Yikri 32:14 - WẼNNAAM SEBRE 2014

¹⁴ Dẽ, Sẽn-Ka-Saab basame n ka maan bãmb nebã wẽng ning bãmb sẽn dag n yeel tɩ b na n maaname wã.

SEBR SÕNGO

¹⁴ La bãng-y tɩ Soaala-Wẽnd yeelame tɩ b kõn le sɩbg b kamba ne yel-beed ning b sẽn da rat n sɩbg-ba ye.

Yikri 32:14 Iomraidhean Croise

Sɩngrẽ 6:6

Sẽn-Ka-Saab sũur sãama ne b menga, bãmb sẽn maan ninsaal n ning dũniyã zugã, la bãmb sũur sãama wʋsgo.

2 Sãmwɛlle 24:16

La wakat ning malɛɛkã sẽn kʋʋd nebã sẽn wa n tẽeg a nug n na n sãam Zeruzalɛmã, Sẽn-Ka-Saab sũurã sãama ne sɩbgrã tɩ b yeele: «A sekame! Base. Yãk f nugu.» La Sẽn-Ka-Saab malɛɛkã yalsa zĩig sẽn pẽ ne Zebuus rao a Aravna zɛɛgã.

1 Kibayã 21:15

Wẽnnaam tʋma malɛɛk Zeruzalɛm t'a kẽng n tɩ sãam tẽngã. La malɛɛkã sẽn sãamd tẽngã wakate, Sẽn-Ka-Saab gesame la b maana b bãngẽ ne to-kãnga. Dẽ, b yeela malɛɛkã sẽn dag n sãamd tẽngã yaa: Bas woto tɩ sekame! Wakat-kãng tɩ Sẽn-Ka-Saab malɛɛkã rag n yɛsa a Zebuus ned a Ornan zɛɛgã sɛɛgẽ.

Yɩɩn‑sõamyã 106:23

Wẽnnaam yeelame tɩ b na n menes-b lame, la b nin-tũusdg a Moyiis bal n na n põse. A Moyiis yõka Wẽnnaam sɛɛga, n na n kos-b tɩ b sik b sũuri, la b ra sãam nebã ye.

Yɩɩn‑sõamyã 106:45

Sẽn-Ka-Saab tagsa b kaoolã b sẽn maan ne bãmbã yelle, la bãmb nonglem-kãsengã pʋga, b zoee bãmb nimbãanega.

Yikri 33:13

Moasã, sã n yaa tɩ mam paama bark yãmb nifẽ, mam kotame tɩ y kɩt tɩ mam bãng yãmb soayã, dẽ, mam na bãng yãmba, n kell n paam bark yãmb nifẽ. Ade, nin-bãmbã yaa yãmb mengã nebã!»

Zeremi 18:8

t'a tek yam n bas wẽng ning a sẽn dag n maandã, mam me na n teka yam n bas wẽng ning m sẽn dag n saagd a yĩngã.

Zeremi 26:13

Moasã, bɩ y tek y yel-manesmã ne y tʋʋmã. Kelg-y Sẽn-Ka-Saab sẽn yaa yãmb Wẽnnaamã koɛɛgã, tɩ b bas toog ning b sẽn dag n saagd n na n kɩt tɩ wa yãmb zugã vaale.

Zeremi 26:19

Dẽ yĩnga, Zʋʋda rĩm a Ezekɩyaas ne Zʋʋda nebã fãa kʋʋ no-rɛɛs a Miise la? Ayo, rĩm a Ezekɩyaas zoee Sẽn-Ka-Saabo, n kos Sẽn-Ka-Saab tɩ b sik b sũuri. Dẽ, Sẽn-Ka-Saab basa toog ning b sẽn dag n saagd n na n kɩt tɩ wa bãmb zugã tɩ vaale. Tõnd na n maana yel-kãseng a woto n dogl yell d mens zut sɩda?»

A Zowɛlle 2:13

Da pãrs-y y fut ye, maneg-y y sũyã, n lebg n wa Sẽn-Ka-Saab sẽn yaa yãmb Wẽnnaamã nengẽ, bala, b yaa sugr soaba, la nimbãan-zoeer soaba, bãmb sũur ka yikd tao-tao ye, la b yaa nonglem-kãseng soaba, bãmb sã n sɩbge, b sũurã sãamdame.

A Amoose 7:3

Dẽ, Sẽn-Ka-Saab teka yam, n yeel tɩ yell a woto ka na n zĩnd ye.

A Amoose 7:6

Dẽ, Wẽnnaam Sẽn-Ka-Saab teka yam, n yeel tɩ yell a woto me ka na n zĩnd ye.

A Zonaase 3:10

Wẽnnaam yãnda Niniiv nebã yel-manesmã, n mik tɩ b rag n basda b tʋʋm-beedã. Dẽ, Wẽnnaam teka yam ne sɩbgr ning bãmb sẽn dag n dat n sɩbg Niniiv nebã, la b basame n ka sɩbg-b ye.

A Zonaase 4:2

La a Zonaas pʋʋsa Sẽn-Ka-Saab n yeel yaa: «Sẽn-Ka-Saabo, ka woto la m sẽn da pĩnd n yeel mam sẽn wa n ket n be m tẽngẽ wã sɩda? Yaa rẽ yĩng la m sẽn da zoet n na n kẽng Tarsɩɩsã. Bala, mam miime tɩ yãmb yaa Wẽnnaam, y yaa sugr kõata, la nimbãan-zoɛta, la yãmb sũurã ka yikd tao-tao ye. Y tara nonglem wʋsgo, la yãmb basda sɩbgr ning y sẽn dag n tog n sɩbgã tɩ vaale.

Sõadga 14:20

Sẽn-Ka-Saab yeela a Moyiis yaa: «Mam kõt-b-la sugr wa fo sẽn kosã.

Yaoolem 10:10

Mam paa tãngã zug rasem pis-naas la yʋnd pis-naase, wa mam sẽn dag n maan pĩndã. Sẽn-Ka-Saab kelga maam wakat-kãng me, bãmb ka tʋlg yãmb sãoong ye.

Yaoolem 32:26

Mam dag n yeelame, tɩ m na n sãam-b-la zãnga, n kɩt tɩ b yʋʋr menem dũniyã,

Yaoolem 32:36

N-yẽe! Sẽn-Ka-Saab n na n kao b nebã bʋʋdo. Bãmb sã n yãnd tɩ b nebã pãng sɛɛme, tɩ yembs ne burkĩmb ka leb n beẽ, bãmb na n zoee b tʋmtʋmdbã nimbãanega.

Bʋ-kaoodba 2:18

Sẽn-Ka-Saab sã n dag n yãk bʋ-kaood n kõ Israyɛll nebã, Sẽn-Ka-Saab meng n dag n be ne bʋ-kaoodã a vɩɩm tɛka, n sõngd-a t'a tõogd n fãagd Israyɛll nebã ne b bɛɛbã. Bala, bãmb wõosgã pʋga, la neb nins sẽn maand bãmb pãng n namsd-bã yĩnga, Sẽn-Ka-Saab zoeta bãmb nimbãanega.

1 Sãmwɛlle 15:11

«Mam maanda m bãngẽ m sẽn yãk a Sayull t'a lebg mam nebã rĩmã yĩnga. Bala, yẽnda basa maam n ka sak mam noorã ye.» A Sãmwɛll sũurã sãama ne Sẽn-Ka-Saab sẽn yeelã. Yẽnda kelem n boola Sẽn-Ka-Saab yʋngã tõre.