Yikri 32:30 - WẼNNAAM SEBRE 2014

³⁰ Vẽkembeoogo, a Moyiis yeela nebã yaa: «Yãmb kongame n maan yel-wẽn-kãsenga. La mam na n kẽnga Sẽn-Ka-Saab nengẽ moasã. Daarninga, mam na n paama sugr yãmb yel-wẽnã yĩnga.»

SEBR SÕNGO

³⁰ Beoog sẽn vẽege, a Moyiiz yeela zãma wã: «Yãmb maana sẽn ka neer ba bilfu, dẽ la m na n le rʋ tãngã, Soaala taoore, tɩ daare y samda na tõog n yao.»

Yikri 32:30 Iomraidhean Croise

2 Sãmwɛlle 12:9

La yaa bõe tɩ fo paoog maam, n maan yel-beed a woto mam nifẽ? Fo kɩtame tɩ b kʋ Hɛt rao a Uuri, la f rɩk a pagã n maan f paga. Fo kɩtame tɩ Amo-rãmbã kʋ a Uuri ne sʋʋga.

2 Sãmwɛlle 16:12

Daar ninga, Sẽn-Ka-Saab na yã m nimbãanegã, n tek kãab-wẽng ning sẽn paamd maam dũndã wã tɩ lebg kãab-noogo.»

2 Rĩm-dãmba 17:21

Wakat ning Sẽn-Ka-Saab sẽn wa n welg Israyɛll buudã n bas a Davɩɩd roogã, rẽ tɩ yaa Israyɛll nebã sẽn yãk a Nebat biig a Zeroboaam t'a yaa rĩmã. La a Zeroboaam tudga Israyɛll nebã n kɩt tɩ b wẽnemd n bas Sẽn-Ka-Saab n lʋɩ kong-kãseng pʋgẽ.

Yɩɩn‑sõamyã 99:6

A Moyiis ne a Aarõ sẽn dag n be Sẽn-Ka-Saab maan-kʋʋdbã sʋkã, ne a Samwɛll sẽn dag n be sẽn boond-b bãmb yʋʋrã sʋkã, b fãa boola Sẽn-Ka-Saabo, la b leoka bãmba.

Yikri 32:29

Dẽ, a Moyiis yeelame: «Rũndã, a bee yãmb zug tɩ y ges maan-kʋʋr tʋʋmdã yell Sẽn-Ka-Saab waoogr yĩnga, tɩ bark zĩnd yãmb zug moasã. Bala, yãmb ned kam fãa kisga a biiga la a ba-biiga.»

A Amoose 5:15

Kisg-y wẽng la y nong sẽn yaa neere, la y kao bʋʋd sẽn yaa tɩrg y bʋʋdã zĩisẽ, tɩ daar ninga, Sẽn-Ka-Saab sẽn yaa Saasẽ-Pãng-Soabã na zoe a Zozɛf buudã sẽn ketã nimbãanega.

A Zonaase 3:9

Bala, ãndã n mi Wẽnnaam sã n ka na n sik b sũuri, tɩ d paam n põse?»

Sõadga 25:13

Kaool-kãng yaa yẽnda ne a yagensã yĩnga, la a kɩtdame tɩ bãmb lebg maan-kʋʋdb zamaan fãa yĩnga. Bala, yẽnda wilgame tɩ mam sẽn yaa yẽnda Wẽnnaamã, yẽnda sɩd bee mam poorẽ. Bũmb ning yẽnda sẽn maanã kɩtame tɩ mam kõ Israyɛll nebã b yel-wẽnã sugri.

A Luk Sõng 15:18

Mam na n yikame n kẽng m baaba nengẽ n tɩ yeel-b yaa: M ba, mam beega Wẽnnaam la m beeg yãmba.

A Luk Sõng 7:47

Yaa woto yĩnga, mam yeta foom tɩ yẽnda paama a yel-wẽnã sẽn yaa wʋsgã sugri. Bala, yẽnda wilga a nonglem kãsenga. La ned ning b sẽn kõt sugr bũmb bilf yĩng nonglem yaa bilfu.»

Rom Dãmba 9:3

Bala, mam dag n nongẽ lame tɩ kãab wẽng zĩnd mam zugu, la m welg ne Kiris m ba-biisã, la m ba-rãmba ne yĩng yelle, sõngr yĩnga.

Galat Rãmba 3:13

Kiris yolsa tõnd ne kãab-wẽngã, bãmb sẽn lebg kãab-wẽng tõnd yĩngã yĩnga. Bala, b gʋlsame tɩ kãab-wẽng n be ned ning sẽn lulg raoog zugã zugu.

2 Tɩmote 2:25

A tog n demsa no-koeem‑wẽedbã ne sũ-bʋgsem, n maand tẽeb tɩ Wẽnnaam na n kɩtame tɩ b paam sũ-lebgre, n tõog n bãng sɩdã,

Zake 5:16

Woto yĩngã, vẽneg-y n togs-y taab y yel-wẽna, la y pʋʋs taab yĩnga, tɩ y tõe n paam maagre. Nin-tɩrg pʋʋsgo, a sẽn pʋʋs ne a sũur fãa tara tõogr wʋsgo.

1 Sãmwɛlle 12:17

Ka bɩle tigsg wakat la woto sɩda? Mam na n kosa Sẽn-Ka-Saab tɩ b tʋm sa-kelems ne saaga. Dẽ, yãmb na bãng tɩ y sẽn kos Sẽn-Ka-Saab tɩ y rata rĩmã yaa wẽng Sẽn-Ka-Saab nifẽ.

1 Sãmwɛlle 12:19

Nebã fãa yeela a Sãmwɛll yaa: «Pʋʋs-y Sẽn-Ka-Saab sẽn yaa y Wẽnnaamã, tõnd sẽn yaa y tʋmtʋmdbã yĩnga, tɩ d ra ki ye. Bala, tõnd paasa d yel-wẽnã sõore, tõnd sẽn kos tɩ d rata rĩmã yĩnga.»

1 Sãmwɛlle 12:20

A Sãmwɛll yeela nebã yaa: «Da zoe-y rabeem ye. Yaa sɩd tɩ yãmb maana wẽnga, la ra wẽnemd-y n bas-y Sẽn-Ka-Saab ye. Sak-y bãmb ne y sũyã fãa.

1 Sãmwɛlle 12:23

Mam kõn tol n bas n ka pʋʋs Sẽn-Ka-Saab yãmb yĩnga, n wa beeg bãmb ye. Mam na n zãmsa yãmb sor sẽn yaa sõama, la tɩrga.

1 Sãmwɛlle 2:17

A Eli kambã yel-wẽndã rag n yaa beeg-kãseng Sẽn-Ka-Saab nifẽ, bala, b rag n ka nand maand nins b sẽn maand Sẽn-Ka-Saab yĩngã ye.