Yikri 34:16 - WẼNNAAM SEBRE 2014

¹⁶ La bɩ f ra peeg bãmb kom-pugli n kõ f kamb tɩ b maan b pagb ye, tɩ bãmb kom-pugli wã sẽn maand yoob ne b wẽnnaam-dãmbã, ra wa kɩt tɩ fo kom-dibli wã maan yoob ne bãmb wẽnnaam-dãmbã ye.

SEBR SÕNGO

¹⁶ Da maan no-noom ne-ba, n saag n bao f kamb pagb bãmb kom-pugli wã sʋk ye, ka rẽ kom-pugli wã wat n dabda b wẽnd dãmba waoogre tɩ fo kamba yik n pʋgda.

Yikri 34:16 Iomraidhean Croise

Sɩngrẽ 24:3

tɩ m na n kɩtame tɩ f wẽen ne Sẽn-Ka-Saab sẽn yaa saasẽ la dũniyã Wẽnnaamã yʋʋre, tɩ f ka na n bao Kana soolmã mam sẽn be a pʋgẽ wã bi-pugl n kõ mam bi-riblã ye.

1 Rĩm-dãmbã 11:1

Rĩm a Salmo rɩgsa bu-zẽms kom-pugli wʋsg n maan a pagba, n paas Ezɩpt rĩm a Faarõ bi-puglã. Pʋg-kãens dag n yaa Amo, Moaabe, Edom, ne Sidõ la Hɛt buudã kom-pugli.

1 Rĩm-dãmbã 21:25

Ned nan ka sak n koos a meng ne wẽng n maan sẽn ka sõama Sẽn-Ka-Saab nifẽ wa a Akaab sẽn maanã ye. La yaa yẽnda pag a Zezabɛll n kɩt t'a maan woto.

2 Kibayã 21:11

A Zoram tol n kɩtame tɩ b me maoong kʋʋb zĩis Zʋʋda tãmsã zutu, n kɩt tɩ Zeruzalɛm ne Zʋʋda nebã waoog bõn-naandse.

Esdras 9:12

Dẽ wã, da rɩk-y y kom-pugli n kõ bu-zẽm-bãmbã kom-dibli wã tɩ b maan b pagb ye. La y ra bao bãmb kom-pugli wã n kõ y kom-dibli tɩ b maan b pagb me ye. Bɩ yãmb da bao tɩ nin-bãmbã yɩ neer wall b paam naar ye. Dẽ, yãmb na n yɩɩ buud sẽn tar pãnga, la y na n dɩɩ tẽngã laog yõodo, la y na n dɩk-a lame n bas ne y yagensã t'a lebg bãmb pʋɩɩr wakat fãa yĩnga.

Esdras 9:2

Bala, bãmb peega nin-bãmb kom-pugli n maan b pagba, la b peeg n kõ b kom-dibli wã me tɩ b maan b pagba, n kɩt tɩ Wẽnnaam nebã kalem ne tẽn-bãmbã nebã. Yaa nanambsã ne taoor-dãmbã n yɩ pipi n maan yel-be-kãngã.»

A Neemi 10:30

naaga b saam-biisã sẽn yaa nanambsã. Bãmb dɩka sardo, la b wẽen n kãab b mense, n yeel tɩ bãmb na n saka Wẽnnaam tõogã b sẽn tũnug b tʋmtʋmd a Moyiis n kõ bãmbã. Yaa sẽn na n yɩl n sak Sẽn-Ka-Saab sẽn yaa tõnd Zu-soabã no-tũudsã, la d kẽn wa sẽn zems no-tũud-kãense, la b sak bãmb tõodã ne b noyã fãa.

A Neemi 10:31

Bõn-kãng yĩnga, tõnd pʋlemdame tɩ d ka na n dɩk d kom-pugli wã n kõ bu-zẽms tɩ b maan b pagba, la d ka na n peeg b kom-pugli wã me n kõ d kom-dibli tɩ b maan b pagb ye.

