Yikri 3:6 - WẼNNAAM SEBRE 2014

⁶ Bãmb leb n yeelame: «Mam yaa fo ba wã Wẽnnaam, n yaa a Abrahaam ne a Izak la a Zakoob Wẽnnaam.» La a Moyiis luda a nenga, bala, yẽnda rag n zoeta rabeem n ka rat n ges Wẽnnaam ye.

SEBR SÕNGO

⁶ Wẽnnaam le paasame: «Ad yaa maam la f ba rãmb Wẽnnaam, a Abraam Wẽnnaam, a Izaak Wẽnnaam la a Zakoob Wẽnnaam.» A Moyiiz sẽn wʋm dẽ, a pĩ-la a nenga n zoet t'a nif na n wa teeg Wẽnde.

Yikri 3:6 Iomraidhean Croise

Sɩngrẽ 12:1

Sẽn-Ka-Saab yeela a Abram yaa: «Yi n loog n bas f tẽngã, ne f ba-yirã, la f buudã n kẽng tẽng ning mam sẽn na n wilg foomã.

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 17:3

La a Abram lʋɩɩme n fõgen a neng tẽnga. La Wẽnnaam yeela yẽnda yaa:

Sɩngrẽ 24:12

Tʋmtʋmdã pʋʋsame n yeele: «M soaal a Abrahaam Wẽnnaam Sẽn-Ka-Saabo, mam kota yãmb tɩ y sõng-ma, tɩ m paam bũmb ninga mam sẽn baoodã rũndã, la m kot-y lame tɩ y maan m soaal a Abrahaam neere!

Sɩngrẽ 26:24

Badaar yʋngo, Sẽn-Ka-Saab puka b meng ne yẽnda n yeele: «Mam yaa fo ba a Abrahaam Wẽnnaam, da zoe rabeem ye. Bala, mam bee ne foom. Mam na n ninga fo zug barka, n kɩt tɩ fo yagensã fɩɩg n lebg wʋsgo, mam tʋmtʋmd a Abrahaam zug maasem yĩnga.»

Sɩngrẽ 28:13

La mikame tɩ Sẽn-Ka-Saab rag n yasa raodgã zugẽ n yetẽ yaa: «Mam yaa Sẽn-Ka-Saabo, n yaa fo yaab a Abrahaam Wẽnnaam, la a Izak Wẽnnaam. Fo sẽn gãe tẽng ning zugã, mam na n kõ-a-la foom ne f yagensã tɩ y sooge.

Sɩngrẽ 28:17

Dẽ, rabeem yõka yẽnda t'a yeele: «Ad zĩ-kãngã seka zoeese! Bala, zĩ-kãngã sɩd yaa Wẽnd doog bala. Zĩ-kãngã yaa arzãn dignoore.»

Sɩngrẽ 31:42

Mam ba wã Wẽnnaam sẽn yaa a Abrahaam Wẽnnaamã, m ba a Izak sẽn zoet a soabã sã n dag n ka beẽ ne maam, yãmb dag n na n kɩtame tɩ mam kuil nug-zaala. La Wẽnnaam yãnda mam paoogrã ne m nusã tʋʋm-toodã, dẽ, yʋngẽ, bãmb kaoo yel-kãng bʋʋdo.»

Sɩngrẽ 32:9

«A Ezayu sã n wa n zab n tõog sull a yembre, sull a to wã paamdame n zoe n põse.»

1 Rĩm-dãmbã 18:36

Maoongã maaneg wakat sẽn ta, Sẽn-Ka-Saab no-rɛɛs a Eli kolgame n yeele: «Sẽn-Ka-Saabo, yãmb yaa a Abrahaam ne a Izak la a Israyɛll Wẽnnaam, bɩ y kɩt tɩ b bãng rũndã tɩ yaa yãmb la Israyɛll nebã Wẽnnaam, la mam yaa yãmb tʋmtʋmda. La y kɩt tɩ b bãng tɩ bũmb nins fãa mam sẽn maandã, yaa yãmb n yeel maam tɩ m maane.

