Yikri 33:6 - WẼNNAAM SEBRE 2014

⁶ Dẽ, sẽn sɩng ne bãmb sẽn be Hoorɛɛb tãngã, Israyɛll nebã yiisa b fan-teedã.

SEBR SÕNGO

⁶ Yaa rẽ la Oreb tɛka, Israyɛl kamba ka le ning fan-teed ye.

Yikri 33:6 Iomraidhean Croise

Yikri 3:1

A Moyiis rag n kɩɩmda a rɛɛmb a Zetro sẽn yaa Madiyã maan-kʋʋdã rũmsi. Yẽnda talla rũmsã n kẽng we-raoogã wã n ta Horɛɛbe, Wẽnnaam tãngẽ wã.

Yikri 32:3

Nebã fãa yãgsa sãnem tʋb-londã sẽn be bãmb tʋbẽ wã n wa kɩs a Aarõ.

Yikri 33:4

Nebã sẽn wʋm koe-kãng sẽn yaa toogã, b sũyã sãamame. La ned baa a yembr ka yeelg a fan-teed ye.

Yikri 33:5

Sẽn-Ka-Saab yeela a Moyiis t'a yeel Israyɛll nebã yaa: «Yãmb sũyã yaa kegemse, mam sã n wa yãmb sʋk wakat bilf bala, mam na n sãama yãmba. La moasã, bɩ y yiis y fan-teedã tɩ mam bãng mam sẽn na n maan yãmb bũmb ninga.»

Yikri 33:7

La a Moyiis rɩka fu-roog n yi kɛɛng n tɩ tilg n zãag ne sik zĩigã bilfu. La yẽnda pʋda a yʋʋr tɩ sɛk roogo. La neb nins fãa sẽn dag n baood Sẽn-Ka-Saabã yii sik zĩigẽ wã n kẽng sɛk roogã sẽn dag n be kɛɛngã.

Zeremi 2:19

Bɩ wẽng ning y sẽn maanã rɩ-yã, la bɩ y sẽn bas maamã sɩbgr lʋɩ y zugu, tɩ y bãng tɩ yãmb sẽn bas maam a Sẽn-Ka-Saab sẽn yaa yãmb Wẽnnaam n ka leb n zoet maamã wata ne wẽng la toogo. Saasẽ-Pãng-Soabã n yeele.

A Zonaase 3:5

Dẽ, Niniiv tẽngã neb tẽe Wẽnnaam. La bãmb mooname n yeel nebã fãa tɩ b loe noore. La sẽn sɩng ne kãsma, n tɩ tãag yao-zʋʋga, nebã fãa yeelga sũ-sãang fut n zĩnd tompeglmẽ.