Yikri 3:15 - WẼNNAAM SEBRE 2014

¹⁵ Wẽnnaam leb n yeela a Moyiis t'a tɩ yeel Israyɛll nebã yaa: «Sẽn-Ka-Saab sẽn yaa yãmb yaab-rãmbã Wẽnnaam, n yaa a Abrahaam ne a Izak la a Zakoob Wẽnnaamã n tʋm maam yãmb nengẽ.» Yõwã na n yɩɩ mam yʋʋr wakat fãa. Nebã na n boonda maam ne yʋ-kãng zamaan woo zamaane.

SEBR SÕNGO

¹⁵ La f na n paasame: ‹Yaa Soaala n tʋm maam yãmb nengẽ, yaa yãmb yaab rãmb Wẽnnaam, a Abraam Wẽnnaam, a Izaak Wẽnnaam, a Zakoob Wẽnnaam.› Yaa yʋ-kãnga n na n yɩ m yʋʋre zamaan sẽn wate, yaa yʋ-kãnga la y na n ning y pʋ-tẽerẽ, zamaan woo zamaana.

Yikri 3:15 Iomraidhean Croise

Sɩngrẽ 24:12

Tʋmtʋmdã pʋʋsame n yeele: «M soaal a Abrahaam Wẽnnaam Sẽn-Ka-Saabo, mam kota yãmb tɩ y sõng-ma, tɩ m paam bũmb ninga mam sẽn baoodã rũndã, la m kot-y lame tɩ y maan m soaal a Abrahaam neere!

1 Kibayã 16:16

Tẽeg-y kaool ning b sẽn maan ne a Abrahaamã yelle, la wẽeneg ning bãmb sẽn wẽen ne a Izakã yelle.

1 Kibayã 29:18

Sẽn-Ka-Saab sẽn yaa tõnd yaab-rãmb a Abrahaam ne a Izak la a Zakoob Wẽnnaam, bɩ y kɩt tɩ tagsg a woto kell n zĩnd y nebã sũy pʋse, tɩ b yam kẽ yãmba.

2 Kibayã 28:9

La Samaari pʋgẽ wã, Sẽn-Ka-Saab no-rɛɛs a yembr n dag n be beenẽ t'a yʋʋr boondẽ t'a Obɛɛde. Yẽnda yiime n seg Israyɛll tãb-biisã sẽn lebg n wat Samaari wã n yeel-b yaa: «Ade, yaa Sẽn-Ka-Saab sũurã sẽn yik ne Zʋʋda nebã yĩng n kɩt tɩ bãmb bas tɩ yãmb tõog-ba, la yãmb kʋ-b-la ne sũ-yikr sẽn zẽk n tat hal saasẽ.

Yɩɩn‑sõamyã 102:12

Mam vɩɩmã loogda wa maasem, mam kʋɩta wa moodo.

Yɩɩn‑sõamyã 102:13

La yãmb a Sẽn-Ka-Saab rɩta naam wakat sẽn kõn sa, la b na n tẽra yãmb yell zamaan woo zamaane.

Yɩɩn‑sõamyã 135:13

Sẽn-Ka-Saabo, yãmb yʋʋrã paada wakat fãa! Sẽn-Ka-Saabo, b na n tẽra yãmb yell zamaan woo zamaane!

Yɩɩn‑sõamyã 30:4

Sẽn-Ka-Saabo, yãmb yiisa maam kɩɩm-kulg pʋga, yãmb leb n kõo maam vɩɩm, n kɩt tɩ m zãag ne sẽn sigd-b yaoogẽ wã.

Yɩɩn‑sõamyã 30:5

Sẽn-Ka-Saab nin-nongdse, yɩɩl-y bãmb yĩnga, n pʋʋs-b barka, bãmb yʋ-sõngã tẽegr yĩnga!

Yɩɩn‑sõamyã 68:5

Yɩɩl-y Wẽnnaam yĩnga, pʋd-y yɩɩl n pẽg b yʋʋrã! Tuk-y sore, n deeg sẽn zao-a sawatã n watẽ wã! Bãmb yʋʋr boondame tɩ Sẽn-Ka-Saabo! Kɩdm-y bãmb taoore!

