Yikri 3:7 - WẼNNAAM SEBRE 2014

⁷ Sẽn-Ka-Saab yeelame yaa: «Sɩdã, mam yãnda m nebã sẽn be Ezɩptã namsgã. Mam wʋma bãmb kelemsã, tʋʋm-soaadbã sẽn namsd bãmb tɩ b kelemdẽ wã. N-yẽe! Mam mii toog ning sẽn tar bãmbã.

SEBR SÕNGO

⁷ Wẽnnaam yeelame: «M yãee neer-neere, m neba sẽn be Ezipt tẽnga nimbãanega. Sẽn get-b tʋʋma kɩtame tɩ b waasdẽ la m tʋbr wʋma b kɛlenga.

Yikri 3:7 Iomraidhean Croise

Sɩngrẽ 16:11

Sẽn-Ka-Saab malɛɛkã yeel-a lame: «Ade, fo tʋtame! Fo na n doga bi-ribla. La fo na n pʋda a yʋʋr t'a Ismayɛlle. Bala, Sẽn-Ka-Saab wʋma fo koɛɛgã, f paoogrã pʋga.

Sɩngrẽ 18:21

Dẽ, mam na n sigame n ges bãmb sã n sɩd maanda wa b sẽn gomd tɩ mam wʋmdẽ wã. La mam na n bãnga sã n yaa sɩda wall ka sɩda.»

Sɩngrẽ 21:17

Wẽnnaam wʋma bi-riblã koɛɛga. La Wẽnnaam malɛɛk zĩnda yĩngr n bool a Agaar n yeel-a yaa: «Agaare, yaa bõe n tar foom? Da zoe rabeem ye, tɩ bala, Wẽnnaam wʋma bi-riblã koɛɛgã a sẽn beẽ wã.

Sɩngrẽ 29:32

A Leya rɩka pʋg n dog bi-ribla, n pʋd a yʋʋr t'a Rubɛn. Bala, yẽnda rag n yetame: «Sẽn-Ka-Saab yãnda mam namsgã, la moasã, mam sɩdã na n nonga maam.»

Sɩngrẽ 31:12

La malɛɛkã yeela maam yaa: Zẽk f neng n gese. Boees nins fãa sẽn dʋʋd yãansã yaa pẽrem-pẽrem, la wad-wada, la bẽesem-bẽesem. Bala, mam yãnda a Labã sẽn maan foom bũmb ningã fãa.

Sɩngrẽ 31:42

Mam ba wã Wẽnnaam sẽn yaa a Abrahaam Wẽnnaamã, m ba a Izak sẽn zoet a soabã sã n dag n ka beẽ ne maam, yãmb dag n na n kɩtame tɩ mam kuil nug-zaala. La Wẽnnaam yãnda mam paoogrã ne m nusã tʋʋm-toodã, dẽ, yʋngẽ, bãmb kaoo yel-kãng bʋʋdo.»

2 Sãmwɛlle 22:28

Yãmb fãagda nimbãan-dãmbã, la y sã n ges wuk-m-mens rãmbã, b sikda b mense.

2 Rĩm-dãmba 13:4

La a Zoakaaz yõka Sẽn-Ka-Saab sɛɛga, n kos-b tɩ b maan sugri, la Sẽn-Ka-Saab leoka a pʋʋsgã, bala, bãmb yãnda namsg ning Siiri rĩmã sẽn dag n namsd Israyɛll nebã.

2 Rĩm-dãmba 20:5

«Lebg n kẽng n tɩ yeel mam nebã naab a Ezekɩyaas yaa: ‹Sẽn-Ka-Saab sẽn yaa fo yaab a Davɩɩd Wẽnnaamã yetame: Mam wʋma fo pʋʋsgã, mam yãnda fo nintãmã. Ade, mam na n maaga f bãagã, tɩ ka ne rasem a tãabo, bɩ f kẽng Sẽn-Ka-Saab roogẽ wã.

A Neemi 9:9

Yãmb yãnda tõnd yaab-rãmbã namsgã Ezɩpt tẽngã pʋgã. La yãmb wʋma b sẽn dag n be rudum ko-kãsengã noor n kelemd n kot yãmb sõngrã.

Yɩɩn‑sõamyã 106:44

Sẽn-Ka-Saab sẽn wʋm bãmb kelemsã, b yãnda b yel-pakrã.

Yɩɩn‑sõamyã 12:6

Sẽn-Ka-Saab yetame: «Moasã, naong rãmbã namsg yĩnga, ne nimbãan-nebã sidgr yĩnga, mam na n yikame n fãag b sẽn namsd-b rãmbã.»

Yɩɩn‑sõamyã 142:3

Mam bee bãmb taoor n wilgd m kosgã, bãmb taoor la m togsd m yel-pakrã.

