Yikri 34:13 - WẼNNAAM SEBRE 2014

¹³ La bɩ y sãam bãmb tẽn-kugã ne b kug-vigindsã bãmb sẽn viglã, la y kɛ bãmb wẽn-naandg a Aseera ra-lugdsã n lubi.

SEBR SÕNGO

¹³ Wã b maan-kugã, wã b sẽn sel kug niynsã, kao b sẽn pees raad niynsã.

Yikri 34:13 Iomraidhean Croise

1 Rĩm-dãmbã 14:15

Sẽn-Ka-Saab na n sɩbga Israyɛlle, la b miim-a wa tãnwĩig sẽn be koom noore. Sẽn-Ka-Saab na n yiisa Israyɛll nebã tẽn-sõng-kãngã bãmb sẽn dag n kõ b yaab-rãmbã pʋgẽ, n kɩt tɩ b sãeeg n kẽng hal Efrat kʋɩlgã rʋʋnde. Bala, bãmb peesa ra-lugds wẽn-naan-poak a Aseera yĩng n kɩt tɩ Sẽn-Ka-Saab sũurã puugi.

2 Rĩm-dãmba 10:27

La bãmb pãba Baall kug-vigindgã n wã, la b wã Baall pʋʋsg roogã me, n kɩt t'a zĩigã lebg bĩnd sãab zĩig hal tɩ ta rũndã.

2 Rĩm-dãmba 18:4

Yẽnda menesa maoong kʋʋb zĩisã, la a wã kug-vigindsã, la a kɛ Aseera ra-lugdsã, la a pãb zũud waafã a Moyiis sẽn dag n maanã n wã, bala, Israyɛll nebã rag n ket n yõogda wisd waafã taoore, la b rag n pʋd-a t'a Nehustan.

2 Rĩm-dãmba 23:14

Rĩmã wãa wẽn-naan-kãens kug-vigindsã, la a kɛ Aseera ra-lugdsã n lubi, n yaool n wʋk ninsaalb kõab n ning b zĩisẽ wã.

2 Kibayã 14:3

La a yeel Zʋʋda nebã tɩ b bao Sẽn-Ka-Saab sẽn yaa bãmb yaab-rãmba Wẽnnaamã, la b sak bãmb tõodã ne b noyã.

2 Kibayã 15:16

La rĩm a Aaza kɩtame tɩ b ka leb n boond a ma a Maaka tɩ rĩmã ma ye. Bala, rĩmã ma rag n maana wẽn-naan-yoog a Aseera bõn-naandga. A Aaza kɩtame tɩ b lub wẽn-naan-yoog-kãng n pãba n wã n yõog-a bugum Sedrõ kʋɩlgã long pʋgẽ.

2 Kibayã 17:6

A Zozafat paama raood Sẽn-Ka-Saabã sakrã pʋgẽ, hal n tol n kɩt tɩ b menes maoong kʋʋb zĩisã sẽn be kunkubã zutã, la wẽn-naan-poak a Aseera ra-lugdsã fãa.

2 Kibayã 24:18

Bãmb basa Sẽn-Ka-Saab sẽn yaa bãmb yaab-rãmbã Wẽnnaamã roogo, n waoog a Aseera ra-lugdsã, la wẽn-naands a taaba. Sẽn-Ka-Saab sũurã puug ne Zʋʋda la Zeruzalɛm nebã.

2 Kibayã 31:1

Tigrã poore, Israyɛll kamba fãa sẽn dag n tigim Zeruzalɛmã kẽe Zʋʋda tẽmsã fãa pʋsẽ, n wã kug-vigindsã, la b kɛ a Aseera ra-lugdsã, n wã b maoong kʋʋb zĩisã ne b tẽn-kugã fãa n menes-b zãnga, Zʋʋda, ne Benzame, la Efrayiim ne Manaase soolmã fãa pʋsẽ, dẽ, Israyɛll nebã fãa lebg n leba b tẽmsẽ, tɩ ned kam fãa kuil a yiri.

