Yikri 30:36 - WẼNNAAM SEBRE 2014

³⁶ Yãk-a n to t'a lebg bãanega, tɩ f yãk-a n ning kaset koglgã taoor sɛk roogã pʋgẽ, zĩig ning mam sẽn na n seg foomã. A na n yɩɩ bũmb sẽn welg toor wʋsg yãmb yĩnga.

SEBR SÕNGO

³⁶ To-b tɩ b lebg zom tɩ f yõgen-b rooga pʋga, sɛka roogẽ. Y na n ges-b-la wala bũmb sẽn ya sõngo.

Yikri 30:36 Iomraidhean Croise

Yikri 16:34

Dẽ, a Aarõ tẽgna yʋʋrã ne mandã kug-walsã sẽn kɩt Wẽnnaam tõodã kasetã taoore, n bĩng a beenẽ wa Sẽn-Ka-Saab sẽn dag n yeel a Moyiisã.

Yikri 25:22

Yaa beenẽ la mam na n seg foom. Mam na n goma ne foom bas-taal zĩigã zugẽ, serubẽ-rãmb a yiibã sẽn be kaset koglgã zugẽ wã sʋka, n kõ foom mam noyã fãa Israyɛll nebã yĩnga.»

Yikri 27:21

Yaa sɛk roogã pʋgẽ, zĩig ning sẽn ka ta fuug sẽn lillid kaset koglgã, la bɩ a Aarõ ne a kom-dibli wã ges fɩtl-dãmbã yelle, tɩ b wid Sẽn-Ka-Saab taoor zaabr tɩ ta yibeoogo. Yõwã na n yɩɩ no-tũudg sẽn ka sɛta, Israyɛll yagensã zamaan fãa yĩnga.»

Yikri 30:35

Rɩk bõn-kãens n maan wisd sẽn tar yũ-noogo, wa sẽn maand-a parfẽ wã sẽn maand to-to wã. Maan-a t'a tar yamsem, n yaa sõama zãnga, n welg toore.

Yikri 30:6

Bɩ f rɩgl tẽn-kugrã fu-lillidg ning sẽn lill kaset koglgã taoore, la sẽn be bas-taal zĩigã sẽn be kaset koglgã zugã taoorã. Yaa zĩ-kãng la mam na n seg foom.

Maan‑kʋʋre 16:2

Sẽn-Ka-Saab yeela a Moyiis yaa: «Yeel f kẽem a Aarõ t'a ra n kẽed sɛk roogã pʋg wakat fãa ye, t'a ra lɩk fu-lillidgã sẽn be kaset koglgã sɛɛgã ye. Sẽn na n yɩlẽ t'a ra wa ki ye. Bala, mam na n puka m meng sawadg pʋg bas-taal koglgã zugu.