Yɩɩn‑sõamyã 145:19

Sẽn-Ka-Saab pidsda sẽn zoet-b bãmbã ratem. B sã n bool-b n kos sõngre, bãmb wʋmdame n wa sõng-ba.

Yɩɩn‑sõamyã 22:24

Yãmb dãmb sẽn zoet Sẽn-Ka-Saabo, pẽg-y bãmba! Yãmb fãa sẽn yaa a Zakoob yagense, waoog-y bãmba! Yãmb fãa sẽn yaa a Israyɛll yagense, rig-y bãmb taoore.

Yɩɩn‑sõamyã 34:4

Naag-y maam n balem Sẽn-Ka-Saabo! D lagem taab n zẽk bãmb yʋʋrã!

Yɩɩn‑sõamyã 34:6

Sẽn get-b bãmbã nens pɩndame, la yãnd ka tol n be b nensẽ ye.

Yɩɩn‑sõamyã 35:22

Sẽn-Ka-Saabo, yãmb yãnd-a lame, ra-y sĩnd-y y noor ye! Zu-soaba, ra-y zãag-y y meng ne maam ye!

Yɩɩn‑sõamyã 9:14

Sẽn-Ka-Saabo, zoe-y mam nimbãanega! Ges-y mam kisgdbã sẽn namsd maam. Yãmb n fãagd maam ne kũum,

Yikri 1:11

Dẽ, b yãka yembd tʋʋm taoor dãmba, sẽn na n yɩlẽ tɩ b modg Israyɛll nebã n kɩt tɩ b tʋm tʋʋm-wɛgla. Yɩɩ woto tɩ b me teed bĩngr tẽmse, Faarõ yĩnga: Yaa Pitom ne Ramsɛɛse.

Yikri 1:8

La rĩm-paalg sẽn dag n ka bãng a Zozɛf n wa n na n soog Ezɩpte.

Yikri 22:23

La mam sũur na n yika wʋsg tɩ m kɩt tɩ y pa tãpẽ, tɩ y pagbã lebg pʋg-kõapa, tɩ y kambã me lebg kɩɩbse.

Yikri 33:13

Moasã, sã n yaa tɩ mam paama bark yãmb nifẽ, mam kotame tɩ y kɩt tɩ mam bãng yãmb soayã, dẽ, mam na bãng yãmba, n kell n paam bark yãmb nifẽ. Ade, nin-bãmbã yaa yãmb mengã nebã!»

Yikri 5:10

Dẽ, tʋʋm-soaadbã ne nebã seb-gʋndbã yik n yiime n gom ne nebã n yeele: «Faarõ yeelame t'a ka na n leb n kõ yãmb mood ye.

Yikri 5:6

Badaar bala, Faarõ yeela tʋʋm taoor dãmbã ne sẽn gʋnd-b sɛbã yaa:

A Ezayi 63:9

Bãmb yel-pakrã fãa pʋga, rag n yaa yel-pakr yẽnda me yĩnga. Dẽ, bãmb ka tʋm koe-toagsd wall malɛɛk ye. Sẽn-Ka-Saab mengã n wa n fãag bãmba. Sẽn-Ka-Saab nonglmã ne b nimbãan-zoeerã pʋga, b meng n leb n fãag bãmba, bãmb tebla bãmba, la b zã bãmb daar fãa hal kʋdem-wẽndẽ.

Sõadga 20:16

Tõnd kelmame n bool Sẽn-Ka-Saabo, la bãmb wʋma tõnd kelemsã n tʋm malɛɛk t'a wa yiis tõnd Ezɩpt tẽngã. Moasã, tõnd bee Kadɛɛse, tẽng ning sẽn yaa toadg ne fo tẽngã.

Tʋʋma 7:34

Mam yãnda m nebã sẽn be Ezɩptã namsgã, la m wʋma b wõosgã. La m sigame n na n fãag-ba. Moasã, wa tɩ m na n tʋm-f la Ezɩpte.»

Ebre rãmba 4:15

Bala, tõnd ka tar maan-kʋʋd kãsem sẽn ka tõe n wʋm tõnd pãn-komsmã võor ye. Bãmb paama makr ne bũmb fãa wa tõndo, la b ka maan yel-wẽnd ye.

1 Sãmwɛlle 9:16

«Beoog woto wẽnde, mam na n tʋma Benzame buudã rao a yembr fo nengẽ, la fo na n ninga a zug rĩung kaam t'a lebg Israyɛll sẽn yaa mam nebã rĩmã. Yẽnda na n fãaga mam nebã Filistẽ-dãmbã nusẽ, bala, mam yãnda m nebã namsgã, la m wʋma b kɛlengã.»