1 Rĩm-dãmbã 19:13

A Eli sẽn wʋm bõn-kãnga, a rɩka a fuugã n lud a neng n yi n yals tãngã bok noore, la a wʋma koɛɛg sẽn gomd ne yẽnda n yetẽ yaa: «Eli! Bõe la fo be ka n maandẽ?»

A Neemi 9:9

Yãmb yãnda tõnd yaab-rãmbã namsgã Ezɩpt tẽngã pʋgã. La yãmb wʋma b sẽn dag n be rudum ko-kãsengã noor n kelemd n kot yãmb sõngrã.

A Ɛstɛɛre 3:4

La daar fãa bãmb da gomda ne a Mardoose, la yẽnda ra ka kelgd-b ye. Bala, yẽnda ra yetame t'a yaa Zʋɩfe. La bãmb tɩ togsa a Haman n na n gese, a Mardoose sẽn yeel tɩ yẽnda yaa zʋɩfã, a na n kell n talla a pĩnd yel-manesmã bɩ?

Yɩɩn‑sõamyã 132:2

A Davɩɩd wẽena ne Sẽn-Ka-Saabo. Yẽnda pʋlma a Zakoob Wẽnnaamã sẽn yaa pãn-kãseng soabã n yeele:

Yikri 15:2

Sẽn-Ka-Saab yaa mam pãnga, la b yaa mam pãn-kãsenga, n yaa mam pẽgr yɩɩlle. Bãmb yaa mam fãagda. Bãmb yaa mam Wẽnnaam, la mam na n waooga bãmba. Bãmb yaa mam ba wã Wẽnnaam, la mam na n pẽga bãmba.

Yikri 29:45

Mam na n paa Israyɛll nebã sʋka, la m na n yɩɩ bãmb Wẽnnaam.

Yikri 3:16

Kẽng n tɩ tigs Israyɛll nebã kãsem-dãmbã n yeel-b yaa: «Sẽn-Ka-Saab sẽn yaa yãmb yaab-rãmbã Wẽnnaamã puka b meng ne maam. Bãmb yaa a Abrahaam ne a Izak la a Zakoob Wẽnnaam. Bãmb yeela maam yaa: «Mam waame n na n sõng yãmba, b sẽn maand yãmb bũmb ning Ezɩpt tẽngã yĩnga.

Yikri 33:20

La bãmb yeelame: «Fo ka tõe n yãnd mam nengã ye. Bala, ninsaal ka tõe n yãnd maam n ket n vɩ ye.»

Yikri 4:5

Wẽnnaam yeelame: «Woto yaa sẽn na n yɩlẽ tɩ nebã tẽ tɩ Sẽn-Ka-Saab sẽn yaa bãmb yaab-rãmbã Wẽnnaam, n yaa a Abrahaam ne a Izak la a Zakoob Wẽnnaamã n vẽneg b meng ne foom.»

Zeremi 24:7

Mam na n kõo bãmb yam tɩ b bãng tɩ mam yaa Sẽn-Ka-Saabo. Bãmb sã n lebg n wa mam nengẽ ne b sũur fãa, b na n yɩɩ mam neba, la mam na n yɩɩ bãmb Wẽnnaam.› »

Zeremi 31:33

La ad kaool ning mam sẽn na n maan ne Israyɛll nebã sẽn na n yɩ to-to da-kãens loogr poore: Ka na n leb n yɩ kug-wals zut la mam na n gʋls m tõodã ye. Mam na n ning-b-la bãmb pʋ-tẽerẽ, mam na n gʋls-b-la b sũyã pʋse. Mam na n yɩɩ bãmb Wẽnnaam, la bãmb na n yɩɩ mam nebã. Maam a Sẽn-Ka-Saab n yeele.

Zeremi 32:38

Bãmb na n leb n yɩɩ mam neba, la mam na n yɩɩ bãmb Wẽnnaam.

