Yikri 34:24 - WẼNNAAM SEBRE 2014

²⁴ Bala, mam na n diga buud wʋsg tɩ b zoe fo taoore, la mam na n yalga fo soolmã. Fo sã n kẽng Sẽn-Ka-Saab sẽn yaa fo Wẽnnaamã nengẽ naoor a tãab yʋʋmd fãa pʋgẽ, ned ka be sẽn na n bao tɩ soog fo tẽngã ye.

SEBR SÕNGO

²⁴ Maam n na n wa reeg nanams a taaba tẽns n kõ-fo, Israyɛl, n yalg f toaaga, ned ba a ye kõn mak n deeg f tẽngã yʋʋmda kiis niyns y sẽn na n wa m waoogra zĩigẽ, naoor a tã yʋʋmda pʋgẽ wã ye.

Yikri 34:24 Iomraidhean Croise

Sɩngrẽ 15:18

Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã.

Sɩngrẽ 35:5

Rẽ poore, bãmb loogame. La Wẽnnaam kɩtame tɩ rabeem yõk tẽms nins sẽn pẽ bãmbã nebã, la b ka babs a Zakoob kambã ye.

1 Rĩm-dãmbã 5:1

Rĩm a Salmo sooga Israyɛll tẽmsã fãa, sẽn sɩng ne Efrat kʋɩlgã, hal tɩ ta Filistẽ-dãmbã tẽngã ne Ezɩpt todsã. Tẽn-bãmb fãa rag n wata ne kũun n kõt a Salmo, la rĩm a Salmo sooga bãmb a vɩɩmã tɛka.

1 Kibayã 4:10

A Yabɛɛs pʋʋsame n kos Israyɛll Wẽnnaamã tɩ b ning a zug bark n yalg a soolmã, la b tẽeg b nug n kogl-a, la b zãag-a ne toog la namsg buud fãa. Dẽ, Wẽnnaam maana a sẽn kosã n kõ-a.

2 Kibayã 17:10

Dẽ, Sẽn-Ka-Saab kɩtame tɩ rabeem kãseng yõk tẽms nins sẽn gilg-bã tɩ b ka yik zabr ne a Zozafat ye.

A. Zoobe 1:10

Yãmb wẽe yãgr n gũbg-a, yẽnda ne a zakã, la ne a sẽn so wã fãa. Yãmb ninga a nus tʋʋmã barka, la a rũmsã fɩɩgdame n pit tẽngã.

Yɩɩn‑sõamyã 120:1

Zeruzalɛm kẽnd yɩɩlle. Mam boola Sẽn-Ka-Saab m yel-pakrã pʋga, la bãmb leoka maam.

Yɩɩn‑sõamyã 78:55

Wẽnnaam diga bu-zẽmsã bãmb taoore, n pʋɩ tẽngã n kõ bãmb tɩ b sooge, n kɩt tɩ Israyɛll buudã reeg bu-zẽmsã fu-rot n kẽ.

Yɩɩn‑sõamyã 80:8

Wẽnnaam sẽn yaa Saasẽ-Pãng-Soaba, leb-y n paas-y tõnd pãnga! Kɩt-y tɩ y nengã vẽenem yãg n bui-du, tɩ d paam fãagre!

Yikri 33:2

Mam na n tʋma mam malɛɛk t'a reng foom taoore. La mam na n diga Kana-rãmbã ne Amoor-dãmbã la Hɛt-dãmbã ne Perɛɛz-rãmbã la Hevi-rãmbã ne Zebuuz-rãmbã.

Yikri 34:11

Gũus neer n sak bũmb ning mam sẽn wilgd foom dũndã wã. La mam na n diga Amoor-dãmbã ne Kana-rãmbã la Hɛt-dãmbã ne Perɛɛz-rãmbã la Hevi-rãmbã ne Zebuuz-rãmbã fo taoore.

Yelbũna 16:7

Ned yel-manesem sã n tat Sẽn-Ka-Saab yam, b kɩtdame tɩ zems-n-taar zĩnd yẽ ne a bɛɛbã sʋka.

Maan‑kʋʋre 18:24

Bɩ y ra maan yel-bãmbã baa a yembr n dẽgem y mens ye. Bala, buud nins mam sẽn kɩt tɩ yãmb digã rag n maanda yel-be-bãmbã.

Tʋʋma 18:10

Bala, mam bee ne foom, la ned ba a yembr kõn tõog n yõk foom n maan-f wẽng ye. Bala, neb wʋsg n be tẽn-kãngã pʋg n yaa mam nebã.

Yaoolem 12:20

Sẽn-Ka-Saab sẽn yaa yãmb Wẽnnaamã sã n yalg yãmb soolmã wa b sẽn dag n yeel yãmbã, tɩ nemd velem wa yõk yãmb tɩ y yeele: «Tõnd nongẽ lame n paam nemd n wãbe!» Bɩ y bao nemd n wãb wa y sẽn date.

Yaoolem 16:16

Yʋʋmd fãa, yãmb daopã fãa tog n wa yalsa Sẽn-Ka-Saab sẽn yaa yãmb Wẽnnaamã taoor naoor a tãabo, zĩig ning bãmb sẽn na n yãkã pʋga: Yaa bur sẽn ka rãbɩll tigrã wakate, la rasem a yopoepoe naoor a yopoe wã tigr wakate, la zãnã tigr wakate. Ned ka tog n wa Sẽn-Ka-Saab taoor nug-zaal ye.

Yaoolem 19:8

Sẽn-Ka-Saab sẽn yaa yãmb Wẽnnaamã sã n wa yalg yãmb soolmã wa b sẽn dag n wẽen ne y yaab-rãmbã, la b sã n kõ yãmb soolem ning fãa bãmb sẽn dag n kãab tɩ b na n kõ yãmb yaab-rãmbã.

Yaoolem 7:1

Sẽn-Ka-Saab sẽn yaa yãmb Wẽnnaamã sã n wa tall yãmb n tɩ kẽes tẽng ning yãmb sẽn na n soogã pʋgẽ, bãmb sã n wa rig buud wʋsg nins sẽn be f taoorã sẽn yaa Hɛt-rãmbã ne Girgaaz-rãmbã la Amoor-dãmbã ne Kana-rãmbã la Ferɛɛz-rãmbã ne Hevi-rãmbã la Zebuuz-rãmbã, buud a yopoe wã sẽn yaa wʋsg n tar pãng n yɩɩd yãmbã,