Yikri 3:20 - WẼNNAAM SEBRE 2014

²⁰ La mam na n tẽega m nug n wẽ Ezɩpt ne bõn-bãn nins fãa mam sẽn na n maan bãmb sʋkã. Dẽ poore, a na n basa yãmb tɩ y looge.

SEBR SÕNGO

²⁰ Yaa rẽ yĩng la m na n tẽeg m nugu, dẽ la m na n moadg-a ne bõn-bãn ka tɛka, m sẽn na n maan. Dẽ poor marsã a na yaool n bas-y tɩ y looge.

Yikri 3:20 Iomraidhean Croise

Sɩngrẽ 15:14

La mam na n bʋʋ soolem ning sẽn na n kẽes-a bãmb yembdã bʋʋdo, la fo yagensã na n yii beenẽ ne paoong wʋsgo.

A Neemi 9:10

Yãmb maana bãna, la bõn-yɛɛsds n sɩbg Ezɩpt rĩm a Faarõ, la y sɩbg neb nins sẽn dag n be ne yẽnda wã, ne a tẽngã nebã fãa. Bala, yãmb dag n miime tɩ b wukda b mens n namsd tõnd yaab-rãmbã, la yãmb kɩtame tɩ y yʋʋrã yi, wa a sẽn ket n yaa to-to rũndã wã.

Yɩɩn‑sõamyã 105:27

n kɩt tɩ b maan bãn Ezɩpt nebã sʋka, la bõn-bãn a Sam tẽngã pʋga.

Yɩɩn‑sõamyã 105:38

Israyɛll nebã loogr kõo Ezɩpt nebã sũ-noogo, bala, Israyɛll nebã rabeem rag n tar-b lame.

Yɩɩn‑sõamyã 106:22

Wẽnnaamã maana bõn-bãn a Sam tẽngẽ wã, la b maan tʋʋm-yɛɛsds rudum ko-kãsengẽ wã.

Yikri 11:1

Sẽn-Ka-Saab yeela a Moyiis yaa: «Mam na n kɩtame tɩ toog a to paam Ezɩpt rĩmã ne a nebã: Dẽ poore, yẽnda na n basa yãmb tɩ y loog n yi zĩ-kãngã. La a sã n wa kong n na n bas yãmb tɩ y looge, a na n diga yãmb tɩ y yi n looge.

Yikri 12:39

Bãmb dɩka zom-nagdem nins b sẽn yi ne Ezɩptã n maan bur-maas sẽn ka ning rã-bɩlle. Bala, b riga bãmb Ezɩpt tɩ b ka paam n yals tɩ zom-nagdmã wuki, la b ka paam n bao rɩɩb n zã me ye.

Yikri 13:3

Dẽ, a Moyiis yeela nebã yaa: «Tẽeg-y daar ning yãmb sẽn yi Ezɩptã, daar ning yãmb sẽn yi yembd pʋgẽ wã yelle. Bala, yaa ne Sẽn-Ka-Saab nug sẽn tar pãngã la b yiis yãmb beenẽ. Bɩ ned da rɩ bũmb sẽn ning rã-bɩll ye.

Yikri 13:9

Bõn-kãng na n yɩɩ bãnd yãmb nusẽ, la a yɩ bãnd yãmb rĩirẽ, n yaa tẽegr yãmb yĩnga, tɩ yãmb tõe n togsd Sẽn-Ka-Saab tõogã. Bala, yaa ne nug sẽn tar pãng la Sẽn-Ka-Saab yiis yãmb Ezɩpt tẽnga.

Yikri 15:11

Sẽn-Ka-Saabo, wẽnnaam-dãmbã sʋka, ãnda n zem yãmba? Ãnda n tar naam ne sõmblem wa yãmba, n sek zoeese, la sẽn zems waoogre, n maand tʋʋm-kãsemse?

Yikri 15:6

Sẽn-Ka-Saabo, yãmb nug rɩtg pãng yaa kãsenga. Sẽn-Ka-Saabo, yãmb nug rɩtgã wãa bɛɛbã.