Yɩɩn‑sõamyã 72:17

Rĩmã yʋʋr na n paa wakat fãa, Wĩndgã sã n ket n pukdẽ, bãmb yʋʋrã na n paa wakat fãa. Nebã na n ninga taab bark ne bãmb yʋʋre, la bu-zẽmsã fãa na n yeelame tɩ rĩmã tara barka.

Yɩɩn‑sõamyã 72:19

Bɩ Sẽn-Ka-Saab yʋʋrã sẽn tar ziirã paam pẽgr wakat sẽn ka sɛta! Bɩ bãmb ziirã pid dũniyã gilli! Ãmina! Ãmina!

Yikri 15:2

Sẽn-Ka-Saab yaa mam pãnga, la b yaa mam pãn-kãsenga, n yaa mam pẽgr yɩɩlle. Bãmb yaa mam fãagda. Bãmb yaa mam Wẽnnaam, la mam na n waooga bãmba. Bãmb yaa mam ba wã Wẽnnaam, la mam na n pẽga bãmba.

Yikri 15:3

Sẽn-Ka-Saab yaa zabr gãndaoogo. Bãmb yʋʋr la a Sẽn-Ka-Saabo.

Yikri 3:13

Dẽ, a Moyiis yeela Wẽnnaam yaa: «Beneere! Wa mam sã n kẽng Israyɛll nebã nengẽ n tɩ yeel bãmb tɩ bãmb yaab-rãmbã Wẽnnaam n tʋm maam b nengẽ, tɩ bãmb sok maam a yʋʋre, mam na n leok-b lame tɩ bõe?»

Yikri 3:6

Bãmb leb n yeelame: «Mam yaa fo ba wã Wẽnnaam, n yaa a Abrahaam ne a Izak la a Zakoob Wẽnnaam.» La a Moyiis luda a nenga, bala, yẽnda rag n zoeta rabeem n ka rat n ges Wẽnnaam ye.

Yikri 4:1

A Moyiis yeelame: «Israyɛll nebã ka na n tẽ maam, la b ka na n kelg maam ye. Bãmb na n yeelame tɩ Sẽn-Ka-Saab ka vẽneg b meng ne maam ye.»

Yikri 4:5

Wẽnnaam yeelame: «Woto yaa sẽn na n yɩlẽ tɩ nebã tẽ tɩ Sẽn-Ka-Saab sẽn yaa bãmb yaab-rãmbã Wẽnnaam, n yaa a Abrahaam ne a Izak la a Zakoob Wẽnnaamã n vẽneg b meng ne foom.»

Yikri 6:2

Wẽnnaam goma ne a Moyiis n yeele: «Mam yaa Sẽn-Ka-Saabo.

Yelbũna 18:10

Sẽn-Ka-Saab yʋʋrã yaa gãsg sẽn tar pãnga, nin-tɩrg sã n zoe n tɩ kẽ be, yell kõn paam-a ye.

A Ezayi 26:8

Sẽn-Ka-Saabo, yãmb tõogã sẽn tuk sor ningã zugu, tõnd maanda tẽeb ne yãmba. Tõnd sẽn dat fãa yaa tɩ bool yãmb yʋʋrã.

A Ezayi 42:8

Mam yaa Sẽn-Ka-Saabo, mam yʋʋr la woto. Mam kõn dɩk m ziirã n kõ ned a to ye, la m kõn dɩk m waoogrã n kõ wẽn-naands ye.

A Ezayi 63:12

Soab ning sẽn dag n be a Moyiis sɛɛgẽ, n tẽegd b nug sẽn tar pãng n kɩtdẽ tɩ ko-kãsengã welgd bãmb taoore, tɩ bãmb yʋʋrã paamd waoogr wakat fãa wã bee yɛɛnẽ?

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

Zeremi 33:2

«Maam a Sẽn-Ka-Saab sẽn yaa soab ning sẽn maand bõn-kãensã wã, n naand-b n kɩtdẽ tɩ b beẽ wã, soab ning yʋʋr sẽn boond tɩ Sẽn-Ka-Saab yetame:

A Dãniyɛlle 2:23

Mam yaab-rãmbã Wẽnnaam, mam pẽgda yãmba, la m waoogd-y-yã, Yãmb sẽn kõ maam yam la pãngã yĩnga, bala, yãmb n vẽneg maam ne bũmb ning tõnd sẽn kos yãmbã, Yãmb n vẽneg tõnd ne yell ning sẽn pak rĩmã!»

