Yikri 34:15 - WẼNNAAM SEBRE 2014

¹⁵ Ra maan kaool ne tẽngã neb ye. Bãmb sẽn maand yoob ne b wẽnnaam-dãmbã yĩnga, bɩ b ra wa bool foom tɩ f naag-b n dɩ bãmb wẽn-naandsã maand nemd ye.

SEBR SÕNGO

¹⁵ Da maan no-noom ne tẽnga rãmb ye, woto b sã n wa wɩɩb n kõ b wẽnd dãmba maando, b kõn bool foo tɩ f wa wãb b maanda nemd ye.

Yikri 34:15 Iomraidhean Croise

1 Kibayã 5:25

La bãmb maana sẽn kisi, n beeg b yaab-rãmbã Wẽnnaam, n paam lagem-n-taar ne tẽms nins Wẽnnaam sẽn dag n sãam bãmb nifẽ wã wẽnnaam-dãmba.

Esdras 6:9

Yãmb tog n kõo Zeruzalɛm maan-kʋʋdbã bũmb ning b sẽn datã daar fãa. Sã n yaa lolse, pe-raado, wall piis sẽn na n maan maoong sẽn yõogd bugum n kõ yĩngr Wẽnnaamã, la y kõ-b koodo, ne yamsem, la reezẽ rãam, ne kaam.

Esdras 9:12

Dẽ wã, da rɩk-y y kom-pugli n kõ bu-zẽm-bãmbã kom-dibli wã tɩ b maan b pagb ye. La y ra bao bãmb kom-pugli wã n kõ y kom-dibli tɩ b maan b pagb me ye. Bɩ yãmb da bao tɩ nin-bãmbã yɩ neer wall b paam naar ye. Dẽ, yãmb na n yɩɩ buud sẽn tar pãnga, la y na n dɩɩ tẽngã laog yõodo, la y na n dɩk-a lame n bas ne y yagensã t'a lebg bãmb pʋɩɩr wakat fãa yĩnga.

Yɩɩn‑sõamyã 106:28

Bãmb yam loee ne Baall-Pewoore, la b wãba maand b sẽn kʋ kɩɩms yĩng nemdo.

Yɩɩn‑sõamyã 73:27

Bala, sẽn zãagd-b b mens ne yãmbã na n sãamame. Yãmb menesda neb nins fãa sẽn basd yãmbã.

Yikri 22:19

Ned sã n maan maoong n kõ wẽnnaam-dãmb a taab tɩ ka Sẽn-Ka-Saabo, bɩ b welg a soab n sãam-a.

Yikri 22:20

Ra wẽg sãana, la f ra nams-a ye. Bala, yãmb me rag n yaa sãamb Ezɩpt tẽnga.

Yikri 23:32

Ra sak n maan kaool ne bãmba, wall ne bãmb wẽnnaam-dãmbã me ye.

Yikri 32:8

Bãmb basa sor ning mam sẽn wilg bãmbã tao-tao. Bãmb maana sãnem nag-bila, n wõgemd a taoore, n maan maand a yĩng n yeele: ‹Israyɛll nebã, wẽnnaam-dãmb nins sẽn yiis-b yãmb Ezɩpt tẽngã la woto.› »

Yikri 34:10

Sẽn-Ka-Saab yeelame yaa: «Ade, mam na n maana kaool ne foom. Mam na n maana bõn-bãnd fo nebã fãa taoore, yaa bõn-bãnd sẽn nan zɩ n maan buud baa a yembr sʋk dũniyã pʋgẽ ye. La nebã fãa sẽn be ne foomã na n yãnda Sẽn-Ka-Saab tʋʋmdã sẽn sek zoeesã, mam sẽn na n tall foom n maanã.

Yikri 34:12

Fo sã n ta zĩig ning fo sẽn dabdã, bɩ f gũus n da wa maan kaool ne tẽngã nebã, tɩ b lebg wa bẽdg yãmb sʋk ye.

Zeremi 3:9

Bãmb maana yoob ne kug la raad tɩ yaa n loog nugu, n dẽgem tẽngã.

A Ooze 4:12

Mam nebã sokda raad b sẽn peese. Bãmb dasaarã n gomd ne-ba. Yoobã sɩɩg kẽes-b-la moogo, n kɩt tɩ b zãag ne b Wẽnnaamã.

A Ooze 9:1

Israyɛll nebã, da maan-y sũ-noog ye, ra kɩdm-y wa buud a taabã ye. Bala, yãmb basa y Wẽnnaamã n maan yoobo, la y reega yaood sẽn ka zems zeesã fãa zĩisẽ.

Maan‑kʋʋre 17:7

Israyɛll nebã ka tog n leb n maan b maoongã tẽn-kugã sẽn yaa boeesã zutu, bõn-kãng yaa wa yoobo. Yõwã na n yɩɩ no-tũudg sẽn ka sɛta, bãmb ne b yagensã yĩnga.

Sõadga 15:39

Dẽ, bɩ y ningd fut sẽn tar zerdo, tɩ yãmb sã n wa n ges zerdã, bɩ y tẽeg maam a Sẽn-Ka-Saab tõodã yell n sak-ba. Woto, yãmb kõn tol n leb n maan y sẽn date, n bas tɩ y tagsgã ne y ninã gesgã tus yãmb n kẽes wẽn-naands pʋʋsg pʋg ye.

