Yikri 30:32 - WẼNNAAM SEBRE 2014

³² B ka tog n dɩk ka-kãngã n sõog ned yaar ye. La yãmb ka tog n maan kaam sẽn wẽnd ka-kãng buudu, wa sẽn zems teed nins yãmb sẽn tall n maan-a wã ye. Ka-kãng yaa bũmb sẽn welg toore, la a na n yɩɩ bũmb sẽn welg toor yãmb yĩnga.

SEBR SÕNGO

³² Ka-kãnga ka taagd ned yaare ye; da maan kaam sẽn wẽnd-a ye, yaa bũmb sẽn ya bõn-sõngo n na n kell n yɩ sõngo.

Yikri 30:32 Iomraidhean Croise

Yikri 30:25

Rɩk bõn-kãens fãa n maan nug-tikr kaam sẽn welg toore, n yaa kaam buud toor-toor sẽn kalem taaba, t'a yɩ wa parfẽ maand sẽn maand to-to wã. A na n yɩɩ nug-tikr kaam b sẽn tar n maand welg toor tʋʋmdã.

Yikri 30:31

Togs Israyɛll nebã tɩ kaam bu-kãng sẽn pʋdgd maan-kʋʋdbã zutã welga toor mam yĩnga, yãmb zamaan-dãmbã fãa yĩnga.

Maan‑kʋʋre 21:10

Maan-kʋʋd ning b sẽn pʋdg a zug kaam n dogl-a maan-kʋʋr tʋʋmdã, la b yeelg-a fu-welgdsã n kɩt t'a yaa a saam-biisã kãsmã ka tog n zũndg a zoobdo, la a ka tog n pãrs a fut me ye.

A Matiye Sõng 7:6

Da rɩk-y bõn-sõama n kõ baas ye, la y da rɩk y kĩndi n lob kurkuy taoor tɩ b tõe n tab-b-la ne b nao la b wẽnemd n pogl yãmba.