Yikri 30:33 - WẼNNAAM SEBRE 2014

³³ Ned sã n maan ka-kãngã buudu, wall ned sã n ning-a ned sẽn ka maan-kʋʋd zugu, bɩ b yiis-a a buud sʋk n kʋ.»

SEBR SÕNGO

³³ Ned ninga fãa sẽn na n mams a buudu n dɩk n taag nin-zaalga, b na kʋ a soaba.»

Yikri 30:33 Iomraidhean Croise

Sɩngrẽ 17:14

La ned ninga fãa sẽn ka kẽ-a bãongo, b na n yiisa a soabã a buudã sʋka, yẽnda sẽn ka sak mam kaoolã yĩnga.»

Yikri 12:15

Yãmb na n dɩɩ bur sẽn ka ning rã-bɩll dasem a yopoe tõre. La sẽn sɩng ne rasem a yopoe wã pipi daarã, bɩ y yiis rã-bɩllã y rotẽ wã. Ned ning sẽn na n dɩ-a bũmb sẽn ning rã-bɩlle, pipi daarã n tãag rasem a yopoe daarã, b na n yiis-a-la Israyɛll buudã neb sʋka.

Yikri 12:19

Rasem a yopoe tõre, b ka tog n yãnd rã-bɩll yãmb dotẽ wã ye. Bala, ned ning fãa sẽn na n dɩ-a bur sẽn ning rã-bɩlle, b na n yiisa a soab Israyɛll buudã neb sʋk n kʋ, sã n yaa sãana, wall tẽng-n-neda.

Yikri 29:33

Bãmb tog n dɩɩ b sẽn dɩk bũmb ning n maan paoosg tʋʋmd bãmb yĩnga, n ning maan-kʋʋr tʋʋmd bãmb zut n welg bãmb toorã. Yaa bãmb bal n na n dɩ bõn-kãense. Ned sẽn ka maan-kʋʋd ka tog n dɩ-a ye, bala, bõn-kãens yaa bũmb sẽn welg toore.

Yikri 30:34

Sẽn-Ka-Saab yeela a Moyiis yaa: «Rɩk kaam buud toor-toor b sẽn boond tɩ ɛstakte ne onigs la galbanom. Yaa parfẽ bu-kãens la wisd zom-bãanegã. Bãmb fãa zɩslem tog n zema taaba.

Yikri 30:38

Ned sã n maan wisd sẽn wẽnd a woto buudu, n na n kok a yũ-noogã, bɩ b yiis a soab a buudã sʋk n kʋ.»

Yikri 31:14

Bɩ y sak vʋʋsg raarã, bala, mam welga yẽnda toor yãmb yĩnga. Ned sã n sãam vʋʋsg raarã, bɩ b kʋ a soaba. Ned ning fãa sẽn tʋm vʋʋsg raarã, bɩ y yiis a soab a buudã sʋka.

Maan‑kʋʋre 17:10

«Israyɛll buudã neda, wall sãamb nins sẽn be bãmb sʋkã ned sã n dɩ zɩɩm, baa sẽn yaa bũmb ning zɩɩm, mam na n wẽnemda m neng n bas a soabã, a sẽn dɩ zɩɩmã yĩnga, la mam na n yiisa yẽnda a buudã sʋka.

Maan‑kʋʋre 17:14

Bala, bõn-vɩɩl buudã fãa vɩɩm bee a zɩɩmẽ. Yaa rẽ yĩng n kɩt tɩ mam yeel Israyɛll nebã yaa: Da rɩ-y bũmb zɩɩm ye. Bala, bõn-vɩɩl buudã fãa vɩɩm be a zɩɩmẽ. La ned sã n dɩ zɩɩm b na n yiis-a-la buudã sʋka.

Maan‑kʋʋre 17:4

n ka reng n tall-a n wa Sẽn-Ka-Saab sɛk roogã noor n wa rɩk-a n kõ Sẽn-Ka-Saabo, b na n soka a soabã, a sẽn daag zɩɩmã yĩnga. Yẽnda sẽn daag zɩɩmã yĩnga, b na n yiisa yẽnda a buudã sʋka.