Yikri 4:21

Sẽn-Ka-Saab yeela a Moyiis yaa: «Moasã, fo sẽn lebg n lebd Ezɩptã, ges mam sẽn ning bõn-bãn nins fãa fo nugẽ wã, n maan-b Faarõ taoore. Mam na n kɩtame tɩ Faarõ keng a sũurã n ka sak n kõ nebã sor tɩ b loog ye.

Yikri 6:1

Sẽn-Ka-Saab yeela a Moyiis yaa: «Moasã, fo na n yãnda bũmb ning mam sẽn na n maan Faarõ. Yaa nug sẽn tar pãng n na n kɩt tɩ yẽnda bas nebã tɩ b looge. N-yẽe, nug sẽn tar pãng n na n kɩt tɩ Faarõ rig bãmb tɩ b yi n bas a tẽngã.»

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 9:15

Mam sã n dag n kɩtẽ tɩ bã-wẽng yõk fo nebã, woto tɩ fo menemẽ-la dũniyã zugu.

A Ezayi 19:22

Dẽ, Sẽn-Ka-Saab sã n sɩbg Ezɩpt nebã, bãmb n na n leb n maag-ba. Ezɩpt nebã na n lebg n waa Sẽn-Ka-Saab nengẽ, la Sẽn-Ka-Saab na n sak n deega b kosgã n maag-ba.

A Ezayi 26:11

Sẽn-Ka-Saabo, yãmb nugã zãntame hal tɩ bãmb ka ne-a ye. Bãmb na n yãnda yãmb sẽn tar nonglem-kãseng ning y nebã yĩngã, tɩ bõn-kãng yãnd yõk-ba. Woto, bugum n na n dɩ yãmb bɛɛbã.

Ezekiyɛl 20:33

Maam a Zu-soab a Sẽn-Ka-Saab sẽn vɩ wã wẽendame n yetẽ, hakɩɩka, mam na n sooga yãmb ne pãnga, la m tẽeg m nugã n sɩbg-y ne sũ-yikri.

A Miise 7:15

Mam na n wilga bãmb tʋʋm-kãsemse, wa wakat ning mam sẽn dag n yiis bãmb Ezɩpt tẽngã.

Tʋʋma 7:36

Yaa a Moyiis n maan bõn-yɛɛsds la bãn Ezɩpt tẽngã n yiis Israyɛll kambã Ezɩpt soolmã pʋgẽ la mog-miuugã ne weoogã pʋgẽ yʋʋm pis-naasã.

Yaoolem 4:34

Wẽnnaam bʋg n zoe n mak tɩ reeg buud buud a to nugẽ ne bõn-makre, la bãn ne bõn-yɛɛsds la zabre, ne a nugã pãng n maan tʋʋm-kãsems sẽn kẽesd rabeem? Yaa bõn-kãens la Sẽn-Ka-Saab sẽn yaa yãmb Wẽnnaamã maan n kõ yãmb Ezɩpt tẽng tɩ y nin yãndã.

Yaoolem 6:22

La Sẽn-Ka-Saab sẽn yaa tõnd Wẽnnaam kɩtame tɩ d yãnd bãn ne bõn-bãn-kãsemse, la tood nins bãmb sẽn maan Ezɩpt nebã ne Faarõ ne a yir dãmbã fãa wã.

Bʋ-kaoodba 6:8

Sẽn-Ka-Saab tʋma b no-rɛɛs t'a tɩ yeel Israyɛll nebã yaa: «Sẽn-Ka-Saab sẽn yaa Israyɛll Wẽnnaamã yetame: Mam kɩtame tɩ yãmb yi Ezɩpt tẽngã, mam yiisa yãmb y yembdã pʋga.

Bʋ-kaoodba 8:16

Dẽ, a Zedyõ rɩka gõos ne gõpayãndse, n sɩbg Sukot tẽngã nebã.