Yikri 33:16 - WẼNNAAM SEBRE 2014

¹⁶ Dẽ, yaa ne bõe la ned na n bãng tɩ maam ne yãmb nebã paama bark yãmb nifẽ? Ka yãmb sẽn yãagd tõndã yĩng sɩda? Yaa rẽ yĩng la maam ne yãmb nebã yaa toor ne neb a taabã fãa sẽn be dũniyã zugã.»

SEBR SÕNGO

¹⁶ Kaset bʋg la m tar n na n bãng tɩ zood n be tõnd sʋka, maam ne yãmb la yãmb ne y neba sʋka? Kaset n le bee n yɩɩd d sã n tũud taab bɩ? Y sã n tũud tõndo, neba kõn bãng tɩ yãmb n welg maam ne y neba toore, dũni wã pʋgẽ sɩda?»

Yikri 33:16 Iomraidhean Croise

2 Sãmwɛlle 7:23

Rẽ yĩnga, buud bee dũni wã zugu, n yaa wa Israyɛll sẽn yaa yãmb nebã, tɩ b wẽnnaam-dãmbã fãag-b tɩ b lebg b nebã, la b kõ-b yʋʋre? Yãmb nebã taoore, yãmb maana bõn-kãsemse, ne bõn-yɛɛsds y tẽngã yĩnga, n fãag bãmb n yiis Ezɩpt tẽms toay-toay pʋse, ne b wẽnnaam-dãmbã nusẽ, tɩ b lebg yãmb mengã nebã.

1 Rĩm-dãmbã 8:53

Wẽnnaam Sẽn-Ka-Saabo, yãmb welga Israyɛll nebã toor ne dũniyã neb a taabã, n kɩt tɩ b lebg yãmb pʋɩɩre, wa yãmb sẽn dag n yeel y tʋmtʋmd a Moyiis wakat ning yãmb sẽn yiis tõnd yaab-rãmbã Ezɩpt tẽngã.»

Yɩɩn‑sõamyã 147:20

Bãmb ka maan bũmb a woto n kõ buud a taabã fãa ba a yembr ye. Bu-bãmb ka mi bãmb no-tũudsã ye. Pẽg-y Sẽn-Ka-Saabo!

Yikri 34:10

Sẽn-Ka-Saab yeelame yaa: «Ade, mam na n maana kaool ne foom. Mam na n maana bõn-bãnd fo nebã fãa taoore, yaa bõn-bãnd sẽn nan zɩ n maan buud baa a yembr sʋk dũniyã pʋgẽ ye. La nebã fãa sẽn be ne foomã na n yãnda Sẽn-Ka-Saab tʋʋmdã sẽn sek zoeesã, mam sẽn na n tall foom n maanã.

Yikri 34:9

La yẽnda yeelame: «M Zu-soaba, yãmb sã n nonga maam, baa nebã sũyã sã n yaa kegemse, mam kotame tɩ y yãag tõndo. La y kõ tõnd sugr d kongrã ne d yel-wẽnã yĩnga. La tõnd na n yɩɩ yãmb dẽnda.»

Yikri 8:22

La a Moyiis leokame: «Ka zems tɩ tõnd maan a woto ye. Bala, maand nins tõnd sẽn maand n kõt Sẽn-Ka-Saab sẽn yaa tõnd Wẽnnaamã yaa kisg ne Ezɩpt nebã. Tõnd sã n maan maoong sẽn yaa kisg ne Ezɩpt nebã bãmb nifẽ, b ka na n lob tõnd kug sɩda?

Maan‑kʋʋre 20:24

Mam yeela yãmb tɩ yaa yãmb n na n deeg tẽngã n sooge. Mam mengã n na n kõ yãmb tẽngã tɩ y sooge. Beenẽ yaa tẽng sẽn tar bĩisim ne sɩɩdo. Bala, mam yaa Sẽn-Ka-Saab sẽn yaa yãmb Wẽnnaam sẽn welg yãmb toor buud a taabã sʋka.

Maan‑kʋʋre 20:26

Yãmb tog n yɩɩ pʋ-peelem dãmb mam yĩnga, bala, maam a Sẽn-Ka-Saab yaa pʋ-peelem soaba. Mam welga yãmb toor buud a taabã sʋka, tɩ yãmb tõe n yɩ mam dẽnda.

Sõadga 14:14

La bãmb dɩka bõn-kãng n togs tẽn-kãngã nebã, tɩ bãmb miẽ tɩ yãmb a Sẽn-Ka-Saab bee y nebã sʋka. La yãmb pukda y meng ne y nebã vẽeneg-vẽenega. La b wʋmame me tɩ yãmb gũuda y nebã, la y lʋɩta bãmb taoor n kẽnda. Wĩndga, yaa sawad-taok pʋg la y be. La yʋngo, y bee bug-witim pʋgẽ.

Sõadga 23:9

Mam zĩnda tãmsã zut n get nin-bamba, Mam da bee tãmsã zut n get-ba, La mam mikame tɩ yaa buud sẽn welg toore, La bãmb miime tɩ b welga toor ne buud a taabã.

A Matiye Sõng 1:23

Ade, pa-kuil na n dɩka pʋga, n dog bi-ribla, la b na n pʋda a yʋʋr tɩ Emanuwɛlle, sẽn dat n togs tɩ ‹Wẽnd‑be‑ne‑do.›

2 Korẽnt rãmba 6:17

Yaa woto yĩng tɩ Zu-soabã yetẽ yaa: Yi-y bãmb sʋka, welg-y toor ne-ba. La y ra sɩɩs bũmb sẽn yaa rẽgd ye, la mam na reeg yãmba.

Yaoolem 4:34

Wẽnnaam bʋg n zoe n mak tɩ reeg buud buud a to nugẽ ne bõn-makre, la bãn ne bõn-yɛɛsds la zabre, ne a nugã pãng n maan tʋʋm-kãsems sẽn kẽesd rabeem? Yaa bõn-kãens la Sẽn-Ka-Saab sẽn yaa yãmb Wẽnnaamã maan n kõ yãmb Ezɩpt tẽng tɩ y nin yãndã.

Yaoolem 4:7

Sɩd me, bu-kãsen-bʋg n be n tar wẽnnaam-dãmb sẽn pẽ ne-a wa Sẽn-Ka-Saab sẽn yaa tõnd Wẽnnaamã sẽn pẽ ne tõnd daar fãa d sẽn wat n boond bãmbã?