Yikri 34:11 - WẼNNAAM SEBRE 2014

¹¹ Gũus neer n sak bũmb ning mam sẽn wilgd foom dũndã wã. La mam na n diga Amoor-dãmbã ne Kana-rãmbã la Hɛt-dãmbã ne Perɛɛz-rãmbã la Hevi-rãmbã ne Zebuuz-rãmbã fo taoore.

SEBR SÕNGO

¹¹ Kelg m sẽn yet tɩ f maan dũnna wã. Ade, m na n digame n zãag f taoore, Amoritse, Kanaã rãmba, Ititse, Perizitse, Ivitse la Zebuzitse.

Yikri 34:11 Iomraidhean Croise

1 Kibayã 1:14

la Zebuus ne Amoor la Girgaas nebã,

A Neemi 13:23

Leb n yaa wakat-kãng me, la mam yã tɩ Zʋɩf-rãmb peeg Asdood ne Amo la Moaab nebã kom-pulgi, n maan b pagba.

Yikri 23:28

Mam na n tʋma kãnenkãas tɩ b reng yãmb taoor n dig Hevi-rãmbã ne Kana-rãmbã la Hɛt-rãmbã tɩ b zoe.

Yikri 3:17

Mam yeelame tɩ m na n yiisa yãmb namsg ning b sẽn namsd yãmb Ezɩpt tẽngã pʋgẽ wã pʋga, n tall yãmb n kẽng Kana nebã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã tẽngẽ. Yaa tẽng sẽn pid ne bĩisim la sɩɩd wʋsgo.»

Yikri 3:8

Mam sigame n na n fãag bãmb Ezɩpt nebã nusẽ, la m yiis bãmb soolem-kãng pʋgẽ n tall bãmb n kẽng tẽn-sõng sẽn yaa bedr pʋgẽ. Yaa tẽng sẽn pid ne bĩisim la sɩɩd wʋsgo. Yaa tẽng ning Kana-rãmbã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã sẽn be wã.

Yikri 33:2

Mam na n tʋma mam malɛɛk t'a reng foom taoore. La mam na n diga Kana-rãmbã ne Amoor-dãmbã la Hɛt-dãmbã ne Perɛɛz-rãmbã la Hevi-rãmbã ne Zebuuz-rãmbã.

Yikri 8:27

La Sẽn-Ka-Saab maana wa a Moyiis sẽn kosã. Kɛooda wã loogame n bas Faarõ ne a poorẽ dãmbã la a nebã. Keoodr baa a ye ka kell ye.

A Matiye Sõng 28:20

la y zãms bãmb tɩ b sak bũmb nins fãa mam sẽn yeel yãmb tɩ y maanã. La gese, mam bee ne yãmb wakat fãa, hal tɩ ta wakat sɛɛbo.»

A Zã Sõng 14:21

Ned ning sẽn talld-a mam tõodã n sakd-ba, yaa yẽnda soab n nong maam. Ned ning sẽn nong-a maam, m ba na n nong‑a la mam me na n nong-a lame, la m na n puka m meng ne-a.

Yaoolem 12:28

Gũus-y y mense, n kelg la y sak bũmb nins fãa mam sẽn yet yãmb dũndã wã, tɩ yãmb ne y kambã la y yagensã vɩɩm tõe n yɩ noog wakat fãa, yãmb sẽn maand sẽn noom Sẽn-Ka-Saab sẽn yaa yãmb Wẽnnaamã yĩnga.

Yaoolem 28:1

Yãmb sã n sɩd kelg Sẽn-Ka-Saab sẽn yaa yãmb Wẽnnaamã koɛɛgã n gũus y mens n sak tõod nins mam sẽn kõ yãmb rũndã wã, Sẽn-Ka-Saab sẽn yaa yãmb Wẽnnaamã na n zẽka yãmb tɩ y yɩɩg buud a taabã fãa sẽn be dũniyã zugã.

Yaoolem 33:27

Hal kʋdem-wẽndẽ, Wẽnnaam yaa yãmb zĩ-soalgdga, bãmb n dig y bɛɛbã n yetẽ: ‹Sãam-y-a.›

Yaoolem 4:40

Woto yĩnga, sak-y bãmb no-tũudsã ne b tõodã mam sẽn kõ yãmb dũndã wã, tɩ yãmb ne y kambã vɩɩm tõe n yɩ noogo, la tɩ yãmb tõe n vɩɩmd n kaoos tẽng ning Sẽn-Ka-Saab sẽn yaa yãmb Wẽnnaamã sẽn kõ yãmb tɩ y soog wakat fãa yĩngã pʋgẽ.»

Yaoolem 5:32

Gũus-y la y maan wa Sẽn-Ka-Saab sẽn yaa yãmb Wẽnnaamã sẽn yeel yãmbã. La y ra bʋdg n leb goabg wall rɩtg ye.

Yaoolem 6:25

Tõnd sã n gũus d mens n sak tõ-kãensã fãa wa bãmb sẽn yeel tõndã, Sẽn-Ka-Saab sẽn yaa tõnd Wẽnnaamã na n gesa tõnd wa nin-tɩrse.

Yaoolem 6:3

Woto yĩnga, Israyɛll nebã, kelg-y la y gũusi, la y sak bãmba, n tõog n paam sũ-noog n lebg wʋsg tẽng ning sẽn pid ne bĩisim la sɩɩd wʋsgã pʋgẽ, wa Sẽn-Ka-Saab sẽn yaa yãmb yaab-rãmbã Wẽnnaamã sẽn dag n yeel yãmbã.

Yaoolem 7:19

Yaa to-kãsems nins yãmb sẽn yãndã, ne bãn la bõn-bãnã, Sẽn-Ka-Saab sẽn yaa yãmb Wẽnnaamã pãngã ne b nugã sẽn zẽk n yiis yãmb be wã. Yaa woto la bãmb na n maan buud nins fãa yãmb sẽn zoetã.

Zozuwe 23:5

Sẽn-Ka-Saab sẽn yaa Israyɛll Wẽnnaamã na n dig-b lame tɩ b zãag ne yãmba, n kɩt tɩ y tõog-ba, la y reeg b tẽngã, wa yãmb Zu-soab a Wẽnnaam sẽn dag n yeel yãmbã.