A Neemi 13:23

Leb n yaa wakat-kãng me, la mam yã tɩ Zʋɩf-rãmb peeg Asdood ne Amo la Moaab nebã kom-pulgi, n maan b pagba.

A Neemi 13:25

Mam zaba bãmb n kãab-b wẽnga. La mam tol n pãba bãmb sʋkã neb kẽere, n võ b zoobdã, la m kɩt tɩ b wẽen ne Wẽnnaam n yeel tɩ bãmb ka na n leb n dɩk b kom-pugli n kõ nin-bãmbã kom-dibli ye. La b ka na n leb n peeg nin-bãmbã kom-pugli wã n kõ b kom-dibli, wall y mens peeg n maan y pagb ye!

Yɩɩn‑sõamyã 106:39

Bãmb maana tʋʋm-dẽgd n dẽgem b mense. Bãmb manesmã yaa wa yoobo.

A Ooze 1:2

Ad goam nins Sẽn-Ka-Saab sẽn tũnug a Ooze n togsã sɩngre. Sẽn-Ka-Saab yeela a Ooze yaa: «Kẽng n tɩ peeg pʋg-yoodr n maan f paga, t'a rog yoodem kamba, Bala, tẽn-kãngã nebã basa maam a Sẽn-Ka-Saabo, wa pag sẽn bas a sɩd n kẽng yoobo.»

Maan‑kʋʋre 21:15

Woto, maan-kʋʋr kãsmã ka na n dog kamb sẽn ka zems n kẽes a buudã sʋk ye. Bala, yaa maam a Sẽn-Ka-Saab n welg yẽnda toore.»

Zozuwe 23:12

Yãmb sã n wẽnemd n naag buud a taabã sẽn be yãmb sʋkã, la y bao zood ne-b n dɩgs b kom-pugli wã n maan y pagba, la y maan lagem-n-taar ne bãmba,

Zozuwe 23:13

bɩ y bãng neere, tɩ Sẽn-Ka-Saab sẽn yaa yãmb Wẽnnaamã ka na n leb n sõng yãmb tɩ y tõog n dig bu-kãensã ye. Bu-kãensã na n kɩtame tɩ yãmb lʋɩ bẽdg pʋg n paam toogo, b na n namsa yãmb wa b sẽn pãbd ned ne kalwaase, la wa gõos sẽn kõs ned nini, hal tɩ yãmb wa menem n bas tẽn-sõng-kãng Sẽn-Ka-Saab sẽn yaa yãmb Wẽnnaamã sẽn kõ yãmbã.

Bʋ-kaoodba 14:3

A Samsõ ba wã ne a ma wã yeela yẽnda yaa: «Yaa pag n ka be fo roagdbã kom-pugli sʋk bɩ? Bɩ tõnd buudã fãa sʋka, pag n ka be beenẽ, tɩ fo wa tɩ rat Filistẽ-dãmbã sẽn ka kẽ bãongã biig n maan f paga?» La a Samsõ yeela a baaba yaa: «Kos-y yẽnda n kõ-ma, bala, yaa yẽnda n ta mam yam.»

Bʋ-kaoodba 3:5

Woto, Israyɛll nebã zĩnda Kana-rãmbã ne Hɛt-rãmbã, la Amoor-dãmbã ne Perɛɛz-rãmbã la Hevi-rãmbã ne Zebuus-rãmbã sʋka.

Bʋ-kaoodba 3:6

Israyɛll nebã peega bu-bãmb kom-pugli wã n maan b pagba, la b rɩgs b kom-pugli n kõ bu-bãmb kom-dibli wã tɩ b maan b pagba, la b pʋʋs bu-bãmb wẽn-naandsã.

Bʋ-kaoodba 8:27

A Zedyõ talla sãnemã n maan bõn-naandg n tɩ ning a meng tẽngã pʋgẽ Ofra, la Israyɛll nebã fãa rag n kẽnda beenẽ n waoogd bõn-naandgã. Dẽ, bõn-naan-kãng lebga bẽdg Israyɛll nebã fãa yĩnga, la a Zedyõ ne a yirã rãmb me yĩnga.