A Ooze 12:5

Yẽ maoo ne malɛk n tõoge. Yẽnda yãbame n kos-a sõngre. Yẽnda yãnda Wẽnnaam Betɛlle. La yaa beenẽ la bãmb gom ne tõndo.

A Ooze 12:6

Sẽn-Ka-Saab yaa Saasẽ-Pãng-Soaba. La b miime tɩ bãmb yʋʋr yaa Sẽn-Ka-Saabo.

Maan‑kʋʋre 24:11

Israyɛll bi-pugl-kãng biigã tʋʋsa Sẽn-Ka-Saab n paoog b yʋʋrã. La b tall-a lame n kẽng a Moyiis nengẽ. Bi-kãng ma wã yʋʋr boondame t'a Selomiti, n yaa a Dibri bi-pugla, n yaa Dan buudã neda.

A Miise 4:5

Buud a taabã ned kam fãa kẽnda ne a wẽnnaam yʋʋre, la tõndo, tõnd kẽnda ne Sẽn-Ka-Saab daar fãa, la wakat sẽn ka sɛta.

Malasi 3:6

Bala, maam a Sẽn-Ka-Saab ka tek ye. La yãmb dãmb sẽn yaa a Zakoob yagense, b ka menes yãmb ye.»

A Matiye Sõng 22:32

‹Mam yaa a Abrahaam Wẽnnaam, a Izak Wẽnnaam, la a Zakoob Wẽnnaam›? Wẽnnaam ka kũum Wẽnnaam ye, bãmb yaa nin-vɩɩs Wẽnnaam.»

Tʋʋma 3:13

Yaa a Abrahaam ne a Izak la a Zakoob Wẽnnaam sẽn yaa tõnd yaab-rãmbã Wẽnnaamã n waoog b tẽn-tʋmd a Zeezi. Yaa bãmb la yãmb sẽn da zãmb n yõk n kɩs a Pilate, t'a Pilat da tags n dat n bas-b tɩ yãmb tõdg yẽnda taoorã.

Tʋʋma 7:32

«Mam yaa fo yaab-rãmbã Wẽnnaam. A Abrahaam la a Izak ne a Zakoob Wẽnnaam.» La rabeem yõka a Moyiis t'a sɩng n digda, n ka saag n na n ges ye.

Yaoolem 1:11

Bɩ Sẽn-Ka-Saab sẽn yaa yãmb yaab-rãmbã Wẽnnaamã kɩt tɩ yãmb yɩ wʋsg naoor tusr n yɩɩd y sẽn yaa bũmb ning rũndã wã, la b ning-y bark wa bãmb sẽn dag n yeel yãmbã.

Yaoolem 1:35

«Zamaan-kãngã nebã sẽn yaa nin-wẽnsã baa a yembr kõn tol n yãnd tẽn-noog ning mam sẽn dag n wẽen n yeel tɩ m na n kõo yãmb yaab-rãmbã ye,

Yaoolem 4:1

Moasã, Israyɛll nebã, bɩ y kelg minindã ne tõod nins mam sẽn zãmsd yãmbã, la y sak bãmb n tõog n vɩɩmde, la y kẽ tẽng ning Sẽn-Ka-Saab sẽn yaa yaab-rãmbã Wẽnnaamã sẽn kõ yãmb tɩ y soogã pʋgẽ.

Ebre rãmba 11:16

La sɩd-sɩdã, b rat n paama ba-yir sẽn yaa sõama n yɩɩd pĩnd soabã, sẽn be yĩngri. Dẽnda n kɩt tɩ yãnd ka tar Wẽnnaam, nebã sã n yet tɩ Wẽnnaam yaa bãmb Wẽnnaam ye. Bala, Wẽnnaam segla tẽng b yĩnga.

Ebre rãmba 13:8

A Zeezi Kiris yaa yembr zaamẽ la rũndã la wakat sẽn kõn sa.