Yikri 34:14 - WẼNNAAM SEBRE 2014

¹⁴ Bɩ y ra wõgemd wẽnnaam a to taoor ye. Sẽn-Ka-Saab yaa sũ-kiir soaba, bãmb yaa Wẽnnaam sẽn yaa sũ-kiir soaba.

SEBR SÕNGO

¹⁴ Dẽnd yĩnga: Da yĩgimd wẽn-sãang taoore ye, tɩ m yaa Wẽnd sẽn nong m buuda ne m sũur fãa la m pa sak tɩ buuda nong bũmb a to n yɩɩg-m ye.

Yikri 34:14 Iomraidhean Croise

1 Rĩm-dãmbã 14:15

Sẽn-Ka-Saab na n sɩbga Israyɛlle, la b miim-a wa tãnwĩig sẽn be koom noore. Sẽn-Ka-Saab na n yiisa Israyɛll nebã tẽn-sõng-kãngã bãmb sẽn dag n kõ b yaab-rãmbã pʋgẽ, n kɩt tɩ b sãeeg n kẽng hal Efrat kʋɩlgã rʋʋnde. Bala, bãmb peesa ra-lugds wẽn-naan-poak a Aseera yĩng n kɩt tɩ Sẽn-Ka-Saab sũurã puugi.

1 Rĩm-dãmbã 19:10

La a Eli leokame: «Mam tʋma Sẽn-Ka-Saab sẽn yaa Saasẽ-Pãng-Soabã yĩng ne m sũurã fãa, la Israyɛll nebã basa yãmb kaoolã, la b luba y tẽn-kugã, la b kʋ yãmb no-rɛɛsdbã ne sʋʋga. Yaa maam m yembr bal n ket n vɩ, la b baooda maam me n dat n kʋ.»

Yikri 33:19

La bãmb yeelame: «Mam na n kɩtame tɩ mam sõmblmã fãa lʋɩ fo taoore, la m wilg foom m yʋʋrã sẽn yaa Sẽn-Ka-Saabo, la mam na n ninga m sẽn dat n ning a soab zug barkã barka, la m zoe mam sẽn dat n zoe a soab nimbãanegã nimbãanega.»

A Ezayi 57:15

Bala, soab ning sẽn yɩɩd fãa wã, la sẽn paad wakat sẽn kõn sa wã, tɩ b yʋʋrã welg toorã yetame: «Mam bee hal yĩngr zĩig sẽn welg toor pʋgẽ, la m bee ne ned ning sũur sẽn sãame, soab ning sẽn be paoogr pʋgã, mam bee ne soab ning sɩɩgã sẽn yɛ, n na n bels sũ-pa-noaang soabã.

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

Ezekiyɛl 23:25

M na n basame tɩ m nonglmã sũ-kĩir dɩ foom. Bãmb na n namsa foom ne sũ-puugri. Bãmb na n wõrga f yõorã la b wõrs f tʋbã, la fo yagensã na n paa tãpẽ. Bãmb na n yõga fo kom-pugli wã ne f kom-dibli wã, la bugum n na n dɩ fo yagensã.

A Nahum 1:2

Sẽn-Ka-Saab yaa Wẽnnaam sẽn ka rat tɩ b rɩk bãmb waoogrã n kõ Wẽnnaam a to ye. Sẽn-Ka-Saab rokda b sũuri, bãmb sũ-puug-kãsengã pʋga. Bãmb dokda b sũur ne kɩɩsdbã. Bãmb ka basd b bɛɛbã taal ye.

A Matiye Sõng 4:10

A Zeezi yeela yẽnda: Kẽng n looge, Sʋtãanã! Bala, a gʋlsame tɩ f waoog Zu-soabã fo Wẽnnaam la f sak bãmb b yen bal tãa.

1 Korẽnt rãmba 10:22

Dẽ yĩnga, tõnd datame tɩ Zu-soabã sũ-kiir yik la? Dẽ yĩnga, tõnd pãng yɩɩda bãmb la?

Yaoolem 29:20

Sẽn-Ka-Saab na n welga yẽnda Israyɛll buudã sʋka, t'a paam toog wa sẽn zems kaoolã kãabd nins fãa sẽn gʋls seb-kãngã pʋgẽ wã.»

Yaoolem 32:16

Bãmb kɩtame tɩ sũ-kiir yõk Sẽn-Ka-Saabo. Bãmb sẽn tũud wẽn-sãamsã yĩnga. Bãmb kɩɩsda Sẽn-Ka-Saab ne yel-beed nins b sẽn maandã.

Yaoolem 32:21

Bãmb tũu sẽn ka Wẽnnaam, n kɩt tɩ sũ-kiir yõk maam. Bãmb yika mam sũur ne b bõn-naandse. Woto, mam na n kɩtame tɩ buud sẽn ka buud meng-meng sũ-kiir yõk bãmba. Mam na n kɩtame tɩ buud sẽn yaa yalem yik bãmb sũyã.

Yaoolem 4:24

Bala, Sẽn-Ka-Saab sẽn yaa yãmb Wẽnnaamã yaa bugum sẽn dɩte. Bãmb yaa Wẽnnaam sẽn yaa sũ-kiir soaba.

Yaoolem 5:24

n yeele: Gese, rũndã, Sẽn-Ka-Saab sẽn yaa tõnd Wẽnnaamã kɩtame tɩ tõnd yãnd b ziirã ne b naamã, la tõnd wʋma bãmb koɛɛg sẽn yit bugum pʋgẽ. Rũndã, tõnd bãngame tɩ Wẽnnaam tõe n goma ne ninsaal t'a kell n vɩɩmd n ka ki ye.

Yaoolem 5:7

Ra bao wẽnnaam-dãmb a taab ye, sã n ka maam bala.

Yaoolem 6:15

Bala, Sẽn-Ka-Saab sẽn yaa yãmb Wẽnnaamã sẽn be yãmb sʋkã ka rat tɩ b rɩk b waoogrã n kõ ned a to ye. Bãmb sũurã na n puuga ne yãmb tɩ b kɩt tɩ y menem tẽngã zugu.

Zozuwe 24:19

A Zozoe yeela nebã yaa: «Yãmb ka na n tõog n sak Sẽn-Ka-Saab ye. Bala, b yaa Wẽnnaam sẽn yaa pʋ-peelem soaba, la b yaa Wẽnnaam sẽn ka sakd tɩ b bas bãmb n waoog wẽnnaam-dãmb a taab ye. Bãmb ka na n bas yãmb beegrã ne y yel-wẽnã taal ye.

Bʋ-kaoodba 6:10

Mam yeela yãmb tɩ mam yaa Sẽn-Ka-Saabo, n yaa yãmb Wẽnnaam. La m yeel-y tɩ y ra waoog Amoor-dãmba sẽn be tẽng ning yãmb sẽn be wã wẽnnaam-dãmbã ye. La yãmb ka kelg mam goamã ye.»