Yikri 32:4 - WẼNNAAM SEBRE 2014

⁴ La yẽnda reega sãnemã bãmb nugẽ, n ning-a boaag pʋg n dõog sãnem nag-bila. La nebã yeelame: «Israyɛll nebã, wẽnnaam-dãmb nins sẽn yiis-b yãmb Ezɩpt tẽngã la woto.»

SEBR SÕNGO

⁴ T'a Aarõ deeg-ba n bao boaaga n yẽneg-ba, n maan nag-bila; tɩ b naag taab n moone: «Woto la tõnd wẽnda sẽn yiis tõnd Ezipt tẽnga.»

Yikri 32:4 Iomraidhean Croise

1 Rĩm-dãmbã 12:28

A Zeroboaam kõo a meng yam n maan sãnem nag-bi a yiibu, n yeel Israyɛll nebã yaa: «Israyɛll nebã, yãmb sẽn kẽnd Zeruzalɛmã yaa wʋsgo. Moasã, wẽn-naands nins sẽn yiis yãmb Ezɩpt yembdã pʋgẽ wã la woto.»

1 Rĩm-dãmbã 12:32

A Zeroboaam yãka kiuug a nii soabã rasem piig la a nu wã daare, tɩ yaa tigr daare. La tig-kãng kell n zemsda ne Zʋʋda tigrã daare. La yẽnda meng n yik n maan maand tẽn-kugrã zugu. A Zeroboaam maana a woto Betɛll n maand maand n kõt nag-bi nins yẽnda sẽn maanã. Yẽnda zĩniga maan-kʋʋdb maoong kʋʋb zĩisẽ wã Betɛlle.

2 Rĩm-dãmba 10:20

La a Zehu yeelame tɩ b moon tigr a Baall yĩnga. La b moona tigrã.

2 Rĩm-dãmba 10:29

Baoosg zãnga, a Zehu ka bas yel-wẽn nins a Nebat biig a Zeroboaam sẽn dag n maan n kɩt tɩ Israyɛll nebã lʋɩ kongr pʋgã ye. Bala, a Zeroboaam dag n kɩtame tɩ Israyɛll nebã maan sãnem nag-bi n ning Betɛll ne Dan n waoogdẽ.

2 Kibayã 11:15

La a Zeroboaam mengã rag n baoo neb tɩ b tõe n yɩ maan-kʋʋdba, boeesã ne nag-bi wẽn-naands nins yẽnda sẽn dag n dõog n ning maoong kʋʋb zĩisẽ wã yĩnga.

2 Kibayã 13:8

La moasã y yetame tɩ y kõn sulg y mens n sak Sẽn-Ka-Saab soolmã sẽn be a Davɩɩd yagensã kambã nugẽ wã ye. Ade, yãmb yaa kʋʋn-kãseng sẽn sũ tãpo, la y tar sãnem nag-bi nins a Zeroboaam sẽn dag n maan n kõ yãmbã, tɩ yaa y wẽnnaam-dãmbã.

A Neemi 9:18

Bãmb tol n dɩka kut n yẽneg n maan nag-bil n yeel yaa: ‹Ad yãmb Wẽnnaam ning sẽn yiis-a yãmb Ezɩpt tẽngã!› Bãmb maana woto n paoog yãmb yʋʋrã wʋsgo.

Yikri 20:2

«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga.

Yikri 20:23

Ra maan-y wẽnnaam-dãmb ne wanzuri wall sãnem yãmb mens yĩnga, n paas maam ye.

Yikri 20:4

Ra maan bõn-naandg sẽn wẽnd bũmb sẽn be saasẽ, wall sẽn be tẽngã zugu, wall sẽn be koom pʋsẽ dũniyã tẽngr ye.

Yikri 28:11

Gʋls Israyɛll kambã yʋy kug a yiib zut wa tʋʋm-mitb sẽn dɩkd kɩtg n gʋlsd kug n maand bãndã. Ning kugã sãnem gãtsã pʋsẽ.

Yikri 28:9

Gʋls Israyɛll buudã yʋy onigs kug a yiib zut ne kɩtga.

Yikri 32:1

Nebã sẽn yãnd t'a Moyiis kaoosda tãngã zug n ka sigdã, bãmb tigma taab a Aarõ nengẽ n yeel yẽnda yaa: «Maan wẽnnaam n kõ tõnd t'a lʋɩ tõnd taoor n tɛ tõndo. Bala, Moyiis-kãngã, rao ning sẽn yiis-a tõnd Ezɩpt tẽngã, tõnd ka mi bũmb ning sẽn paam-a ye.»

Yikri 32:24

La mam yeela bãmb yaa: ‹Bɩ neb nins fãa sẽn tar-b sãnem teedã yãgs-b n wa ne. La bãmb dɩk-b lame n wa kõ maam. La mam dɩka sãnem te-bãmb n ning bugmẽ, la nag-bi-kãngã yii beenẽ.»

Yikri 32:3

Nebã fãa yãgsa sãnem tʋb-londã sẽn be bãmb tʋbẽ wã n wa kɩs a Aarõ.

