Yikri 3:8 - WẼNNAAM SEBRE 2014

⁸ Mam sigame n na n fãag bãmb Ezɩpt nebã nusẽ, la m yiis bãmb soolem-kãng pʋgẽ n tall bãmb n kẽng tẽn-sõng sẽn yaa bedr pʋgẽ. Yaa tẽng sẽn pid ne bĩisim la sɩɩd wʋsgo. Yaa tẽng ning Kana-rãmbã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã sẽn be wã.

SEBR SÕNGO

⁸ M mi-la b yɩɩre la m datame n fãag b Ezipt rãmb nugẽ, n yaool n tall-ba n kẽes tẽn-yalengẽ la tẽn-sõngẽ; tẽn-kãng kʋɩlse: bĩisim la sɩɩdo. Yaa Kanaã rãmb tẽnga, n paas Ititse, Amoritse, Perizitse, Ivitse, la Zebuzits tẽnga.

Yikri 3:8 Iomraidhean Croise

Sɩngrẽ 11:5

Sẽn-Ka-Saab sigame n na n ges tẽngã ne gãosgã ninsaalbã kamb sẽn dag n metã.

Sɩngrẽ 11:7

Dẽ wã, d sig n gẽdg b goamã taaba, tɩ b ka leb n wʋmd taab goam ye.»

Sɩngrẽ 15:13

Sẽn-Ka-Saab yeela a Abram yaa: «Bãng tɩ fo yagensã na n yɩɩ sãamb n zĩnd tẽng sẽn ka bãmb tẽng pʋga. Bãmb na n lebga yembse, la b na n namsa bãmb yʋʋm kobs-naase.

Sɩngrẽ 15:14

La mam na n bʋʋ soolem ning sẽn na n kẽes-a bãmb yembdã bʋʋdo, la fo yagensã na n yii beenẽ ne paoong wʋsgo.

Sɩngrẽ 18:21

Dẽ, mam na n sigame n ges bãmb sã n sɩd maanda wa b sẽn gomd tɩ mam wʋmdẽ wã. La mam na n bãnga sã n yaa sɩda wall ka sɩda.»

Sɩngrẽ 43:11

Bãmb ba a Israyɛll yeela bãmb yaa: «Sã n yaa woto, ad yãmb sẽn na n maan bũmb ninga: Bao-y tẽngã bõn-sõama wã n sui y yondẽ wã n tall n tɩ kõ raoã. Yãk-y tɩdar bilfu, sɩɩd bilfu, wisdu, kaam sẽn tar yũ-noogo, Pistaas biisi, ne Amand-dãmba.

Sɩngrẽ 46:4

Mam meng na n yãaga foom n kẽng Ezɩpte, la mam mengã n na n leb n tall foom n wa. Yaa a Zozɛf meng nug n na n mum fo nin f kũum daare.»

Sɩngrẽ 50:24

A Zozɛf yeela a kẽem-dãmbã yaa: «Mam na n wa n kiime! La Wẽnnaam na n wa yiisa yãmb tẽn-kãngã, la yaa bũmb sẽn na n pidsi, la b na n tall-y lame n kẽng tẽng ning bãmb sẽn dag n wẽen n yeel tɩ b na n kõ a Abrahaam ne a Izak la a Zakoobã.»

1 Kibayã 1:15

ne Hevi la Ark ne Sĩn nebã,

A Neemi 9:8

Yãmb yãndame tɩ b kɩsa sɩd ne yãmbã, dẽ, yãmb maana kaool ne bãmba, n kãab bãmb n yeel tɩ y na n kɩtame tɩ b yagensã soog Hɛt-rãmbã, Kana-rãmbã ne Amoor-dãmbã, Perɛɛz-rãmbã la Zebuus-rãmbã, ne Girgaaz-rãmbã tẽmse. La yãmb sɩd pidsa y gomdã. Bala, yãmb yaa tɩrlem soaba.

Yɩɩn‑sõamyã 12:5

n yetẽ: «Tõnd no-goamã kõt-d-la tõogre. Tõnd no-bɩmsã mii goamã, tõnd ka leb n zoet ned ye.»

Yɩɩn‑sõamyã 12:6

Sẽn-Ka-Saab yetame: «Moasã, naong rãmbã namsg yĩnga, ne nimbãan-nebã sidgr yĩnga, mam na n yikame n fãag b sẽn namsd-b rãmbã.»

Yɩɩn‑sõamyã 34:8

Sẽn-Ka-Saab malɛɛkã gũuda sẽn zoet-b bãmbã, n fãagd-ba.

Yɩɩn‑sõamyã 91:15

A sã n bool maam, mam na n leok-a lame. Mam mengã na n zĩnda ne-a yel-pakr pʋgẽ, mam na n fãag-a lame la m waoog-a.

