Yikri 34:25 - WẼNNAAM SEBRE 2014

²⁵ Ra lagem bur sẽn tar dã-bɩll ne maoong zɩɩm ye. Ra bas Pak tigrã maoong nemd tɩ kell n vẽeg beoog ye.

SEBR SÕNGO

²⁵ Da saag n tũnug miisd sẽn lob bɩlle ne maoong ye. Rũng ninga sẽn kʋ pak yĩnga nemd ka tog n vẽeg beoog ye.

Yikri 34:25 Iomraidhean Croise

Yikri 12:10

Bɩ y ra bas rũngã neong ba a yembr tɩ vẽeg beoog ye. Beoogã sã n vẽeg tɩ nemdã ketẽ, bɩ y rɩk-a n yõog bugum.

Yikri 12:20

Bɩ yãmb da rɩ bũmb sẽn ning rã-bɩll ye. Yãmb sẽn be zĩig ning fãa, bɩ y rɩ bur sẽn ka ning rã-bɩlle.

Yikri 12:8

Badaar yʋngo, bɩ y sẽ rũngã, la y wãb a nemdã ne bur sẽn ka ning rã-bɩlle, la ne mood sẽn yaa toogo.

Yikri 23:18

Ra lagem bur sẽn tar dã-bɩll ne mam maoongã zɩɩm ye. Yãmb sã n kʋ tigr maoong n na n waoog maam, bɩ y ra bas a kaamã tɩ gãand n vẽeg beoog ye.

Yikri 29:34

La maoong ning sẽn wilgd tɩ b ninga maan-kʋʋr tʋʋmd bãmb zutã nemdã ne burã sã n kell n vẽeg beoogo, bɩ b yõog-a bugum. Bɩ y ra rɩ-a ye. Bala, yaa bũmb sẽn welg toore.

Maan‑kʋʋre 2:11

Bõn-koaadl kũun ning fãa yãmb sẽn na n kõ Sẽn-Ka-Saabã ka tog n ning rã-bɩll ye. Bala, yãmb ka tog n dɩk bũmb sẽn ning rã-bɩlle, wall sẽn ning sɩɩdo, n maan maoong sẽn yõogd bugum Sẽn-Ka-Saab taoor ye.

Maan‑kʋʋre 7:15

La b tog n dɩɩ bark pʋʋsg maoongã sẽn yaa zesm-n-taar maoongã rũngã nemd maoongã kʋʋb daare, n da bas-a t'a kell n vẽeg beoog ye.

Sõadga 9:12

La bɩ bãmb ra bas rɩɩb baa a yembr tɩ kell n vẽeg beoog ye. La bɩ b ra tol n kaoog rũngã kõbr baa a yembr me ye. Bɩ b maan Pak tigrã wa sẽn zems a rog-n-mikã.

A Matiye Sõng 13:33

Bãmb leb n wẽe yel-bũn-kãngã me: «Arzãn soolem wẽnda wa rã-bɩll pag sẽn dɩk n ning zom wam a tã hal t'a wuk zomã zãnga.»

Yaoolem 16:3

Tigrã rasem a yopoe wã fãa pʋga, yãmb ka tog n dɩ bũmb sẽn ning rãbɩll ye. Yãmb tog n dɩta bur sẽn ka ning rãbɩll rasem a yopoe wã fãa. Yaa namsg buri, bala, yãmb yii Ezɩpt ne yãgbo. Yaa sẽn na n tẽegd yãmb daar ning yãmb sẽn yi Ezɩpt tẽngã y yõor tɛka.

Yaoolem 16:4

Rasem a yopoe wã pʋgẽ, bɩ y ra bas tɩ rãbɩll zĩnd y soolmã pʋgẽ ye. La ra bas-y maoong ning sẽn kʋʋd pipi daarã zaabrã nemd baa bilf tɩ kell n vẽeg beoog ye.