Yikri 3:9 - WẼNNAAM SEBRE 2014

⁹ Moasã, Israyɛll nebã kelems taa maam. La sẽn paas me, mam yãnda namsg ning Ezɩpt nebã sẽn namsd bãmbã.

SEBR SÕNGO

⁹ M wʋma Israyɛl kamba waasgo la m yãee namsg ning Ezipt rãmba sẽn namsd-b.

Yikri 3:9 Iomraidhean Croise

Sɩngrẽ 16:11

Sẽn-Ka-Saab malɛɛkã yeel-a lame: «Ade, fo tʋtame! Fo na n doga bi-ribla. La fo na n pʋda a yʋʋr t'a Ismayɛlle. Bala, Sẽn-Ka-Saab wʋma fo koɛɛgã, f paoogrã pʋga.

Sɩngrẽ 31:12

La malɛɛkã yeela maam yaa: Zẽk f neng n gese. Boees nins fãa sẽn dʋʋd yãansã yaa pẽrem-pẽrem, la wad-wada, la bẽesem-bẽesem. Bala, mam yãnda a Labã sẽn maan foom bũmb ningã fãa.

2 Rĩm-dãmba 13:4

La a Zoakaaz yõka Sẽn-Ka-Saab sɛɛga, n kos-b tɩ b maan sugri, la Sẽn-Ka-Saab leoka a pʋʋsgã, bala, bãmb yãnda namsg ning Siiri rĩmã sẽn dag n namsd Israyɛll nebã.

2 Rĩm-dãmba 20:5

«Lebg n kẽng n tɩ yeel mam nebã naab a Ezekɩyaas yaa: ‹Sẽn-Ka-Saab sẽn yaa fo yaab a Davɩɩd Wẽnnaamã yetame: Mam wʋma fo pʋʋsgã, mam yãnda fo nintãmã. Ade, mam na n maaga f bãagã, tɩ ka ne rasem a tãabo, bɩ f kẽng Sẽn-Ka-Saab roogẽ wã.

A Neemi 9:9

Yãmb yãnda tõnd yaab-rãmbã namsgã Ezɩpt tẽngã pʋgã. La yãmb wʋma b sẽn dag n be rudum ko-kãsengã noor n kelemd n kot yãmb sõngrã.

Yɩɩn‑sõamyã 12:5

n yetẽ: «Tõnd no-goamã kõt-d-la tõogre. Tõnd no-bɩmsã mii goamã, tõnd ka leb n zoet ned ye.»

Yɩɩn‑sõamyã 9:14

Sẽn-Ka-Saabo, zoe-y mam nimbãanega! Ges-y mam kisgdbã sẽn namsd maam. Yãmb n fãagd maam ne kũum,

Yikri 1:11

Dẽ, b yãka yembd tʋʋm taoor dãmba, sẽn na n yɩlẽ tɩ b modg Israyɛll nebã n kɩt tɩ b tʋm tʋʋm-wɛgla. Yɩɩ woto tɩ b me teed bĩngr tẽmse, Faarõ yĩnga: Yaa Pitom ne Ramsɛɛse.

Yikri 1:22

Dẽ, Faarõ yeela a nebã fãa yaa: «Kom-dibli nins fãa sẽn na n dogã bɩ y lob-b Nill kʋɩlgã pʋgẽ, la y bas kom-pugli wã fãa tɩ b vɩɩmde.»

Yikri 1:8

La rĩm-paalg sẽn dag n ka bãng a Zozɛf n wa n na n soog Ezɩpte.

Yikri 2:23

Sẽn kaoos wʋsg rẽ zugẽ, Ezɩpt rĩmã kiime. La Israyɛll nebã rag n yãbdame la b kelemd b yembdã pʋga. Bãmb sẽn dag n kelemd n baood sõngr b yembdã pʋgẽ wã zẽk n taa Wẽnnaam nengẽ.

Yikri 2:25

Wẽnnaam gesa Israyɛll nebã, la Wẽnnaam bãnga b namsgã.

Yikri 3:7

Sẽn-Ka-Saab yeelame yaa: «Sɩdã, mam yãnda m nebã sẽn be Ezɩptã namsgã. Mam wʋma bãmb kelemsã, tʋʋm-soaadbã sẽn namsd bãmb tɩ b kelemdẽ wã. N-yẽe! Mam mii toog ning sẽn tar bãmbã.

Kowelɛt 4:1

Mam leb n tagsa neb nins b sẽn maand pãng dũniyã pʋg ka wã yelle. Gese, b sẽn namsd-b rãmbã nintãm yitame, la ned ka belsd bãmb ye. Bãmb namsdbã tara pãnga, la ned ka belsd bãmb ye.

Kowelɛt 5:8

Tẽn-gãongã yõod yaa nebã fãa yĩnga. Baa rĩm meng teega pʋʋg sẽn kõt bũmb ningã.

A Amoose 4:1

Samaari pagbã sẽn nob wa Basan nag-wubdsã, n be Samaari tãngã zugã, Kelg-y-yã! Yãmb namsda ka-pãens rãmbã, la y maand nimbãan-dãmbã pãnga, la y yet y sɩdbã tɩ b tall n wa tɩ y yũ.

Yaoolem 26:7

La tõnd kelmame n kos Sẽn-Ka-Saab sẽn yaa tõnd yaab-rãmbã Wẽnnaamã tɩ b wa sõng-do. La Sẽn-Ka-Saab wʋma tõnd koɛɛgã, n yãnd d sũ-sãangã ne tõnd tʋʋm-toogã, la d namsgã.

1 Sãmwɛlle 9:16

«Beoog woto wẽnde, mam na n tʋma Benzame buudã rao a yembr fo nengẽ, la fo na n ninga a zug rĩung kaam t'a lebg Israyɛll sẽn yaa mam nebã rĩmã. Yẽnda na n fãaga mam nebã Filistẽ-dãmbã nusẽ, bala, mam yãnda m nebã namsgã, la m wʋma b kɛlengã.»