Yikri 32:7 - WẼNNAAM SEBRE 2014

⁷ Dẽ, Sẽn-Ka-Saab yeela a Moyiis yaa: «Lebg n sigi. Bala, fo nebã fo sẽn yiis Ezɩpt tẽngã sãama b mense.

SEBR SÕNGO

⁷ Wẽnnaam yeela a Moyiiz: «Ges n sigi tɩ f sẽn yiis neb niyns Ezipt tẽnga maana wɩɩbdo.

Yikri 32:7 Iomraidhean Croise

2 Kibayã 27:2

A Yotam maana sẽn yaa neer Sẽn-Ka-Saabã nifẽ, wa yẽnda ba a Oozɩyaase, la yẽnda ka sak n kẽ Sẽn-Ka-Saab roogã pʋg ye. La nebã rag n ket n maanda tʋʋm-beedo.

Yɩɩn‑sõamyã 78:36

Bãmb noorã goam pʋga, b rag n dat n zãmba Wẽnnaam. La b zɛlma wã rag n yagda zĩrẽ ne bãmba.

Yikri 19:24

Sẽn-Ka-Saab yeela yẽnda yaa: «Kẽng n sig n peeg a Aarõ tɩ y rʋ. La bɩ maan-kʋʋdbã ne nebã ra gãndg bãmb toadgã n dʋ tãngã n wa mam nengẽ tɩ mam wa wẽ bãmb n kʋ ye.»

Yikri 32:1

Nebã sẽn yãnd t'a Moyiis kaoosda tãngã zug n ka sigdã, bãmb tigma taab a Aarõ nengẽ n yeel yẽnda yaa: «Maan wẽnnaam n kõ tõnd t'a lʋɩ tõnd taoor n tɛ tõndo. Bala, Moyiis-kãngã, rao ning sẽn yiis-a tõnd Ezɩpt tẽngã, tõnd ka mi bũmb ning sẽn paam-a ye.»

Yikri 32:11

La a Moyiis baoome n na n sigs Sẽn-Ka-Saab sẽn yaa yẽnda Wẽnnaamã sũuri. Yẽnda soka bãmb yaa: «Sẽn-Ka-Saabo, yaa bõe tɩ yãmb sũur kãbd wʋsg ne yãmb nebã yãmb sẽn yiis Ezɩpt ne pãn-kãsenga, la ne nug sẽn tar pãngã?

Yikri 32:4

La yẽnda reega sãnemã bãmb nugẽ, n ning-a boaag pʋg n dõog sãnem nag-bila. La nebã yeelame: «Israyɛll nebã, wẽnnaam-dãmb nins sẽn yiis-b yãmb Ezɩpt tẽngã la woto.»

Yikri 33:1

Sẽn-Ka-Saab yeela a Moyiis yaa: «Bɩ foom ne neb nins fo sẽn yiis Ezɩpt soolem pʋgẽ wã yi ka n kẽng tẽng ning mam sẽn dag n kãab a Abrahaam ne a Izak la a Zakoob n yeel tɩ m na n kõo bãmb yagensã.

A Ezayi 1:4

Toog bee bu-kãngã sẽn yaa yel-wẽn-maandã zugu, bãmb yaa koangdba, bãmb yaa tʋʋm-wẽns rãmba, bãmb yaa kom-wegemse! Bãmb basa Sẽn-Ka-Saabo, bãmb paooga Israyɛll Pʋ-Peelem-Soabã, bãmb wẽnemd n basa bãmba.

A Dãniyɛlle 9:24

Ade, b yãka yʋʋm a yopoe naoor pis-yopoe, fo nebã ne tẽn-sõngã yĩnga, n na n kɩt tɩ tʋʋm-beedã ne kongrã sɛ, tɩ yel-wẽnã me tõe n paam pekre, sẽn na n yɩlẽ tɩ tɩrlem puk wakat fãa, tɩ vẽnegrã ne pĩnd-n-bãngr goamã paam pidsgu, la b welg zĩig sẽn welg toor n yɩɩdã toore.

A Ooze 9:9

Bãmb pida ne wẽnga, wa Gibeya nebã wakatẽ. Sẽn-Ka-Saab ka yĩm bãmb kongrã ye, la b na n sɩbga bãmb b yel-wẽnã yĩnga.

Yaoolem 31:29

Bala, mam miime tɩ mam kũum poorẽ, yãmb na n maana wẽnga, yãmb na n basa sor ning mam sẽn wilg yãmbã, la wakat sẽn wata, toog na n paama yãmba, yãmb sẽn beeg Sẽn-Ka-Saab n kɩt tɩ b sũur yik ne yãmb y tʋʋm-wẽnsã poorẽ wã yĩnga.

Yaoolem 32:5

Israyɛll kambã sã n maand wẽnga, ka Wẽnnaam yell ye. Yaa Israyɛll kambã la b tog n paooge. Bãmb zamaanã yaa zamaan-yoog sẽn pid ne yel-kɛga.

Yaoolem 4:16

Gũus-y y mens n da wa maan wẽng ye. Da maan-y bõn-naandg baa a sẽn yaa bũmb ning y mens yĩnga tɩ yɩ raoa wall pag wẽnego,

Yaoolem 9:12

Sẽn-Ka-Saab yeela maam yaa: «Yik n yi tãngã zug n sig tao-tao, tɩ fo nebã fo sẽn yiis Ezɩpt tẽngã maana wẽnga. Bãmb bʋdga tao-tao n bas sor ning mam sẽn wilg bãmb tɩ b tũ wã. Bãmb yẽnega kut n maan bõn-naandg b mensã yĩnga.»

Yaoolem 9:8

Horɛɛb tãngã zugu, yãmb yika Sẽn-Ka-Saab sũur hal tɩ b rag n dat n sãam yãmba.

Bʋ-kaoodba 2:19

La bʋ-kaoodã sã n wa n ki, bãmb lebd n wẽnemdame n maan wẽngã n yɩɩg b ba-rãmbã sẽn dag n maanã, n tũud wẽnnaam-dãmb a taaba, la b pʋʋsd-ba, n wõgemded bãmb taoore. La b ka basd b tʋʋm-beedã ne b sũ-keglmã ye.