Yikri 3:2 - WẼNNAAM SEBRE 2014

² La Sẽn-Ka-Saab malɛɛkã vẽnega a meng ne a Moyiis bug-witim pʋgẽ tuug sʋka. A Moyiis rag n getame, la ade, bugum n dag n wit tuugã sʋka, la a ka rɩt tuugã ye.

SEBR SÕNGO

² Wẽnnaam malɛka waa lik-a-la be bugum sʋka. Yɩɩ tuug sẽn dɩt bugum pʋgẽ. A Moyiiz gesame la ade: tuuga da wita bugum la bugma yaool n da pa rɩt tuuga meng ye.

Yikri 3:2 Iomraidhean Croise

Sɩngrẽ 21:17

Wẽnnaam wʋma bi-riblã koɛɛga. La Wẽnnaam malɛɛk zĩnda yĩngr n bool a Agaar n yeel-a yaa: «Agaare, yaa bõe n tar foom? Da zoe rabeem ye, tɩ bala, Wẽnnaam wʋma bi-riblã koɛɛgã a sẽn beẽ wã.

Sɩngrẽ 22:11

Dẽ, Wẽnnaam malɛɛkã zĩnda yĩngr n bool a Abrahaam n yeele: «Abrahaam! Abrahaam!» La yẽnda sakame tɩ naaba.

Sɩngrẽ 48:16

malɛɛk ning sẽn fãag-a maam wẽng buud fãa pʋgẽ wã, ning kom-bãmbã zut barka. La bɩ b boond kom-bãmbã ne mam yʋʋre, la ne m yaab a Abrahaam la m ba a Izak yʋʋre. Bɩ b fɩɩg n lebg wʋsg tẽng ning pʋg b sẽn be wã.»

Yɩɩn‑sõamyã 66:12

Yãmb basame tɩ neb tab tõnd zut n looge, n kɩt tɩ tõnd pɩʋʋg bugum ne koom, la yãmb yiisa tõnd be, n kẽes tõnd naar pʋga.

Yikri 19:18

Sinayi tãngã zugu, bug-zõos n dag n yiti. Bala, Sẽn-Ka-Saab tũu bugmã n sig be. Bug-zõosã yii tãngã zug wa bugum sẽn yit wʋng pʋgẽ, la tãngã fãa rigimda wʋsgo.

Yikri 23:20

Ade, mam tʋmda malɛɛk t'a lʋɩ yãmb taoore, n gũ yãmb kẽndã fãa pʋgẽ, la a tall yãmb n taas zĩig ning mam sẽn seglã.

Yikri 24:17

Israyɛll nebã yãnda Sẽn-Ka-Saab ziirã sẽn wẽnd bug-kãseng sẽn dɩt tãngã zugu.

Yikri 3:16

Kẽng n tɩ tigs Israyɛll nebã kãsem-dãmbã n yeel-b yaa: «Sẽn-Ka-Saab sẽn yaa yãmb yaab-rãmbã Wẽnnaamã puka b meng ne maam. Bãmb yaa a Abrahaam ne a Izak la a Zakoob Wẽnnaam. Bãmb yeela maam yaa: «Mam waame n na n sõng yãmba, b sẽn maand yãmb bũmb ning Ezɩpt tẽngã yĩnga.

A Ezayi 43:2

Fo sã n pɩʋʋgd koom, mam na n zĩnda ne foom. Fo sã n dʋʋgd kʋɩlse, koomã ka na n loog ne foom ye. Fo na n kẽna bugum pʋga, la bugmã kõn dɩ foom ye, bug-witmã kõn sãam foom ye.

A Ezayi 63:9

Bãmb yel-pakrã fãa pʋga, rag n yaa yel-pakr yẽnda me yĩnga. Dẽ, bãmb ka tʋm koe-toagsd wall malɛɛk ye. Sẽn-Ka-Saab mengã n wa n fãag bãmba. Sẽn-Ka-Saab nonglmã ne b nimbãan-zoeerã pʋga, b meng n leb n fãag bãmba, bãmb tebla bãmba, la b zã bãmb daar fãa hal kʋdem-wẽndẽ.

A Dãniyɛlle 3:27

Rĩmã kug-zĩidbã ne a laog-gũudbã, la a soolem kãsem-dãmbã ne a sagendbã gũmame n na n ges-ba, la b mikame tɩ bugmã ka tõog n maan nin-bãmbã b tãabã bũmb ye. La ba b zoobdã ka gõoneme, bugmã ka sɩɩs b futã, la bugum yũug rag n ka tol n be b yĩngẽ wã me ye.

Zakari 13:7

Saasẽ-Pãng-Soabã yetame: Zabr sʋʋga, yik n zab ne mam pe-kɩɩmã, zab ne soab ning sẽn be ne maamã! Wẽ pe-kɩɩmã, la piisã na n sãeegame, la mam mengã nug n na n wa wẽ pe-bi wã.

Malasi 3:1

Saasẽ-Pãng-Soabã yetame: «Ade, mam tʋmda m koe-toagsdã t'a reng maam taoor n maneg sore. Yẽnda na n wa a roogẽ wã ne lingri. Yaa Zu-soab ning yãmb sẽn baoodã, yaa kaoolã koe-toagsd ning yãmb sẽn datã. A watame.»

A Mark Sõng 12:26

La ne kũum vʋʋgrã yelle, yãmb nan ka karem a Moyiis sebrã pʋgẽ, Wẽnnaam sẽn gom ne a Moyiis tuugã sẽn wit bugmã sɛɛgẽ n yetẽ wã la?: «Mam yaa a Abrahaam Wẽnnaam, a Izak Wẽnnaam la a Zakoob Wẽnnaam.»

A Luk Sõng 20:37

Zĩig ning b sẽn gomd tuugã bugmã sẽn be a zugã yellã, a Moyiis wilgame tɩ kũum vʋʋgdame, yẽnda sẽn boond Zu-soabã t'a Abrahaam ne a Izak la a Zakoob Wẽnnaamã.

A Zã Sõng 1:14

B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba nengẽ, la b pida ne bark la sɩda.

Rom Dãmba 8:3

Bala, Wẽnnaam sẽn tʋm b meng Bi-riblã ne yĩng sẽn wẽnd yel-wẽnã rẽndã, yaa yel-wẽnã yiisg yĩnga. Bi-riblã zĩnda b yĩngã pʋgẽ n wilg tɩ yel-wẽnã ka sõama ye. La tõogã ka tõe rẽnda ye. Bala, yĩngã kɩtame t'a ka pãng ye.

Yaoolem 33:16

la a paam bũmb nins sẽn yit tẽn-gãongã zug n womd bi-sõama wã. Bɩ sẽn zĩnd-a tuugã pʋgẽ wã bark zĩnd a Zozɛf b sẽn welg toor a ba-biisã sʋkã zugu.

Yaoolem 4:20

La yãmba, Sẽn-Ka-Saab yiisa yãmb Ezɩpt tẽngã sẽn wẽnd wʋng sẽn yẽnegd kutã pʋga, tɩ y lebg bãmb meng neb wa y sẽn yaa bũmb ning rũndã wã.

2Tesalonik Rãmba 1:7

la b kɩt tɩ yãmb sẽn namsdã, bɩ y lagem ne tõnd n paam vʋʋsg wakat ning Zu-soab a Zeezi sẽn na n puk arzãn ne malegs sẽn tar pãnga.

Bʋ-kaoodba 13:13

Sẽn-Ka-Saab malɛɛkã yeela a Manoak yaa: «Bɩ pagã gũus a meng ne bũmb nins mam sẽn wilg yẽnda wã.