Yikri 12:41

La yʋʋm kobs-naas la pis-tã wã zugẽ, Sẽn-Ka-Saab nebã fãa yii Ezɩpt tẽngã.

Yikri 12:51

La badaar bala, Sẽn-Ka-Saab kɩtame tɩ Israyɛll nebã yi Ezɩpt tẽngã, tãb-bi-sull-sulli.

Yikri 13:5

Sẽn-Ka-Saab sã n wa kɩt tɩ yãmb kẽ tẽng ning Kana nebã, ne Hɛt nebã, la Amoor nebã, ne Hevi nebã, la Zebuus nebã sẽn beẽ wã pʋga, tẽng ning Sẽn-Ka-Saab sẽn dag n kãab n yeel tɩ b na n kõo y yaab-rãmbã, sẽn yaa tẽng sẽn pid ne bĩisim la sɩɩdã, bɩ y maan minin-kãng ki-kãng pʋgẽ.

Yikri 3:17

Mam yeelame tɩ m na n yiisa yãmb namsg ning b sẽn namsd yãmb Ezɩpt tẽngã pʋgẽ wã pʋga, n tall yãmb n kẽng Kana nebã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã tẽngẽ. Yaa tẽng sẽn pid ne bĩisim la sɩɩd wʋsgo.»

Yikri 34:11

Gũus neer n sak bũmb ning mam sẽn wilgd foom dũndã wã. La mam na n diga Amoor-dãmbã ne Kana-rãmbã la Hɛt-dãmbã ne Perɛɛz-rãmbã la Hevi-rãmbã ne Zebuuz-rãmbã fo taoore.

Yikri 5:23

Sẽn sɩng ne wakat ning mam sẽn kẽng Faarõ nengẽ n tɩ gom ne yãmb yʋʋrã, yẽnda maanda nebã wẽnga, la yãmb ka tol n fãag y nebã ye!»

A Ezayi 36:17

hal tɩ mam wa tall yãmb n kẽng tẽng sẽn wẽnd yãmb tẽngã. Yaa tẽng sẽn tar bɩle ne reezẽ rãam, la rɩɩb ne reezẽ tɩɩse.

A Ezayi 64:1

Bugum sẽn wit boaag pʋgẽ to-to wã, la koom sẽn kɛɛd t'a walem zẽkdẽ wã, yãmb bɛɛbã na n bãnga yãmb yʋʋrã, la bu-zẽmsã na n diga yãmb taoore.

Zeremi 11:5

La m na n pidsa m wẽeneg ning mam sẽn dag n wẽen ne y yaab-rãmbã n yeel tɩ m na n kõo bãmb tẽng sẽn tar bĩisim ne sɩɩd wʋsgã. Rẽ la yãmb sẽn tar dũndã wã. La mam yeelame: «Sẽn-Ka-Saabo, bɩ y kɩt t'a yɩ woto.»

Zeremi 2:7

La mam talla bãmb n wa tẽng sẽn tar tɩ-womds tɩ b tõe n dɩ a biisi, ne a bõn-sõamyã. La bãmb wa n dẽgma m tẽngã n kɩt tɩ m sẽn so wã fãa lebg wẽnga.

Zeremi 32:22

Yãmb kõ-b-la tẽng ning y sẽn dag n wẽen tɩ y na n kõ b yaab-rãmbã. Yaa tẽng sẽn pid ne bĩisim la sɩɩdo.

Ezekiyɛl 20:6

Badaare, mam zẽka m nug n wẽen ne bãmb n yeel tɩ m na n yiisa bãmb Ezɩpt tẽng n tall n kẽng tẽng mam sẽn zoe n yãk n bĩng-ba, tẽng sẽn tar bĩisim ne sɩɩd wʋsgo, tẽng sẽn yaa neer n yɩɩd tẽmsã fãa.

Maan‑kʋʋre 20:24

Mam yeela yãmb tɩ yaa yãmb n na n deeg tẽngã n sooge. Mam mengã n na n kõ yãmb tẽngã tɩ y sooge. Beenẽ yaa tẽng sẽn tar bĩisim ne sɩɩdo. Bala, mam yaa Sẽn-Ka-Saab sẽn yaa yãmb Wẽnnaam sẽn welg yãmb toor buud a taabã sʋka.

A Amoose 2:10

Mam yaool n yiisa yãmb Ezɩpte, n tɛ yãmb we-raoogã pʋgẽ yʋʋm pis-naase, tɩ yãmb tõe n soog Amoor nebã tẽnga.

Sõadga 13:18

La y ges tẽngã sẽn yaa to-to. Ges-y neb nins sẽn be tẽngẽ wã sã n tara pãnga, bɩ b ka tare. La y ges b sõorã sã n waoogame bɩ ka waooge.

Sõadga 13:19

La y ges tẽng ning pʋg b sẽn be wã sã n yaa sõama, bɩ a ka sõama. La y ges b tẽmsã sã n tara lals sẽn gũbgi, bɩ b ka tare.