Ezekiyɛl 11:20

tɩ b tõe n sak m tõodã ne m minindã, la b tũ-ba. Woto, bãmb na n yɩɩ mam neba, la mam na n yɩɩ bãmb Wẽnnaam.

Zakari 8:8

Mam na n lebg n tall-b lame n wa, la bãmb na n zĩnda Zeruzalɛm pʋgẽ. Bãmb na n yɩɩ mam neba, la mam na n yɩɩ bãmb Wẽnnaam, n yaa sɩd soaba, la tɩrlem soaba.»

A Matiye Sõng 17:6

La karen-biisã sẽn wʋm koe-kãngã, rabeem kãseng yõk-b lame tɩ b lʋɩ n fõgen b nens tẽnga.

A Matiye Sõng 22:32

‹Mam yaa a Abrahaam Wẽnnaam, a Izak Wẽnnaam, la a Zakoob Wẽnnaam›? Wẽnnaam ka kũum Wẽnnaam ye, bãmb yaa nin-vɩɩs Wẽnnaam.»

A Mark Sõng 12:26

La ne kũum vʋʋgrã yelle, yãmb nan ka karem a Moyiis sebrã pʋgẽ, Wẽnnaam sẽn gom ne a Moyiis tuugã sẽn wit bugmã sɛɛgẽ n yetẽ wã la?: «Mam yaa a Abrahaam Wẽnnaam, a Izak Wẽnnaam la a Zakoob Wẽnnaam.»

A Luk Sõng 20:37

Zĩig ning b sẽn gomd tuugã bugmã sẽn be a zugã yellã, a Moyiis wilgame tɩ kũum vʋʋgdame, yẽnda sẽn boond Zu-soabã t'a Abrahaam ne a Izak la a Zakoob Wẽnnaamã.

A Luk Sõng 5:8

A Sɩmo Pɩyɛɛr sẽn yã woto, a wõgemda a Zeezi taoor n yeele: «Zu-soaba, zãag-y y meng ne maam. Bala, mam yaa yel-wẽn maanda.»

Tʋʋma 7:32

«Mam yaa fo yaab-rãmbã Wẽnnaam. A Abrahaam la a Izak ne a Zakoob Wẽnnaam.» La rabeem yõka a Moyiis t'a sɩng n digda, n ka saag n na n ges ye.

Tʋʋma 7:34

Mam yãnda m nebã sẽn be Ezɩptã namsgã, la m wʋma b wõosgã. La m sigame n na n fãag-ba. Moasã, wa tɩ m na n tʋm-f la Ezɩpte.»

Yaoolem 6:3

Woto yĩnga, Israyɛll nebã, kelg-y la y gũusi, la y sak bãmba, n tõog n paam sũ-noog n lebg wʋsg tẽng ning sẽn pid ne bĩisim la sɩɩd wʋsgã pʋgẽ, wa Sẽn-Ka-Saab sẽn yaa yãmb yaab-rãmbã Wẽnnaamã sẽn dag n yeel yãmbã.

Ebre rãmba 11:16

La sɩd-sɩdã, b rat n paama ba-yir sẽn yaa sõama n yɩɩd pĩnd soabã, sẽn be yĩngri. Dẽnda n kɩt tɩ yãnd ka tar Wẽnnaam, nebã sã n yet tɩ Wẽnnaam yaa bãmb Wẽnnaam ye. Bala, Wẽnnaam segla tẽng b yĩnga.

Ebre rãmba 12:21

Bũmb nins sẽn maanã da wata ne rabeem wʋsgo, hal t'a Moyiis yeel tɩ yɛɛsg n tar yẽnda t'a rigda.

Vẽnegre 1:17

Mam sẽn yãnd-bã, mam lʋɩɩ b taoor n yaa wa kũum. Bãmb tika maam ne b nug-rɩtg n yeel yaa: Da maan rabeem ye!

Bʋ-kaoodba 13:22

La a Manoak yeela a pagã yaa: «Mam mii vẽeneg tɩ tõnd na n kiime. Bala, tõnd yãnda Wẽnnaam neng ne nenga.»