Yikri 30:8 - WẼNNAAM SEBRE 2014

⁸ A Aarõ sã n na n yõgen fɩtl-dãmbã zaabre, bɩ a yõog-a. Yaa woto la yãmb na n yõog wisd wakat fãa Sẽn-Ka-Saab taoor yãmb zamaan-dãmbã fãa.

SEBR SÕNGO

⁸ Zaabre me a sã n wa ne kaam n na n ning fitilsã, a na n le yõoga tɩdarã. Tɩdara sẽn yõogd Wẽnnaam taoorã yaa bũmb sẽn na n maan zamaan woo zamaana.

Yikri 30:8 Iomraidhean Croise

2 Kibayã 26:18

Bãmb gɩdga rĩmã n yeel-a yaa: «Dĩma Oozɩyaase, ka yãmb n tog n yõog wisd n kõ Sẽn-Ka-Saab ye. Yaa a Aarõ yagensã b sẽn welg toor tɩ b yaa maan-kʋʋdbã bal n tog n maan bõn-kãnga! Bɩ y yi sɛk roogã pʋga, bala, yãmb maanda sẽn ka zemse, la bõn-kãng ka na n yɩ waoogr yãmb yĩng Sẽn-Ka-Saab taoor ye.»

Yɩɩn‑sõamyã 141:2

Bɩ m pʋʋsgã zẽk wa wisd n ta y nengẽ. Bɩ m nusã sẽn zẽk n tees yãmbã yɩ wa zaabr maoongo!

Yikri 12:6

Yãmb na n baoo zĩig n bĩng-a tɩ ta ki-kãngã rasem piig la a naasã daare. Israyɛll nebã fãa na n kodg-a-la zaab-noor wakate.

Yikri 25:37

Maan fɩtl-dãmb a yopoe. Dogl fɩtl-dãmbã a zugu, tɩ bãmb vẽenem yãg fɩtl doagendgã taoore.

Yikri 27:21

Yaa sɛk roogã pʋgẽ, zĩig ning sẽn ka ta fuug sẽn lillid kaset koglgã, la bɩ a Aarõ ne a kom-dibli wã ges fɩtl-dãmbã yelle, tɩ b wid Sẽn-Ka-Saab taoor zaabr tɩ ta yibeoogo. Yõwã na n yɩɩ no-tũudg sẽn ka sɛta, Israyɛll yagensã zamaan fãa yĩnga.»

Yikri 30:7

Bɩ a Aarõ yõog wisd sẽn tar yũ-noog a zugu. Yẽnda na n yõogd-a-la yibeoog fãa, yẽnda sẽn wat n manegd fɩtl-dãmbã wakate.

Yikri 30:9

Bɩ y ra yõog wisd yaar a zug ye. La bɩ y ra yõog maoong bɩ zom kũun a zug ye. La y ra pʋdg bõn-yũudl kũun a zug me ye.

Rom Dãmba 8:34

Ãnda n na n kao b bʋʋd n sɩbg-ba? A Zeezi Kiris la sẽn ki-a wã. La sẽn yɩɩda, bãmb vʋʋgame, b bee Wẽnnaam nug-rɩtgo, b yõkda sɛɛg tõnd yĩnga.

1Tesalonik Rãmba 5:17

Pʋʋs-y n da bas ye.

Ebre rãmba 7:25

Dẽ me n kɩt tɩ bãmb tõe n fãag neb nins sẽn tũnugd bãmb n kolgd Wẽnnaamã hal sõama, bala bãmb vɩɩ wakat fãa n yõkd sɛɛg b yĩnga.

Ebre rãmba 9:24

Bala, Kiris ka kẽ manegr doog ning neb nus sẽn ti n mams a meng-mengã ye, la yaa arzãna, n na n yals Wẽnnaam taoor moasã tõnd yĩnga.

1 Sãmwɛlle 2:28

Mam yãka bãmb Israyɛll buudã fãa sʋk tɩ b yɩ mam maan-kʋʋdba, n get maan-kʋʋrã tʋʋmd yelle, la b kẽnd m tẽn-kugrẽ wã n yõogd wisdu, la b yeelgd maan-kʋʋr futã mam taoore. La mam dɩka Israyɛll nebã kũunã buud fãa, ne maand nins sẽn yõogd bugmã n kõ y yaab-rãmbã.