Yikri 34:10 - WẼNNAAM SEBRE 2014

¹⁰ Sẽn-Ka-Saab yeelame yaa: «Ade, mam na n maana kaool ne foom. Mam na n maana bõn-bãnd fo nebã fãa taoore, yaa bõn-bãnd sẽn nan zɩ n maan buud baa a yembr sʋk dũniyã pʋgẽ ye. La nebã fãa sẽn be ne foomã na n yãnda Sẽn-Ka-Saab tʋʋmdã sẽn sek zoeesã, mam sẽn na n tall foom n maanã.

SEBR SÕNGO

¹⁰ Wẽnnaam yeela a Moyiiz: «M na n yõga zood ne foom, n maan bõn-bãn neba taoore wala tẽng ba a ye la buud ba a ye sẽn zɩɩ n yãend ye. Neba sẽn gũbga fãa na n yãee tʋʋmd ning m sẽn na n tʋm ne foo, la na n yɩɩ tʋʋmd bãnde.

Yikri 34:10 Iomraidhean Croise

2 Sãmwɛlle 7:23

Rẽ yĩnga, buud bee dũni wã zugu, n yaa wa Israyɛll sẽn yaa yãmb nebã, tɩ b wẽnnaam-dãmbã fãag-b tɩ b lebg b nebã, la b kõ-b yʋʋre? Yãmb nebã taoore, yãmb maana bõn-kãsemse, ne bõn-yɛɛsds y tẽngã yĩnga, n fãag bãmb n yiis Ezɩpt tẽms toay-toay pʋse, ne b wẽnnaam-dãmbã nusẽ, tɩ b lebg yãmb mengã nebã.

Yɩɩn‑sõamyã 106:22

Wẽnnaamã maana bõn-bãn a Sam tẽngẽ wã, la b maan tʋʋm-yɛɛsds rudum ko-kãsengẽ wã.

Yɩɩn‑sõamyã 136:4

Bãmb b yembr bal n maand bõn-bãn-kãsemse, bala, bãmb nonglmã paada wakat fãa!

Yɩɩn‑sõamyã 145:6

B na n goma yãmb pãn-kãsengã yelle, la mam na n moona yãmb tʋʋm-kãsemsã.

Yɩɩn‑sõamyã 147:20

Bãmb ka maan bũmb a woto n kõ buud a taabã fãa ba a yembr ye. Bu-bãmb ka mi bãmb no-tũudsã ye. Pẽg-y Sẽn-Ka-Saabo!

Yɩɩn‑sõamyã 65:5

Bark bee ned ning yãmb sẽn yãk t'a kolg yãmba, la a pa yãmb doogã samandẽ wã zugu! Yãmb doogã bõn-neebã taa tõnd daabo, yãmb doogã sẽn welg toorã taa tõnd daabo.

Yɩɩn‑sõamyã 66:3

Yeel-y Wẽnnaam yaa: Ad yãmb tʋʋmã seka zoeese! Yãmb pãngã sẽn yaa kãsengã yĩnga, yãmb bɛɛbã kong n waoogda yãmba.

Yɩɩn‑sõamyã 66:5

Bɩ y wa n ges Wẽnnaam tʋʋmã! B tʋʋm-kãsemsã ninsaalb yĩngã seka zoeese.

Yɩɩn‑sõamyã 68:35

Sak-y n deeg-y tɩ Wẽnnaam tara pãnga! Bãmb dɩta naam Israyɛlle, la bãmb pãngã bee sawatẽ.

Yɩɩn‑sõamyã 72:18

Bɩ Wẽnnaam Sẽn-Ka-Saab sẽn yaa Israyɛll Wẽnnaamã paam pẽgre! Bãmb b yembr bal n maand bõn-bãna!

Yɩɩn‑sõamyã 76:12

Pʋlm-y Sẽn-Ka-Saab sẽn yaa yãmb Wẽnnaamã, la y pids y pʋlengo! Bɩ neb nins fãa sẽn gũbg bãmbã wa ne kũun n wa kõ sẽn sek-a zoeesã!

Yɩɩn‑sõamyã 77:14

Wẽnnaam, yãmb sorã yaa sõmblem sore. Wẽn-bʋg n yaa kãseng wa yãmb a Wẽnnaam?

Yɩɩn‑sõamyã 78:12

Wẽnnaam maana bõn-bãnd b yaab-rãmbã nifẽ, Sowan tẽngã sẽn be Ezɩpt soolmẽ wã.

Yikri 34:27

Sẽn-Ka-Saab yeela a Moyiis yaa: «Gʋls gom-kãensã. Bala, yaa ne gom-kãensã la mam maand kaool ne foom, la ne Israyɛlle.»

Yikri 34:28

A Moyiis paa ne Sẽn-Ka-Saab rasem pis-naase, n ka rɩ rɩɩbo, la a ka yũ koom ye. La yẽnda gʋlsa kãabg goamã sẽn yaa tõod piigã kug-walsã zutu.

A Ezayi 64:3

Ned nan ka wʋm a buudu, la b zɩ n wʋm tɩ b gomda, la ned nif nan ka yãnd wẽnd a to ba a ye, t'a tõog n maan a woto tɩ b wʋme, sã n ka yãmb y yembr bala.

Zeremi 32:21

Yãmb tẽega y nug n maan bãn ne bõn-yɛɛsdse, n yiis Israyɛll sẽn yaa yãmb nebã Ezɩpt ne y pãn-kãsengã, n kẽes nebã rabeem-kãsenga.

A Miise 7:15

Mam na n wilga bãmb tʋʋm-kãsemse, wa wakat ning mam sẽn dag n yiis bãmb Ezɩpt tẽngã.

Yaoolem 10:21

Bãmb yaa yãmb ziiri, bãmb yaa yãmb Wẽnnaam. Yaa bãmb n maan bõn-kãsems sẽn sek zoeese, tɩ yãmb ninã yãnde.

Yaoolem 32:30

Nin-yend na n yɩɩ wãn n dig neb tusri, la neb a yiib na n yɩɩ wãn n dig neb tus piiga, tɩ sã n ka kugr ning bãmb sẽn teegã n koos bãmba? Yaa Sẽn-Ka-Saab n bas bãmba.

Yaoolem 4:13

Bãmb wilga yãmb b kaoolã sẽn yaa to-to. Kaool-kãng yaa tõod piigã yãmb sẽn tog n sakã. Bãmb gʋls-b-la kug-wals a yiib zutu.

Yaoolem 9:19

La rabeem dag n tara maam, Sẽn-Ka-Saab sũ-kãbrã, ne b sũurã sẽn yik ne yãmb wʋsg hal tɩ b rat n sãam yãmbã yĩnga. La Sẽn-Ka-Saab leb n kelga maam wakat-kãng me.

Zozuwe 6:20

Bardã sẽn peebã, nebã kaasa zabr kaasgo. Nebã sẽn wʋm bardã peebgã, b kaasa ne pãnga, la lalgã lʋɩ a toor bala, la nebã wudg n kẽe tẽngã. Ned kam fãa kell n tũ a sẽn dag n be zĩig ningã n kẽ. La b reega tẽngã.