Yikri 34:20 - WẼNNAAM SEBRE 2014

²⁰ Rɩk pe-bila, wall bʋʋg n tek bõang fãa sẽn yaa a ma bi-rẽenga. La fo sã n ka rat n tek bõangã, bɩ f wẽ a kãar n wãage. La fo kom-dibli wã fãa sẽn yaa kom-dẽemsã. Bɩ ned da wa mam taoor ne nug-vɩɩd ye.

SEBR SÕNGO

²⁰ Bao rũm-bil n tek ne bõang pipi biiga; f sã ka na n bao rũng n tek-a, bɩ f wãa a kãarã. Bao bũmb n kɩs n deeg f meng bi-kẽenga n sooge. Naaba-Wẽnd taoor ka wat ne nug vɩʋʋg ye.

Yikri 34:20 Iomraidhean Croise

2 Sãmwɛlle 24:24

La rĩmã leoka a Aravna yaa: «Ayo, mam na n daa bõn-kãens fo nengẽ wa sẽn zems b ligdã. Mam ka na n dɩk zaalem bũmb n maan maoong sẽn yõogd bugum n kõ Sẽn-Ka-Saab sẽn yaa mam Wẽnnaamã ye.» Dẽ, a Davɩɩd raa zɛɛgã ne niigã wakɩ-koeems pis-nu.

Yikri 13:10

Fo na n sakda tõ-kãng yʋʋmd fãa, wa sẽn zems wakat ning b sẽn yãkã.

Yikri 13:12

bɩ y welg biig fãa sẽn yaa a ma bi-rẽenga, la ne yãmb rũmsã kom-dẽems nins fãa sẽn yaa raadã n kõ Sẽn-Ka-Saabo. Raadã fãa yaa Sẽn-Ka-Saab n so.

Yikri 13:13

Yãmb na n dɩka bõang bi-rẽeng fãa sẽn yaa raoog n tek ne pe-bila wall ne bʋʋga. La yãmb sã n ka rat n tek bõangã, bɩ y wẽ a kãarã n wãage. Bɩ y ra ninsaalbã kom-dẽemsã fãa sẽn be yãmb kom-dibli wã sʋkã.

Yikri 13:15

Faarõ sẽn zãgs n ka bas tõnd tɩ d loogã, Sẽn-Ka-Saab kʋʋ Ezɩpt kom-dẽemsã fãa, sẽn sɩng ne ninsaalbã kom-dẽems hal tɩ ta rũmsã kom-dẽemse. Yaa rẽ n kɩt tɩ tõnd dɩkd kom-dẽemsã fãa sẽn yaa raopã n maand maand n kõt Sẽn-Ka-Saabo, la d daad kom-dẽems nins fãa sẽn be tõnd kom-dibli wã sʋkã.

Yikri 22:29

La bɩ f maan woto ne f rũm-bɛdã la f rũm-bãoonegã me. Rũm-dẽeng tog n paa ne a ma rasem a yopoe. La rasem a nii wã daare, bɩ f tall-a n wa kõ maam.

Yikri 23:15

Maan bur sẽn ka rã-bɩll tigr rasem a yopoe, n dɩ bur sẽn ka rã-bɩll wa mam sẽn yeel foom wakat ning mam sẽn yãk bõn-bɩʋʋng kiuugã pʋgẽ wã, bala, yaa ki-kãng pʋgẽ la fo yi Ezɩpte. Ned ka tog n wa mam taoor nug-zaal ye.

Sõadga 18:15

Sẽn paase, ninsaalbã ne rũmsã kom-dẽemsã fãa b sẽn kõ maamã na n yɩɩ yãmb dẽnda. La baoosgo, fo na n deega yaoodo, n ledg ninsaalbã kom-dẽemsã, la rũms nins sẽn yaa-b rẽgdã kom-dẽems zĩigẽ.

Yaoolem 16:16

Yʋʋmd fãa, yãmb daopã fãa tog n wa yalsa Sẽn-Ka-Saab sẽn yaa yãmb Wẽnnaamã taoor naoor a tãabo, zĩig ning bãmb sẽn na n yãkã pʋga: Yaa bur sẽn ka rãbɩll tigrã wakate, la rasem a yopoepoe naoor a yopoe wã tigr wakate, la zãnã tigr wakate. Ned ka tog n wa Sẽn-Ka-Saab taoor nug-zaal ye.