Yikri 30:25 - WẼNNAAM SEBRE 2014

²⁵ Rɩk bõn-kãens fãa n maan nug-tikr kaam sẽn welg toore, n yaa kaam buud toor-toor sẽn kalem taaba, t'a yɩ wa parfẽ maand sẽn maand to-to wã. A na n yɩɩ nug-tikr kaam b sẽn tar n maand welg toor tʋʋmdã.

SEBR SÕNGO

²⁵ Dɩk-ba n kalem taaba n maan ka-sõngo; sõng t'a yũuga yɩɩ noog wa mitba rẽnna. Yẽ n na n yɩ ka-sõngo.

Yikri 30:25 Iomraidhean Croise

1 Rĩm-dãmbã 1:39

Woto, maan-kʋʋd a Sadok kẽe sɛk roogẽ wã, n dɩk yɩɩllã ne kaamã n pʋdg a Salmo zugu. La b peeba baorgo, la nebã fãa kaasame n yeele: «Wẽnd na kaoos rĩm a Salmo.»

1 Kibayã 9:30

Yaa maan-kʋʋdbã kom-dibli n dag n maand parfẽ-rãmbã.

Yɩɩn‑sõamyã 133:2

A yaa wa kaam sẽn tar yũ-noogo, b sẽn dɩk n sudgd maan-kʋʋr kãsem a Aarõ zugu, tɩ sodgd n tat a toɛɛngã, n sigd n tat a fuugã loore.

Yɩɩn‑sõamyã 89:20

Daar a yembre, yãmb goma ne y nin-nongdsã vẽnegr pʋgẽ n yeele: Mam sõnga gãndaoog a yembre, mam waooga bi-bɩɩg a yembr nebã sʋka.

Yikri 28:41

Yeelg f kẽem a Aarõ ne a kom-dibli wã ne fu-kãense. La f pʋdg kaam bãmb zut n ning tʋʋmdã bãmb zutu, n welg bãmb toor tɩ b maan maan-kʋʋr tʋʋmd mam taoore.

Yikri 29:21

Yãk zɩɩm ning sẽn be tẽn-kugrã zugã ne tikr kaamã n mes a Aarõ ne a futã, la yẽnda kom-dibli wã me ne b futã. Yaa woto la f na n welg yẽnda toor ne a futã, la yẽnda kom-dibli wã me ne b futã b tʋʋmdã yĩnga.

Yikri 29:7

La f rɩk welgrã kaam n pʋdg a zugu. Yaa woto la fo na n ning yẽnda zug kaam n welg-a toore.

Yikri 30:24

la kass sẽn zems kɩlo a nii la garem koabga la pis-nii la a nu, sẽn zems sɛk roogã sẽn tar n makd bũmb zɩslem, la oliiv kaam sẽn zems litr a yoob la bɛka.

Yikri 30:32

B ka tog n dɩk ka-kãngã n sõog ned yaar ye. La yãmb ka tog n maan kaam sẽn wẽnd ka-kãng buudu, wa sẽn zems teed nins yãmb sẽn tall n maan-a wã ye. Ka-kãng yaa bũmb sẽn welg toore, la a na n yɩɩ bũmb sẽn welg toor yãmb yĩnga.

Yikri 30:35

Rɩk bõn-kãens n maan wisd sẽn tar yũ-noogo, wa sẽn maand-a parfẽ wã sẽn maand to-to wã. Maan-a t'a tar yamsem, n yaa sõama zãnga, n welg toore.

Yikri 35:15

la wisd yõogr tẽn-kugrã ne a ra-tuiidsã, la nug-tikr kaamã ne wisd sẽn tar yũ-noogã, la sɛk roogã rignoor fu-lillidgã,

Yikri 37:29

Yẽnda maana nug-tikr kaam sẽn welg toore, ne wisd halaal sẽn tar yũ-noogo, wa parfẽ-maand sẽn maand to-to wã.

Yikri 40:9

Yãk kaam ning sẽn pʋdgd maan-kʋʋdbã zutã n ning sɛk roogã ne bũmb nins fãa sẽn be a pʋgẽ wã zut n welg roogã ne a teedã fãa tɩ b yɩ sõama.

Kowelɛt 10:1

Zõos sẽn kiid parfẽ-maand kaam pʋgẽ, t'a yũug ka leb n yaa sõama wã, a kɩtdame tɩ kaamã põoge. Yalemd bilf me woogda yam la ziiri.

Maan‑kʋʋre 8:10

Rẽ poore, a Moyiis rɩka bark ningr kaamã n ning sɛk roogã, ne bũmb nins fãa sẽn dag n be a pʋgẽ wã n welg-b toore.

Maan‑kʋʋre 8:2

«Peeg a Aarõ ne a kom-dibli wã, la f rɩk fut ne kaam ning b sẽn pʋdgd maan-kʋʋdbã zutã, ne loalg sẽn na n maan maoong yel-wẽnã sugr yĩnga, la f wa ne pe-raad a yiibu, ne bur sẽn ka ning rã-bɩll peoogo.

Sõadga 35:25

Bɩ Israyɛll nebã kogl sẽn kʋ-a a to ne yĩdgã, n sõng-a t'a põs ned ning sẽn dat-a n dok kiidã sũurã. B tog n kɩtame tɩ sẽn kʋ-a a to ne yĩdgã lebg n leb weem-tẽng ning pʋg yẽnda sẽn dag n zoe n tɩ soondã pʋgẽ. La yẽnda tog n paa be hal n tãag maan-kʋʋr kãsem ning b sẽn pʋdg a soab zug kaamã kũum.

Ebre rãmba 1:9

Fo nonga tɩrlem, la f kisga wẽnga. Wẽnnaam, yaa rẽndã n kɩt tɩ f Wẽnnaamã kõ foom sũ-noogo, la b bas f tũud-n-taasã.