Sõadga 13:27

Ad koees nins bãmb sẽn togs a Moyiisã: «Yãmb sẽn tʋm tõnd tɩ d kẽng tẽng ningã, tõnd kẽngame. La tẽngã sɩd pida ne sɩɩd la bĩisim. Dẽ, tẽngã tɩɩs biis la woto.

A Zã Sõng 3:13

Ned baa a yembr ka rʋ saasẽ ye, sã n ka sẽn yi-a arzãn n wa wã: ‹yaa Ninsaal Bi-riblã.›

A Zã Sõng 6:38

Bala, mam sẽn yi arzãn n sigã, ka tɩ maan m sẽn dat ye, la yaa tɩ maan sẽn tʋm-a maamã raabo.

Yaoolem 1:25

Bãmb yãka tẽngã tɩɩs biis n tall n wa kõ tõndo, la b yeele: «Tẽng ning Sẽn-Ka-Saab sẽn yaa tõnd Wẽnnaamã sẽn kõ tõndã yaa sõama.»

Yaoolem 1:7

Yik-y n wẽnemd-y n kẽng-y Amoor-dãmbã tãms sʋka, la Araba sẽn yegd bãmbã, la tãmsã sʋka, ne tẽn-nabdrẽ wã, la Negɛɛv ne ko-kãsengã noore, la Kana tẽngã, ne Libã hal tɩ ta kʋɩl-kãseng ning sẽn boond tɩ Efratã.

Yaoolem 27:3

La y gʋls tõ-kãensã goamã fãa bãmb zut n yaool n yik n kẽ tẽng ning Sẽn-Ka-Saab sẽn kõ yãmbã pʋgẽ. Yaa tẽng sẽn pid ne bĩisim la sɩɩd wʋsgo, wa Sẽn-Ka-Saab sẽn yaa yãmb Wẽnnaamã sẽn yeel yãmbã.

Yaoolem 28:11

Sẽn-Ka-Saab na n maana yãmb neer wʋsgo, n kɩt tɩ yãmb kambã ne y rũmsã la y koodã fɩɩg tẽng ning bãmb sẽn dag n wẽen n yeel y yaab-rãmbã tɩ b na n kõo yãmbã pʋgẽ.

Yaoolem 6:3

Woto yĩnga, Israyɛll nebã, kelg-y la y gũusi, la y sak bãmba, n tõog n paam sũ-noog n lebg wʋsg tẽng ning sẽn pid ne bĩisim la sɩɩd wʋsgã pʋgẽ, wa Sẽn-Ka-Saab sẽn yaa yãmb yaab-rãmbã Wẽnnaamã sẽn dag n yeel yãmbã.

Yaoolem 7:1

Sẽn-Ka-Saab sẽn yaa yãmb Wẽnnaamã sã n wa tall yãmb n tɩ kẽes tẽng ning yãmb sẽn na n soogã pʋgẽ, bãmb sã n wa rig buud wʋsg nins sẽn be f taoorã sẽn yaa Hɛt-rãmbã ne Girgaaz-rãmbã la Amoor-dãmbã ne Kana-rãmbã la Ferɛɛz-rãmbã ne Hevi-rãmbã la Zebuuz-rãmbã, buud a yopoe wã sẽn yaa wʋsg n tar pãng n yɩɩd yãmbã,

Zozuwe 5:6

Sɩd me, Israyɛll nebã rag n kẽna yʋʋm pis-naas weoogã pʋga, hal tɩ raop nins fãa sẽn tõe n kẽng zabrã sẽn dag n yi Ezɩpt n yaool n ka sak Sẽn-Ka-Saab noorã fãa ki. Bala, Sẽn-Ka-Saab wẽena ne bãmb n yeel tɩ bãmb ka na n kɩt tɩ b yãnd tẽng ning bãmb sẽn kãab b yaab-rãmbã tɩ b na n kõ-d lame wã ye. Yaa tẽng sẽn pid ne bĩisim la sɩɩdo.

Zozuwe 9:1

Rĩm-dãmb nins sẽn be Zʋrdẽ kʋɩlgã rʋʋnd ne sẽn be-b tãmsã sʋkã, la kunkubã sʋkã ne ko-kãsengã noorã hal n tall n tɩ tãag Libã wã, sẽn yaa Hɛt ne Amoor la Kana-rãmbã, ne Ferɛɛz la Hevi ne Zebuus-rãmbã sẽn wʋm tɩ Israyɛll nebã sãama Ayi tẽngã,

Zozuwe 9:7

La Israyɛll nebã yeela Hevi-rãmba yaa: «Tõeeme tɩ yãmb yaa tõnd yagse. Dẽ, tõnd na n maana a wãn n maan kaool ne yãmba?»