Yikri 32:12 - WẼNNAAM SEBRE 2014

¹² Yaa bõe tɩ Ezɩpt nebã na n yeele: ‹Wẽnnaam yiisa bãmb Ezɩpt tẽngã n na n tɩ kʋ-b tãmsã sʋka, tɩ b buudã menem tẽng zugu!› Bas-y yãmb sũ-kãbrã, la y ra maan y nebã wẽng ning y sẽn dag n dat n maan-bã ye.

SEBR SÕNGO

¹² Bõe tɩ Ezipt dãmb na n wa tõog n yeele: ‹A yiis-b-la pʋ-toog tõnd tẽnga, n na n tɩ kʋ-b tãms zutu tɩ b buuda yẽes tẽng zugu.› Sigs-y y sũuri, da bao-y y neba wãab ye.

Yikri 32:12 Iomraidhean Croise

Sɩngrẽ 6:6

Sẽn-Ka-Saab sũur sãama ne b menga, bãmb sẽn maan ninsaal n ning dũniyã zugã, la bãmb sũur sãama wʋsgo.

1 Rĩm-dãmbã 8:51

Bala, Israyɛll nebã yaa yãmb nebã, n yaa yãmb pʋɩɩre. Bãmb dag n bee kut wʋng pʋg Ezɩpt tẽnga, tɩ yãmb fãag-ba.

Esdras 10:14

Tõnd kotame, tɩ tõnd nanambsã yals nebã fãa yʋʋr yĩnga, tɩ Israyɛll neb nins fãa sẽn be tẽngã pʋg n peeg bu-zẽmsã kamb n maan b pagbã, tũ b tẽngã kãsem-dãmbã ne b bʋ-kaoodbã n wa daar ning b sẽn yãkã. La tõnd na n gesa yel-kãngã yell tɩ manege, hal tɩ tõnd Wẽnnaamã sũur sẽn yik ne tõnd yel-kãngã wɛɛngẽ wã sigi.»

Yɩɩn‑sõamyã 106:45

Sẽn-Ka-Saab tagsa b kaoolã b sẽn maan ne bãmbã yelle, la bãmb nonglem-kãsengã pʋga, b zoee bãmb nimbãanega.

Yɩɩn‑sõamyã 74:18

Tẽeg-y bũmb a yembre: Bɛyã paoogda Sẽn-Ka-Saabo, buud sẽn ka tar yam n paoogd yãmb yʋʋrã!

Yɩɩn‑sõamyã 78:38

La Wẽnnaam sẽn yaa nimbãan-zoɛtã yĩnga, b kõo bãmb b yel-wẽnã sugri, n ka sãam bãmb ye. Naoor wʋsgo, bãmb tõoga b sũuri, n ka bas tɩ b sũ-puugrã fudg ye.

Yɩɩn‑sõamyã 85:3

Yãmb kõ y nebã sugr b kongrã yĩnga, yãmb luda b yel-wẽnã fãa.

Yɩɩn‑sõamyã 90:13

Sẽn-Ka-Saabo, lebg-y n wa-y-yã! Yãmb na n leb n taa dabʋre? Bɩ y zoe y tʋmtʋmdbã nimbãanega!

Yikri 32:14

Dẽ, Sẽn-Ka-Saab basame n ka maan bãmb nebã wẽng ning bãmb sẽn dag n yeel tɩ b na n maaname wã.

Yikri 33:13

Moasã, sã n yaa tɩ mam paama bark yãmb nifẽ, mam kotame tɩ y kɩt tɩ mam bãng yãmb soayã, dẽ, mam na bãng yãmba, n kell n paam bark yãmb nifẽ. Ade, nin-bãmbã yaa yãmb mengã nebã!»

A Ezayi 64:7

Ne rẽndã fãa, yãmb yaa tõnd ba. Tõnd yaa yagdo, la yãmb n yaa tõnd yagbã. Tõnd fãa yaa yãmb nus tʋʋma.

A Ezayi 64:8

Ra-y yik-y y sũur tɩ loog ye. Sẽn-Ka-Saabo, ra-y tẽeg-y tõnd kongrã yell wakat fãa ye. Tõnd kotame tɩ y gese, tõnd fãa yaa yãmb nebã.

Zeremi 28:16

Bõn-kãng yĩnga, Sẽn-Ka-Saab yetame: Mam na n menesa foom dũniyã zugu. Rõandã bala, fo na n kiime, fo sẽn kɩt tɩ nebã kɩɩs Sẽn-Ka-Saabã yĩnga.

Ezekiyɛl 20:14

Baoosg zãnga, mam maana woto m yʋʋrã yĩnga, tɩ m yʋʋrã ra wa paam paoogr bu-zẽms nins sʋk mam sẽn yiis bãmb b nifẽ Ezɩpt tẽngã ye.