Maan‑kʋʋre 17:9

n ka reng n tall-a n wa sɛk roogã noor tɩ yɩ Sẽn-Ka-Saab rẽnda, b na n yiisa nin-kãngã soab a buudã sʋka.› »

Maan‑kʋʋre 18:29

Bala, ned ning fãa sẽn na n maan-b yel-be-bãmbã a yembre, b na n yiisa a soab kɛɛng n kʋ.

Maan‑kʋʋre 19:8

Ned ning sẽn dɩt-a nem-kãng rogenda yell a meng zugu, bala, yẽnda paooga bũmb ning sẽn welg toor Sẽn-Ka-Saab yĩngã. Bɩ y yiis nin-kãng soab a buudã sʋk n kʋ.

Maan‑kʋʋre 20:17

Rao sã n peeg a tão-poaka, n kẽ ne-a, sã n yaa a ba-biig bɩ a ma-biiga, yaa yãnde. Bɩ b rig-b b tẽngã nebã fãa nifẽ n yiis b buudã sʋka. Bala, rao-kãng kẽe ne a tão, la a kongrã taal be a meng zugu.

Maan‑kʋʋre 20:18

Rao sã n peeg pag n kẽ ne-a a pekr wakate, n yãnd pagã zɩɩmã, tɩ pagã me yã zɩɩmã, bɩ b rig bãmb b yiibã fãa n yiis b buudã sʋka.

Maan‑kʋʋre 20:3

Mam na n kisga a soabã, la m na n yiisa a soabã a buudã sʋk n kɩt tɩ b kʋ, tɩ bala, yẽnda rɩka a biig n kɩs tɩ b kʋ n kõ Moloke, n kɩt tɩ mam sɛk roogã rẽgme, la a kɩt tɩ mam yʋʋrã sẽn welg toorã paam paoogre.

Maan‑kʋʋre 22:3

Bɩ f yeel-b yaa: «Zamaan woo zamaane, yãmb yagensã ned ning sẽn dat-a n kolg kũun ning Israyɛll nebã sẽn wa n kõ Sẽn-Ka-Saabã, n yaool n be rẽgd pʋga, bɩ b yiis nin-kãng mam taoor n tɩ kʋ. Mam yaa Sẽn-Ka-Saabo.

Maan‑kʋʋre 23:29

Ned ning fãa sẽn ka sika a meng badaare, b na n yiisa a soabã a nebã sʋka.

Sõadga 15:30

La Israyɛll ned wall sãan sã n maan yel-wẽnd ne yamleoogo, a beega maam, la b tog n diga a soabã n yiis Israyɛll nebã sʋka.

Sõadga 15:31

Yẽnda soab paooga Sẽn-Ka-Saab goamã, la a kɩɩs bãmb tõodã. Dẽ, bɩ b yiis nin-kãngã soab Israyɛll nebã sʋka, la a yellã be a meng zugu.

Sõadga 19:13

Ned sã n sɩɩs ninsaal kũum n yaool n ka yɩlg a menga, yẽnda soab rẽgemda maam a Sẽn-Ka-Saab sɛk zĩigã, la b na yiisa yẽnda Israyɛll buudã sʋka. Bala, b sẽn ka mes yẽnda ne yɩlgr koomã yĩnga, yẽnda ket n yaa rẽgdo.

Sõadga 19:20

La ned sẽn dẽgem sã n ka yɩlg a menga, b na n yiisa yẽnda Israyɛll buudã sʋka, tɩ bala, yẽnda rẽgemda Sẽn-Ka-Saab zĩ-sõngã. Bala, b sẽn ka mes yẽnda ne yɩlgr koomã yĩnga, yẽnda ket n yaa rẽgdo.

Sõadga 4:18

«Bɩ y modg t'a Kehat yagensã ra wa menem zãng Leevi buudã sʋk ye.

Sõadga 9:13

La ned sã n zãgs n ka maan Pak tigrã, n yaool n yaa yɩlemde, la a ka tog sor me, bɩ b yiis a soab Israyɛll buudã sʋka. Bala, yẽnda sẽn ka wa ne kũun n wa kõ Sẽn-Ka-Saab wa sẽn zems wakat ning b sẽn yãkã, yẽnda beegame.