Yikri 32:10 - WẼNNAAM SEBRE 2014

¹⁰ La moasã, bas tɩ mam sũ-kãbrã wɩng n dɩ-ba. Mam na n kɩtame tɩ buud sẽn yaa kãseng yi fo pʋgẽ.»

SEBR SÕNGO

¹⁰ Bas-m tɩ m yik ne-ba; bas tɩ m yik m sũur ne-ba, m na n menes-b lame la yaa fo roogo n na n lebg bu-kãsenga.»

Yikri 32:10 Iomraidhean Croise

Sɩngrẽ 12:2

Mam na n kɩtame tɩ fo lebg buud wʋsg ba, la m na n ning-f-la barka. Mam na n kɩtame tɩ f yʋʋrã yi, la m kɩt tɩ fo yɩ bark sore.

Yɩɩn‑sõamyã 106:23

Wẽnnaam yeelame tɩ b na n menes-b lame, la b nin-tũusdg a Moyiis bal n na n põse. A Moyiis yõka Wẽnnaam sɛɛga, n na n kos-b tɩ b sik b sũuri, la b ra sãam nebã ye.

Yikri 22:24

Fo sã n dɩk f ligd n peng mam nebã ned a yembr sẽn yaa naong soab n be ne foom, bɩ f ra maan yẽnda wa ned sẽn peng fo ligd ye. Fo ka tog n kɩt tɩ yẽnda yao ne roagleng ye.

Yikri 32:11

La a Moyiis baoome n na n sigs Sẽn-Ka-Saab sẽn yaa yẽnda Wẽnnaamã sũuri. Yẽnda soka bãmb yaa: «Sẽn-Ka-Saabo, yaa bõe tɩ yãmb sũur kãbd wʋsg ne yãmb nebã yãmb sẽn yiis Ezɩpt ne pãn-kãsenga, la ne nug sẽn tar pãngã?

Yikri 32:19

La bãmb sẽn kolg nebã sik zĩigã n yãnd nag-bilã la nebã sẽn saood warbã, a Moyiis sũur yika wʋsg t'a lob kug-walsã tẽng tɩ b wã tãngã sɛɛga.

Yikri 33:3

Kẽng-y tẽng ning sẽn tar bĩisim ne sɩɩd wʋsgã. La mam ka na n yãag yãmb ye, mam sã n yãag yãmba, mam na n wa sãama yãmb sorã zugu. Bala, yãmb yaa neb sũy sẽn yaa kegemse.»

Zeremi 11:14

Bɩ foom a Zeremi ra pʋʋs maam, la f ra kelem n bool maam nin-bãmbã yĩng ye. Bala, bãmb sã n bool maam b toogã pʋgẽ, mam ka na n kelg-b ye.› »

Zeremi 14:11

Sẽn-Ka-Saab yeela maam yaa: «Da pʋʋs n kos sõngr nin-bãmbã yĩng ye.

Zeremi 15:1

Sẽn-Ka-Saab yeela maam yaa: «Ba a Moyiis ne a Sãmwɛll sã n wa yals mam taoore, mam ka na n zoe nin-bãmbã nimbãaneg ye. Rig-b tɩ b menem mam taoor n bao zĩiga.

Zeremi 7:16

La foom a Zeremi, ra pʋʋs maam nin-kãensã yĩng ye. Ra zẽk f koɛɛg wall f yõk maam sɛɛg ye. Bala, mam ka na n kelg-f ye.

Ezekiyɛl 20:13

La Israyɛll buudã kɩɩsa maam we-raoogã pʋga. Bãmb ka tũ m noyã ne m no-tũuds nins ninsaal sẽn tog n tũ n paam n vɩɩmdã ye. Bãmb rẽgma mam vʋʋsg rayã hal tɩ loog nugu. Mam yeelame tɩ m na n basame tɩ m sũ-puugrã maan a tʋʋmd ne bãmb we-raoogã pʋga, sẽn na n yɩl n menes-b zãnga.

Sõadga 14:12

Mam na n sɩbg-b-la ne bã-longdem n kɩt tɩ b sãam zãnga. Dẽ poore, mam na n kɩtame tɩ f rog buud sẽn yaa wʋsgo, n tar pãng n yɩɩd Israyɛll nebã.»

Sõadga 16:21

«Yi-y nebã sʋk n leb kɛɛnga, tɩ m na n sãam-b-la wakat-kãngã bala.»

Sõadga 16:22

La a Moyiis ne a Aarõ wõgemdame n fõgen b nens tẽng n yeel yaa: «Wẽnnaam! Yaa yãmb n kõt bũmb nins fãa yãmb sẽn naanã vɩɩm! Rẽ yĩnga, yãmb na n yika y sũur ne nin-kãensã fãa, tɩ yaool n yaa nin-yɛng bal n beegã?»

Yaoolem 9:14

Bas tɩ m sãam-ba, n yẽes b yʋʋrã tẽng zugu, la m kɩt tɩ fo lebg bu-kãseng sẽn tar pãng n yɩɩd bãmba, tɩ b sõorã me yɩɩd-ba.

Yaoolem 9:19

La rabeem dag n tara maam, Sẽn-Ka-Saab sũ-kãbrã, ne b sũurã sẽn yik ne yãmb wʋsg hal tɩ b rat n sãam yãmbã yĩnga. La Sẽn-Ka-Saab leb n kelga maam wakat-kãng me.

Zake 5:16

Woto yĩngã, vẽneg-y n togs-y taab y yel-wẽna, la y pʋʋs taab yĩnga, tɩ y tõe n paam maagre. Nin-tɩrg pʋʋsgo, a sẽn pʋʋs ne a sũur fãa tara tõogr wʋsgo.