Yikri 30:14 - WẼNNAAM SEBRE 2014

¹⁴ Neb nins b sẽn na n sõdã fãa, sẽn sɩng ne neb nins sẽn tar yʋʋm pisi la sẽn yɩɩd woto wã na n yaoo Sẽn-Ka-Saab b yõor yaoodo.

SEBR SÕNGO

¹⁴ Yaa ned ninga yʋʋm sẽn ta pisi bal la b sõta la yaa sẽn be-a sõadgẽ n kɩt yaoodã.

Yikri 30:14 Iomraidhean Croise

Yikri 30:13

Ad yaood ned kam fãa b sẽn sõd sẽn tog n yao. Yaa wanzuri ligd zɩslem sẽn zems garem a yopoe la bɛka, sẽn zems sɛk roogã sɩkɛll pʋɩ-sʋka. Sɩkɛll yaa geera pisi. Yaa yaood bãmb sẽn na n yao Sẽn-Ka-Saabo.

Yikri 30:15

La wakat ning yãmb sẽn na n yao Sẽn-Ka-Saab yãmb yõor yaoodã, arzɛk rãmbã ka na n yao sẽn yɩɩd ye, la naong rãmbã me ka na n yao sẽn ka ta sɩkɛll pʋɩ-sʋk ye.

Ezekiyɛl 45:12

Sã n yaa zɩslmã magbo, sɩkl yaa geera rãmb pisi. La min yaa sikl-dãmb pis-yoobe.

Ezekiyɛl 45:16

Tẽngã nebã fãa tog n yãka kũun-kãng n kõ Israyɛll naabã.

Sõadga 1:18

A Moyiis ne Aarõ tigma Israyɛll nebã fãa kiuug a yiib soabã pipi daare, n kɩt tɩ b sõd bãmb roog-roogo, ne zak-zaka, ned kam fãa ne a yʋʋre, la yaa sẽn tar-b yʋʋm pisi la sẽn yɩɩd dẽnda wã.

Sõadga 1:20

La a Israyɛll buud fãa pʋgẽ, b sõda raopã, roog-roogo, la zak-zaka. La b gʋlsa raop nins fãa sẽn ta yʋʋm pisi la sẽn yɩɩd dẽndã n tõe n yɩ tãb-biisã yʋyã. B sɩnga a Israyɛll bi-ribl-kãseng a Rubɛn buudã neb sõadga, la bãmb sõorã yaa neb tus-pis-naas la a yoob la kobs-nu. A Simyõ buudã neb sõor yaa tus pisnu la a wɛ la kobs-tã. A Gaad buudã neb sõor yaa neb tus pis-naas la a nu la kobs-yoob la pisnu. A Zʋʋda buudã neb sõor yaa tus pis-yopoe la a naas la kobs-yoobe. A Isakaar buudã neb sõor yaa tus pisnu la a naas la kobs-naase. A Zabulõ buudã neb sõor yaa tus pisnu la a yopoe la kobs-naase. A Zozɛf biig a Efrayiim buudã neb sõor yaa tus pis-naas la kobs-nu. A Zozɛf biig a Manaase buudã yaa neb tus pis-tã la a yiib la kobs-yi. A Benzame buudã neb sõor yaa tus pis-tã la a nu la kobs-naase. A Dan buudã neb sõor yaa tus pis-yoob la a yiib la kobs-yopoe. A Asɛɛr buudã neb sõor yaa tus pis-naas la a yembr la kobs-nu. A Neftali buudã neb sõor yaa tus pis-nu la a tãab la kobs-naase.

Sõadga 1:3

Bɩ y sõd Israyɛll raop nins fãa sẽn ta yʋʋm pisi, la sẽn yɩɩd woto, n tõe n yɩ Israyɛll tãb-biisã. Bɩ y sõd bãmb wa sẽn zems ned kam fãa ne a buudã tãb-sika.

Sõadga 14:29

Neb nins fãa sẽn be yãmb sʋkã n tar yʋʋm pisi la sẽn yɩɩd dẽ tɩ b sõd-bã na n kii we-raoogã pʋgẽ. Bala, bãmb yẽgma ne maam.

Sõadga 26:2

«Sõd-y Israyɛll nebã fãa buud-buudu. Sõd-y raop nins sẽn ta yʋʋm pisi la sẽn yɩɩd woto, n tõe yɩ tãb-biisã.»

Sõadga 32:11

«Neb nins fãa sẽn yi-b Ezɩpt tẽngã, sẽn da tar-b yʋʋm pisi, la sẽn yɩɩd dẽ wã, ka na n yãnd tẽng ning mam sẽn dag n wẽen n yeel tɩ m na n kõ a Abrahaam, ne a Izake, la a Zakoobã ye. Bala, b ka sak mam noorã ye.