n ninga a meng bark ne Wẽnnaam sẽn yaa ãminã yʋʋre. La ned sã n na n wẽen tẽngã pʋgẽ, a na n wẽena ne Wẽnnaam sẽn yaa ãminã yʋʋre. Bala, b na n yĩma yel-pakr nins sẽn dag n zĩnd pĩndã yelle, b na n solga bãmb mam nifẽ.»

Zeremi 32:18

Yãmb wilgda y nonglem hal n tãag zamaan tusri, la y sɩbgd kamb b ba-rãmb beegr yĩnga. Yãmb yaa Wẽnnaam-kãsenga, y yaa gãndaoogo. Y yʋʋr yaa Saasẽ-Pãng-Soaba!

Zeremi 9:24

Maam a Sẽn-Ka-Saab yetame: «Wakat n wate, tɩ m na n sɩbg neb nins fãa sẽn kẽ yĩng bãongã:

Kʋʋr yɩɩla 3:23

Yibeoog fãa, bãmb leb n lebgda paalse. Yãmb sɩdã yaa kãsenga.

A Zowɛlle 2:13

Da pãrs-y y fut ye, maneg-y y sũyã, n lebg n wa Sẽn-Ka-Saab sẽn yaa yãmb Wẽnnaamã nengẽ, bala, b yaa sugr soaba, la nimbãan-zoeer soaba, bãmb sũur ka yikd tao-tao ye, la b yaa nonglem-kãseng soaba, bãmb sã n sɩbge, b sũurã sãamdame.

A Zonaase 4:2

La a Zonaas pʋʋsa Sẽn-Ka-Saab n yeel yaa: «Sẽn-Ka-Saabo, ka woto la m sẽn da pĩnd n yeel mam sẽn wa n ket n be m tẽngẽ wã sɩda? Yaa rẽ yĩng la m sẽn da zoet n na n kẽng Tarsɩɩsã. Bala, mam miime tɩ yãmb yaa Wẽnnaam, y yaa sugr kõata, la nimbãan-zoɛta, la yãmb sũurã ka yikd tao-tao ye. Y tara nonglem wʋsgo, la yãmb basda sɩbgr ning y sẽn dag n tog n sɩbgã tɩ vaale.

A Miise 7:18

Wẽnnaam-bʋg n be n yaa wa yãmba, n kõt bu-kellã sẽn yaa yãmb dẽndã a beegr sugri, la a ka geelgd a kongrã? Yãmb sũ-yikrã ka paad wakat fãa ye. Bala, y sũur noomame tɩ wilg y sõmblem.

A Miise 7:20

Yãmb na n wilga a Zakoob yagensã y nonglem, la y wilg a Abrahaam yagensã y sõmblem, wa y sẽn dag n wẽen ne d yaab-rãmbã kʋdem-wẽndẽ wã.

A Nahum 1:3

Sẽn-Ka-Saab yaa sũ-mar soaba. Bãmb pãngã yaa kãsenga. Bãmb ka basd koangd n ka sɩbg-a ye. Bãmb sã n kẽnda, sob-kãseng n yikdi.

Sõadga 12:8

Mam gomda ne yẽnda neng ne nenga. Mam ka solgd m meng n gom ne yẽnda ye. La yaa bõe tɩ yãmb ka zoe rabeem tɩ wɩd mam tʋmtʋmd a Moyiisi?»

A Zã Sõng 1:17

Bala, b tũnuga a Moyiis n kõ tõogã, la barkã ne sɩdã tũnuga a Zeezi Kiris n wa.

Rom Dãmba 2:4

Bɩ fo ka nand bãmb sõmblmã, la bãmb sũ-bʋgsmã, la bãmb sũ-marã sẽn waoogã, n ka miẽ tɩ Wẽnnaam sõmblmã tusda foom tɩ f tek yam n kos sugri?

Yaoolem 32:3

Bala, mam na n moona Sẽn-Ka-Saab yʋʋre! Bãng-y tɩ tõnd Wẽnnaamã yaa kãsenga!

Yaoolem 4:31

Bala, Sẽn-Ka-Saab sẽn yaa yãmb Wẽnnaamã yaa nimbãan-zoeer soaba, la bãmb ka na n bas yãmba, la b kõn yĩm kãabg ning bãmb sẽn dag n kãab yãmb yaab-rãmbã yell ye.»

Yaoolem 5:10

La mam maanda neb nins sẽn nong maam n sakd mam tõodã yagensã neere, hal tɩ ta zamaan tusri.

Zake 5:11

Gese, tõnd yetame tɩ neb nins sẽn yals-b kãenkãe wã yaa sũ-noog rãmba. Yãmb wʋmame tɩ b gom a Zoob sũ-marã yelle, la yãmb yãnda baoosg ning Zu-soabã sẽn kõ-a wã. Bala, Zu-soabã pida ne nonglem la nimbãan-zoeere.