Yikri 3:17 - WẼNNAAM SEBRE 2014

¹⁷ Mam yeelame tɩ m na n yiisa yãmb namsg ning b sẽn namsd yãmb Ezɩpt tẽngã pʋgẽ wã pʋga, n tall yãmb n kẽng Kana nebã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã tẽngẽ. Yaa tẽng sẽn pid ne bĩisim la sɩɩd wʋsgo.»

SEBR SÕNGO

¹⁷ Yaa rẽ yĩng la m dat tɩ y yi n kẽ Kanaã rãmb tẽngẽ n paas Ititse, Amoritse, Perizitse, Ivitse la Zebuzitse, m datame n tɩ kẽes-y tẽng a ye, la tẽng kãng kʋɩls koom yaa bĩisim la sɩɩdo.›

Yikri 3:17 Iomraidhean Croise

Sɩngrẽ 46:4

Mam meng na n yãaga foom n kẽng Ezɩpte, la mam mengã n na n leb n tall foom n wa. Yaa a Zozɛf meng nug n na n mum fo nin f kũum daare.»

Sɩngrẽ 50:24

A Zozɛf yeela a kẽem-dãmbã yaa: «Mam na n wa n kiime! La Wẽnnaam na n wa yiisa yãmb tẽn-kãngã, la yaa bũmb sẽn na n pidsi, la b na n tall-y lame n kẽng tẽng ning bãmb sẽn dag n wẽen n yeel tɩ b na n kõ a Abrahaam ne a Izak la a Zakoobã.»

Sɩngrẽ 50:25

A Zozɛf kɩtame t'a Israyɛll kambã wẽene. La a yeel-b lame yaa: «Wẽnnaam sã n wa leok y kosgo, n yiis yãmb tẽn-kãngã, bɩ y zɩ mam kõabã n yi ka n looge.»

1 Kibayã 1:15

ne Hevi la Ark ne Sĩn nebã,

Yɩɩn‑sõamyã 102:21

Bãmb kelgda sẽn be-b bi-bees roogã sidgri. Bãmb dat n fãaga b sẽn dat n kʋ-b rãmbã,

Yikri 13:5

Sẽn-Ka-Saab sã n wa kɩt tɩ yãmb kẽ tẽng ning Kana nebã, ne Hɛt nebã, la Amoor nebã, ne Hevi nebã, la Zebuus nebã sẽn beẽ wã pʋga, tẽng ning Sẽn-Ka-Saab sẽn dag n kãab n yeel tɩ b na n kõo y yaab-rãmbã, sẽn yaa tẽng sẽn pid ne bĩisim la sɩɩdã, bɩ y maan minin-kãng ki-kãng pʋgẽ.

Yikri 32:34

Moasã, kẽng n tɩ tall nebã tɩ b ta zĩig ning mam sẽn wilg foomã. La ade, mam malɛɛkã na n lʋɩɩ fo taoore. Baoosgo, mam sũ-kãbrã daare, mam na n sɩbga bãmb b kongrã yĩnga.»

Yikri 33:3

Kẽng-y tẽng ning sẽn tar bĩisim ne sɩɩd wʋsgã. La mam ka na n yãag yãmb ye, mam sã n yãag yãmba, mam na n wa sãama yãmb sorã zugu. Bala, yãmb yaa neb sũy sẽn yaa kegemse.»

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Zeremi 11:5

La m na n pidsa m wẽeneg ning mam sẽn dag n wẽen ne y yaab-rãmbã n yeel tɩ m na n kõo bãmb tẽng sẽn tar bĩisim ne sɩɩd wʋsgã. Rẽ la yãmb sẽn tar dũndã wã. La mam yeelame: «Sẽn-Ka-Saabo, bɩ y kɩt t'a yɩ woto.»

Zeremi 32:22

Yãmb kõ-b-la tẽng ning y sẽn dag n wẽen tɩ y na n kõ b yaab-rãmbã. Yaa tẽng sẽn pid ne bĩisim la sɩɩdo.

Ezekiyɛl 20:6

Badaare, mam zẽka m nug n wẽen ne bãmb n yeel tɩ m na n yiisa bãmb Ezɩpt tẽng n tall n kẽng tẽng mam sẽn zoe n yãk n bĩng-ba, tẽng sẽn tar bĩisim ne sɩɩd wʋsgo, tẽng sẽn yaa neer n yɩɩd tẽmsã fãa.

Maan‑kʋʋre 20:24

Mam yeela yãmb tɩ yaa yãmb n na n deeg tẽngã n sooge. Mam mengã n na n kõ yãmb tẽngã tɩ y sooge. Beenẽ yaa tẽng sẽn tar bĩisim ne sɩɩdo. Bala, mam yaa Sẽn-Ka-Saab sẽn yaa yãmb Wẽnnaam sẽn welg yãmb toor buud a taabã sʋka.

Sõadga 13:27

Ad koees nins bãmb sẽn togs a Moyiisã: «Yãmb sẽn tʋm tõnd tɩ d kẽng tẽng ningã, tõnd kẽngame. La tẽngã sɩd pida ne sɩɩd la bĩisim. Dẽ, tẽngã tɩɩs biis la woto.

Yaoolem 26:9

Bãmb talla tõnd n wa ka, n wa kõ tõnd tẽn-kãngã. Yaa tẽng sẽn pid ne bĩisim la sɩɩd wʋsgo.

Yaoolem 6:3

Woto yĩnga, Israyɛll nebã, kelg-y la y gũusi, la y sak bãmba, n tõog n paam sũ-noog n lebg wʋsg tẽng ning sẽn pid ne bĩisim la sɩɩd wʋsgã pʋgẽ, wa Sẽn-Ka-Saab sẽn yaa yãmb yaab-rãmbã Wẽnnaamã sẽn dag n yeel yãmbã.

Zozuwe 24:11

Yãmb pɩʋʋga Zʋrdẽ kʋɩlgã n ta Zeeriko. Zeeriko rãmbã yikame n zab ne yãmba, n paas ne Amoor-dãmbã, Perɛɛz-rãmbã, Kana-rãmbã, Hɛt-rãmbã, Garazim-rãmbã, Hevi-rãmbã ne Zebuus-rãmbã. La mam kɩtame tɩ yãmb tõog-ba.

Zozuwe 5:6

Sɩd me, Israyɛll nebã rag n kẽna yʋʋm pis-naas weoogã pʋga, hal tɩ raop nins fãa sẽn tõe n kẽng zabrã sẽn dag n yi Ezɩpt n yaool n ka sak Sẽn-Ka-Saab noorã fãa ki. Bala, Sẽn-Ka-Saab wẽena ne bãmb n yeel tɩ bãmb ka na n kɩt tɩ b yãnd tẽng ning bãmb sẽn kãab b yaab-rãmbã tɩ b na n kõ-d lame wã ye. Yaa tẽng sẽn pid ne bĩisim la sɩɩdo.

Zozuwe 9:1

Rĩm-dãmb nins sẽn be Zʋrdẽ kʋɩlgã rʋʋnd ne sẽn be-b tãmsã sʋkã, la kunkubã sʋkã ne ko-kãsengã noorã hal n tall n tɩ tãag Libã wã, sẽn yaa Hɛt ne Amoor la Kana-rãmbã, ne Ferɛɛz la Hevi ne Zebuus-rãmbã sẽn wʋm tɩ Israyɛll nebã sãama Ayi tẽngã,