Yikri 34:19 - WẼNNAAM SEBRE 2014

¹⁹ Bi-rẽeng buudã fãa sẽn deng n yi a ma pʋgẽ yaa maan n so. Yaa fo rũm-daoog fãa sẽn yaa bi-rẽega, rũmsã sʋka, sã n yaa nag-bila, pe-bila wall bulla.

SEBR SÕNGO

¹⁹ Maan n so bũmb ning fãa sẽn yaa a ma pipi biiga: bõn-daoog fãa sẽn dog pipi a ma pʋgẽ, rũm-bedr wala rũm-bila.

Yikri 34:19 Iomraidhean Croise

A Neemi 10:36

Sẽn paas me, tõnd pʋlmame tɩ yʋʋmd fãa, tõnd na n yãka d tẽn-gãongã bõn-koaadlã dẽenem biisi, ne d tɩɩsã dẽenem biisi, n tall n wa kɩs Sẽn-Ka-Saab roogẽ wã.

Yikri 13:12

bɩ y welg biig fãa sẽn yaa a ma bi-rẽenga, la ne yãmb rũmsã kom-dẽems nins fãa sẽn yaa raadã n kõ Sẽn-Ka-Saabo. Raadã fãa yaa Sẽn-Ka-Saab n so.

Yikri 13:2

Welg nebã ne rũmsã kom-dẽemsã fãa toor mam yĩnga, bala, Israyɛll bi-ribl-rẽeng ne rũng bi-rẽeng fãa yaa maam n so.

Yikri 22:29

La bɩ f maan woto ne f rũm-bɛdã la f rũm-bãoonegã me. Rũm-dẽeng tog n paa ne a ma rasem a yopoe. La rasem a nii wã daare, bɩ f tall-a n wa kõ maam.

Ezekiyɛl 44:30

Bõn-koaadl buudã fãa dẽenem biisi, la yãmb sẽn na n yãk bũmb ning fãa mam yĩng yaa maan-kʋʋdbã n so. Yãk-y zom-nagdgã me dẽenem pʋɩɩr n kõ maan-kʋʋdã tɩ barkã tõe n sig y yiyã pʋse.

A Luk Sõng 2:23

Bãmb maana wa sẽn gʋls Zu-soabã tõog pʋgẽ wã. A yetame: «Bi-ribl fãa sẽn yaa a ma bi‑rẽenga, b tog n dɩk‑a lame n kõ Zu-soabã.»