2 Kibayã 33:19

A Manaase pʋʋsgã, ne Wẽnnaam sẽn leok-a to-to wã, la yẽnda yel-wẽnã ne a sẽn maanã sẽn ka zems ne Wẽnnaamã, la a sẽn me maoong kʋʋb zĩisã, la a lugl a Aseera ra-lugdsã, la bõn-naandgã n yaool n na n sik a mengã fãa gʋlsa a Hozayi sebrã pʋgẽ.

Yikri 23:24

Ra wõgemd bãmb wẽnnaam-dãmbã taoor n waoog-b ye. La f ra maan wa bãmb sẽn maandã ye. Lub bãmb tẽn-kugã b sẽn luglã n wã.

A Ezayi 17:8

Bãmb kõn leb n ges tẽn-kugã sẽn yaa bãmb nus tʋʋmã, wall b ges Aseera ra-lugdsã ne wisd yõogr zĩisã bãmb mens nus sẽn maanã ye.

A Ezayi 27:9

Yaa woto n na n kɩt t'a Zakoob yagensã paam b kongrã sugri. Ad b sẽn na n paam b yel-wẽnã sugrã sẽn na n wa ne bũmb ninga: Sẽn-Ka-Saab na n kɩtame tɩ tẽn-kugã kug fãa lebg zom wa b sẽn wer goore. Aseera ra-lugdsã ne wisd yõogr zĩisã ka na n leb n yals ye.

Zeremi 17:2

Woto yĩnga, bãmb kambã na n tẽegda b tẽn-kugã yelle, ne b wẽn-naan-poak a Aseera ra-lugdsã sẽn be kunkubã zut tɩɩs nins sẽn tar-b maasmã tẽngrã.

A Miise 5:14

Mam na n doka m sũurã ne bu-zẽms nins sẽn ka kelg maamã ne sũ-yikri, la sũ-puug-kãsenga.»

Sõadga 33:52

bɩ y rig tẽngã neb fãa, la y sãam b wẽn-naands nins bãmb sẽn pees ne kuga, wall sẽn kud ne kutã, la y sãam b tẽn-kugã.

Yaoolem 16:21

Ra vigl-y tɩɩg ba a yembr daoog Aseera yʋʋr yĩng n yegl Sẽn-Ka-Saab sẽn yaa yãmb Wẽnnaamã tẽn-kugrã, yãmb sẽn na n maan y meng yĩngã ye.

Yaoolem 16:22

Ra vigl-y kug-viginds n pʋʋs ye. Bala, Sẽn-Ka-Saab sẽn yaa yãmb Wẽnnaamã kisa bõn-kãense.

Yaoolem 7:5

Ad yãmb sẽn na n maan bãmb bũmb ninga: Yãmb na n wã b tẽn-kugã la y kɛ b ra-lugdsã, la y yõog b bõn-naandsã b sẽn peesã bugum.

Bʋ-kaoodba 2:2

Bɩ yãmb da wa saag n maan kaool ne tẽn-kãngã nebã ye. La bɩ y wã bãmb tẽn-kugã. La yãmb ka kelg mam koɛɛgã ye. Yaa bõe tɩ yãmb maan woto?

Bʋ-kaoodba 6:25

Badaar yʋngo, Sẽn-Ka-Saab yeela a Zedyõ yaa: «Yõk f baaba loalgã, la f bao yʋʋm a yopoe loalg n paase. La f kẽng n wã Baall tẽn-kugrã f ba wã sẽn pʋʋsdã, la f kɛ Aseera ra-lugdgã sẽn be a sɛɛgẽ wã.

Bʋ-kaoodba 6:26

Rẽ poore, bɩ f rʋ kunkubrã zug n me tẽn-kugr n maneg-a sõama Sẽn-Ka-Saab sẽn yaa fo Wẽnnaamã yĩnga. La f rɩk loalg a yiibẽ soabã, n maan maoong n yõog-a bugum ne Aseera raoog ningã fo sẽn kɛ n kʋrgã.»