Yikri 32:35

La Sẽn-Ka-Saab sɩbga nebã, nag-bil ning bãmb ne a Aarõ sẽn maanã yĩnga.

Yikri 32:5

La a Aarõ sẽn yãnd bõn-kãnga, yẽnda maana tẽn-kugr sãnem nag-bilã taoore. La yẽnda mooname n yeele: «Beoog na n yɩɩ tigr Sẽn-Ka-Saab waoogr yĩnga.»

Yikri 32:7

Dẽ, Sẽn-Ka-Saab yeela a Moyiis yaa: «Lebg n sigi. Bala, fo nebã fo sẽn yiis Ezɩpt tẽngã sãama b mense.

Yikri 32:8

Bãmb basa sor ning mam sẽn wilg bãmbã tao-tao. Bãmb maana sãnem nag-bila, n wõgemd a taoore, n maan maand a yĩng n yeele: ‹Israyɛll nebã, wẽnnaam-dãmb nins sẽn yiis-b yãmb Ezɩpt tẽngã la woto.› »

A Ezayi 30:22

Ges-y wanzuri wã b sẽn bolg yãmb wẽn-naandsã wa bõn-dẽgdo, la y ges sãnemã b sẽn bolg yãmb wẽn-naandsã b sẽn maan ne kutã wa bõn-dẽgdo. Yãmb tog n fãeega b pedsã wa bõn-dẽgdo. Yeel-b tɩ b yi kaanẽ n looge.

A Ezayi 46:6

Nebã zukda b kordã pʋg sãnemã, la b magd wanzuri ne zɩslem magdga. Bãmb yaooda yõak t'a rõog sãnem ne wanzuri wẽn-naandg n kõ-ba, la bãmb wõgemdeda wẽn-naandgã taoor n pʋʋsd-a.

Ezekiyɛl 23:8

Yẽnda kell n ka bas a koos-m-mengã yẽnda sẽn dag n maand Ezɩpt tẽngã ye. Bala, nin-bãmbã rag n gãanda yẽnda a pʋg-sademdã wakate, b saaga yẽnda yãoogã t'a nan ka mi rao ye. La b kẽesa yẽnda koos-m-meng pʋga.

A Ooze 10:5

Samaari nebã na n zoee rabeem Bet-Avɛn nag-sadsã poorẽ. Nebã na n yãb n kaasa a yĩnga. La maan-kʋʋdb nins sẽn waoogd-a wã na n diga ne rabeem a yĩnga, la a ziirã sẽn na n yi n bas-a wã yĩnga.

A Ooze 13:2

Moasã bãmb yel-wẽnã paasdame, Bãmb dõoga bõn-naandg ne b wanzuri wã, la b maan wẽn-naands b toore. Bõn-kãens fãa yaa tʋʋm-mitb nus tʋʋma. B yeta bãmb wɛɛngẽ yaa: Neb nins sẽn maand maoong ne ninsaalbã, b tõe n moka lolse!

Tʋʋma 17:29

Rẽ wã yĩnga, tõnd sẽn yaa Wẽnnaam kambã, d ka tog n tags tɩ Wẽnnaam wẽnda sãnem, wala wanzuri, wala kugr sẽn peese wa sẽn zems ninsaalb minim la b tagsg ye.

Tʋʋma 7:41

Dẽ, badaare b maana nag-bila, n maan maoong n kõ wẽnd-naandgã, la b maana sũ-noog ne bũmb ning b mens nus sẽn maanã.

1 Korẽnt rãmba 10:7

Da yɩ-y wẽn-naands pʋʋsdb wa bãmb neb kẽer sẽn dag n yɩ, tɩ b gʋls n wilgã ye. B yeelame yaa: Nebã zĩndame n na n dɩ la b yũ. Rẽ poore, b yikame n na n noog b sũuri.

Yaoolem 9:16

La gese, mam yãndame, tɩ yãmb maana yel-wẽnd n beeg Sẽn-Ka-Saab sẽn yaa yãmb Wẽnnaamã, n maan sãnem nag-bil y mensã yĩnga. Yãmb bʋdga tao-tao n bas sor ning Sẽn-Ka-Saab sẽn wilg yãmb tɩ y tũ wã.

Bʋ-kaoodba 8:24

A Zedyõ yeela bãmb yaa: «Mam tara m kosg n dat n kos yãmba: bɩ yãmb ned kam fãa yãk tʋb-long a yembr a te-zɛɛdmã sʋk n kõ maam.» Sɩd me, Israyɛll bɛɛbã rag n tara sãnem tʋblond wʋsgo, bãmb sẽn yaa a Ismayɛll yagensã yĩnga.

Bʋ-kaoodba 8:27

A Zedyõ talla sãnemã n maan bõn-naandg n tɩ ning a meng tẽngã pʋgẽ Ofra, la Israyɛll nebã fãa rag n kẽnda beenẽ n waoogd bõn-naandgã. Dẽ, bõn-naan-kãng lebga bẽdg Israyɛll nebã fãa yĩnga, la a Zedyõ ne a yirã rãmb me yĩnga.