Sõadga 25:1

Israyɛll nebã kẽng n tɩ zĩnda Sitim, la beenẽ, bãmb maana yoob ne Moaab kom-pugli wã.

Sõadga 25:2

La Moaab kom-pugli wã kɩtame tɩ Israyɛll nebã kʋ maand n kõ bãmb wẽn-naandsã. Dẽ, Israyɛll nebã naaga Moaab kom-pugli wã n wãb b maandã nemdo, la b pʋʋs b wẽn-naandsã.

Tʋʋma 15:20

La bɩ d gʋls-b n yeel-b tɩ b lak b mens ne wẽn-naandsã maand nemdo, la wɩɩbdo, la b ra wãb rũng sẽn sãrg nemdo, la b ra rɩ zɩɩm ye.

1 Korẽnt rãmba 10:27

Ned sẽn ka tẽed sã n bool yãmb tɩ y wa rɩ, tɩ yãmb sak n kẽnge, sũur kaset yĩnga, bɩ y rɩ bũmb ning fãa a sẽn kõt yãmbã, n da sok a kibar ye.

1 Korẽnt rãmba 8:10

Bala, ned sã n yãnd foom a tar bãngrã tɩ f zĩ wẽn-naandg karen-doogẽ n dɩtẽ, rẽ yĩnga, a sũ-bãngrã sẽn ka pãngã ka na n kɩt t'a me wãb maand sẽn kʋ wẽn-naandsã nemdo?

1 Korẽnt rãmba 8:4

Sã n yaa ne maandã b sẽn kʋ wẽn-naandsã nemd wãbr yelle, tõnd miime tɩ wẽn-naandg ka be dũni ye, la tɩ Wẽnnaam a yembr bal n be.

1 Korẽnt rãmba 8:7

La ka nebã fãa n mi bõn-kãng ye. Sɩd me, neb kẽer yam sẽn ket n togl wẽn-naandsã wãbda nem-kãens sẽn yɩ maoongã. La bũmb‑kãng rẽgemda bãmb sũ-bãngrã sẽn ka pãngã.

Yaoolem 31:16

Sẽn-Ka-Saab yeela a Moyiis yaa: «Gese, fo na n kiime n bʋʋg f saam-dãmba. La nebã na n yikame n tũ buud a taab wẽnnaam-dãmba, tẽng ning bãmb sẽn na n zĩndã pʋgẽ. Bãmb na n basa maam n sãam mam kaool ning mam sẽn maan ne bãmbã.

Yaoolem 31:18

La badaare, mam na n solga m menga, bãmb sẽn maan wẽng n bʋdg n tũ buud a taab wẽnnaam-dãmbã yĩnga.

Yaoolem 32:37

Dẽ, bãmb na n sokame yaa: Bãmb wẽnnaam-dãmbã bee yɛ? Bãmb sẽn da teeg a soabã bee yɛ?

Yaoolem 32:38

Wẽnnaam-dãmb nins sẽn dag n dɩt yãmb maand nemd kaamã la b yũud y reezẽ rãamã bee yɛɛnẽ? B yik moasã n sõng-yã. B yik n kogl-yã!

Yaoolem 7:2

Sẽn-Ka-Saab sẽn yaa yãmb Wẽnnaamã sã n wa kɩt tɩ y tõog bãmba, bɩ y sãam-b zãnga. Ra maan-y kaool ne bãmba, la y ra zoe b nimbãaneg ye.

Yaoolem 7:3

Ra maan yi-kãadem ne bu-bãmb ye. Da rɩk f bi-pugl n kõ bãmb tɩ b maan b pag ye. La ra peeg bãmb bi-pugl n kõ f kamb tɩ b maan b pag ye.

Zozuwe 23:12

Yãmb sã n wẽnemd n naag buud a taabã sẽn be yãmb sʋkã, la y bao zood ne-b n dɩgs b kom-pugli wã n maan y pagba, la y maan lagem-n-taar ne bãmba,

Vẽnegre 2:20

La mam tara yell ne yãmba: yaa tɩ yãmb basa pag a Zezabɛll t'a zãmsd nebã. A yetame t'a yaa no-rɛɛsa, n zãmsd nebã la a belgd mam tʋmtʋmdbã tɩ b maand yoobo, la b wãbd wẽnd-naands maand nemdo.

Bʋ-kaoodba 2:17

La Israyɛll nebã kell n ka sak b bʋ-kaoodbã me ye. Bala, Israyɛll nebã basa Sẽn-Ka-Saabo, n koos b mens ne wẽnnaam-dãmb a taab n wõgemd b taoore. Bãmb wẽnemda tao-tao n bas b yaab-rãmbã sẽn dag n tũud sor ning n sakd Sẽn-Ka-Saab tõodã. Bãmb ka sak Sẽn-Ka-Saab tõodã wa b yaab-rãmbã sẽn dag n maanã ye.

Bʋ-kaoodba 3:6

Israyɛll nebã peega bu-bãmb kom-pugli wã n maan b pagba, la b rɩgs b kom-pugli n kõ bu-bãmb kom-dibli wã tɩ b maan b pagba, la b pʋʋs bu-bãmb wẽn-naandsã.