Ezekiyɛl 20:22

Baoosgo, mam yõbga m nugu, n maan a woto m yʋʋrã yĩnga, tɩ m yʋʋrã ra wa paam paoogr bu-zẽms nins sʋk mam sẽn yiis bãmb b nifẽ Ezɩpt tẽngã ye.

Ezekiyɛl 20:9

La baoosgo, mam maana a woto mam yʋʋrã yĩnga, sẽn na yɩl tɩ mam yʋʋrã ra paam paoogr buud nins Israyɛll nebã sẽn dag n beẽ wã ye. Mam dag n vẽnega m meng ne bu-kãens n kɩt tɩ Israyɛll nebã yi Ezɩpt tẽnga.

A Zowɛlle 2:17

Bɩ maan-kʋʋdbã sẽn tʋmd Sẽn-Ka-Saab yĩngã yals tẽn-kugrã ne zãongã sʋk n yãb n yeele: «Sẽn-Ka-Saabo, zoe-y y nebã nimbãanega! Da-y ning-y yãmb nebã yãnde, tɩ b wa lebg yel-bũnd buud a taabã yĩnga, tɩ b yetẽ tɩ bãmb Wẽnnaamã bee yɛɛnẽ ye.»

A Amoose 7:3

Dẽ, Sẽn-Ka-Saab teka yam, n yeel tɩ yell a woto ka na n zĩnd ye.

A Amoose 7:6

Dẽ, Wẽnnaam Sẽn-Ka-Saab teka yam, n yeel tɩ yell a woto me ka na n zĩnd ye.

A Zonaase 3:9

Bala, ãndã n mi Wẽnnaam sã n ka na n sik b sũuri, tɩ d paam n põse?»

Zakari 8:14

Bala, Saasẽ-Pãng-Soabã yetame: Yãmb yaab-rãmbã rag n kɩtame tɩ mam sũurã yiki, tɩ mam yãk yam n na n sɩbg yãmba, la m ka maan m bãngẽ ye. Maam a Saasẽ-Pãng-Soabã n yeele!

Sõadga 14:19

Sẽn-Ka-Saabo, yãmb sẽn yaa sõmblem soabã yĩnga, bɩ y kõ y nebã sugri, tɩ bala, hal sẽn sɩng ne daar ning b sẽn yi Ezɩpt tẽngã tɩ ta moasã, yãmb kõt-b-la sugri.»

Sõadga 16:21

«Yi-y nebã sʋk n leb kɛɛnga, tɩ m na n sãam-b-la wakat-kãngã bala.»

Yaoolem 13:17

Bɩ y wʋk teedã fãa n wa tẽngã zĩ-sõasdgẽ, la y yõog tẽngã ne bũmb nins fãa sẽn be a pʋgẽ wã bugum Sẽn-Ka-Saab sẽn yaa yãmb Wẽnnaamã yĩnga, t'a lebg bug-toaalg wakat fãa. Bɩ b ra leb n me-a ye.

Yaoolem 32:36

N-yẽe! Sẽn-Ka-Saab n na n kao b nebã bʋʋdo. Bãmb sã n yãnd tɩ b nebã pãng sɛɛme, tɩ yembs ne burkĩmb ka leb n beẽ, bãmb na n zoee b tʋmtʋmdbã nimbãanega.

Yaoolem 9:28

Sẽn na yɩlẽ tɩ neb nins sẽn be tẽng ning yãmb sẽn dag n yiis tõndã ra wa yeele: «Yaa Sẽn-Ka-Saab sẽn ka tõe n tall bãmb n taas tẽng ning b sẽn kãab bãmbã pʋgã yĩnga, la yaa b sẽn ka nong bãmbã yĩnga, la b yiis bãmb n tɩ kʋ we-raoogã pʋgẽ.»

Zozuwe 7:26

La b wʋka kug n zam a Akã zugu, la kug-rʋrã ket n beeme hal tɩ ta rũndã. Dẽ, Sẽn-Ka-Saab sũur sigame. Yaa rẽnda yĩng n kɩt tɩ b ket n boond zĩ-kãng tɩ Akoore, sẽn dat n togs tɩ ‹toog tãn-long› hal tɩ ta rũndã.

Zozuwe 7:9

Kana nebã ne tẽngã neb a taabã sã n wʋm yõwã, b na n yik n gũbga tõndo, n kɩt tɩ tõnd yʋʋrã menem dũniyã zugu. Wakat-kãngã, yãmb na n maana bõe tɩ b bãng tɩ y yʋʋrã yaa kãsenga?»

1 Sãmwɛlle 12:22

Sẽn-Ka-Saab yʋʋrã sẽn yaa kãsengã yĩnga, b ka na n bas b nebã ye. Bala, taa Sẽn-Ka-Saab yam tɩ b yãk yãmb tɩ y lebg bãmb nebã.