Yikri 32:9 - WẼNNAAM SEBRE 2014

⁹ Sẽn-Ka-Saab yeela a Moyiis yaa: «Mam yãame tɩ nin-bãmbã sũyã yaa kegemse.

SEBR SÕNGO

⁹ Wẽnnaam yeela a Moyiiz: «M nee nebã, m neeme tɩ nin-bãmba yaa tõatba!

Yikri 32:9 Iomraidhean Croise

2 Rĩm-dãmba 17:14

La bãmb ka kelg ye. Bãmb kenga b sũyã, wa bãmb ba-rãmbã me sẽn dag n ka tẽ Sẽn-Ka-Saab sẽn yaa bãmb Wẽnnaamã.

2 Kibayã 30:8

Moasã, bɩ y ra keng y sũyã wa y yaab-rãmbã ye. Lebg-y n bao-y Sẽn-Ka-Saabo, la y wa bãmb zĩ-sõngã pʋg bãmb sẽn yãk wakat fãa yĩngã, n waoog Sẽn-Ka-Saab sẽn yaa yãmb Wẽnnaamã, tɩ bãmb tõe n zãag b sũ-puugrã ne yãmba.

A Neemi 9:16

La bãmba ne tõnd yaab-rãmbã wuka b mense, n kɩɩs yãmba, la b ka sak yãmb tõodã ye.

A Neemi 9:17

Bãmb zãgsame n ka kelg yãmb ye. La b ka tẽeg bõn-bãnã yãmb sẽn maan n kõ bãmbã yell ye. Bãmb kɩɩsgã pʋga, b kenga b sũyã, n yãk taoor soab n dat n lebg n leb b yembdã pʋg Ezɩpt tẽnga. La baa ne rẽ fãa, yãmb yaa Wẽnnaam sẽn kõt sugri, la y yaa nimbãan-zoɛta, la y yaa maan-neer soaba, la y sũur ka yikd tao-tao ye, la yãmb nonglmã sẽn yaa kãsengã yĩnga, yãmb ka bas-b ye.

Yɩɩn‑sõamyã 78:8

Woto, bãmb kõn maan wa b yaab-rãmbã ye. B yaab-rãmbã yɩɩ tõatb ne kɩɩsdba, b yɩɩ neb sũy sẽn yaa golemse, la bãmb dag n ka maand sɩd ne Wẽnnaam ye.

Yikri 33:3

Kẽng-y tẽng ning sẽn tar bĩisim ne sɩɩd wʋsgã. La mam ka na n yãag yãmb ye, mam sã n yãag yãmba, mam na n wa sãama yãmb sorã zugu. Bala, yãmb yaa neb sũy sẽn yaa kegemse.»

Yikri 33:5

Sẽn-Ka-Saab yeela a Moyiis t'a yeel Israyɛll nebã yaa: «Yãmb sũyã yaa kegemse, mam sã n wa yãmb sʋk wakat bilf bala, mam na n sãama yãmba. La moasã, bɩ y yiis y fan-teedã tɩ mam bãng mam sẽn na n maan yãmb bũmb ninga.»

Yikri 34:9

La yẽnda yeelame: «M Zu-soaba, yãmb sã n nonga maam, baa nebã sũyã sã n yaa kegemse, mam kotame tɩ y yãag tõndo. La y kõ tõnd sugr d kongrã ne d yel-wẽnã yĩnga. La tõnd na n yɩɩ yãmb dẽnda.»

Yelbũna 29:1

B sã n keoogd ned t'a nakd a kãare, sãoong n na n wa ling-a tɩ sẽn maand kae ye.

A Ezayi 48:4

Mam miime tɩ yãmb yaa sũ-keglem dãmba, n miẽ tɩ yãmb yublã yaa kɛgeng wa kutu, la y rĩyã yaa wa zũudu.

Zeremi 13:27

Fo yoobã tʋʋmã ne f sẽn kaasd wa wed-raoog sẽn kelemd to-to n baood wed-yãangã, la f sẽn maand yoob n ningd f meng yãndã, mam yãnda bõn-kãens fãa gilli.» Mam yãnda f bõn-naands nins mam sẽn kisã tãmsã zutu, la wetã pʋse! Kayto! Zeruzalɛm, bõe yĩng tɩ f ka rat n yɩlg f meng ne f rẽgdã? Na n yɩ a woto n ta dabʋre?

A Ooze 6:10

Israyɛll tẽngã pʋga, mam yãnda yel-beedo! Yaa be la Efrayiim nebã maan yoobo, la be la Israyɛll nebã rẽgem b mense.

Sõadga 14:11

Dẽ, Sẽn-Ka-Saab yeela a Moyiis yaa: «Nin-bãmbã na n kell n kɩɩsa maam hal tɩ ta dabʋre? Baa ne bõn-bãn-kãsems nins mam sẽn maan bãmb sʋkã, bãmb ket n ka tẽed maam ye.

Tʋʋma 7:51

Yãmb yaa kɩɩsdba. La yãmb sũyã ne y tʋbã pagame n ka wʋmd Wẽnnaam boaalã ye. Yãmb kɩɩsda Sɩɩg-sõng daar fãa wala y yaab-rãmbã sẽn da maanã.

Yaoolem 10:16

Bao-y yam sõama n kõ y mense, la y ra yɩ tõatb ye.

Yaoolem 31:27

Bala, mam mii yãmb kɩɩsgã, la m miime tɩ yãmb yaa tõatba. Gese, yãmb sẽn kɩɩsd Sẽn-Ka-Saab tɩ mam ket n vɩ n be ne yãmbã, mam sã n wa ki, yãmb na n maana woto n yɩɩda.

Yaoolem 9:13

Sẽn-Ka-Saab leb n goma ne maam n yeele: «Mam yãnda nin-bãmbã. Yaa buud sẽn yaa tõata.

Yaoolem 9:6

Bãng-y tɩ ka yãmb tɩrlem yĩng n kɩt tɩ Sẽn-Ka-Saab kõ yãmb tẽn-sõngã tɩ y soog ye. Bala, yãmb yaa buud sẽn yaa tõatba.