Yikri 3:13 - WẼNNAAM SEBRE 2014

¹³ Dẽ, a Moyiis yeela Wẽnnaam yaa: «Beneere! Wa mam sã n kẽng Israyɛll nebã nengẽ n tɩ yeel bãmb tɩ bãmb yaab-rãmbã Wẽnnaam n tʋm maam b nengẽ, tɩ bãmb sok maam a yʋʋre, mam na n leok-b lame tɩ bõe?»

SEBR SÕNGO

¹³ A Moyiiz yeela Wẽnnaam: «Ade, m na n tɩ yeela Israyɛl kamba woto: ‹Yãmb yaab rãmb Wẽnnaam n tʋm maam y nengẽ.› B sã n sok maam tɩ y yʋʋr la a bõe, m leokda wãna?»

Yikri 3:13 Iomraidhean Croise

Sɩngrẽ 32:29

La raoã yeela a Zakoob yaa: «B ka na n leb n bool fo yʋʋr t'a Zakoob ye. B na n boola foom t'a Israyɛlle. Bala, fo maoo ne Wẽnnaam, la f mao ne ninsaalb n paam tõogre.»

Yikri 15:3

Sẽn-Ka-Saab yaa zabr gãndaoogo. Bãmb yʋʋr la a Sẽn-Ka-Saabo.

Yikri 3:12

Wẽnnaam yeelame: «Mam na n zĩnda ne foom. La ad bãnd ning sẽn na n kɩt tɩ fo bãng tɩ yaa maam n tʋm foom. Fo sã n tõog n tall nebã n yi Ezɩpt soolmẽ wã, bɩ y waoog Wẽnnaam tãn-kãngã zugu.»

Yikri 3:14

La Wẽnnaam yeela a Moyiis yaa: «Mam yaa m sẽn yaa-a soabã.» La bãmb leb n yeela yẽnda n paase: Tɩ yeel Israyɛll nebã a woto: «A ‹Mam yaa› n tʋm maam yãmb nengẽ.»

Yikri 3:15

Wẽnnaam leb n yeela a Moyiis t'a tɩ yeel Israyɛll nebã yaa: «Sẽn-Ka-Saab sẽn yaa yãmb yaab-rãmbã Wẽnnaam, n yaa a Abrahaam ne a Izak la a Zakoob Wẽnnaamã n tʋm maam yãmb nengẽ.» Yõwã na n yɩɩ mam yʋʋr wakat fãa. Nebã na n boonda maam ne yʋ-kãng zamaan woo zamaane.

Yikri 7:16

Yeel Faarõ yaa: Sẽn-Ka-Saab sẽn yaa Ebre nebã Wẽnnaamã tʋma maam fo nengẽ tɩ m wa yeel-f tɩ f bas bãmb nebã tɩ b kẽng we-raoogẽ wã n tɩ waoog bãmba. La hal tɩ ta moasã, fo ka kelg ye.

Yelbũna 30:4

Ãnda n dʋ yĩngr n lebg n sigi? Ãnda n kogl a nus n kok pemsem? Ãnda n yondg koom a fuugẽ? Ãnda n naan tẽn-gãongã? A soab yʋʋr la a bõe, la a biigã yʋʋr la a bõe? Fo sã n miẽ, bɩ f togs-ma.

A Ezayi 52:6

Woto kɩtame tɩ mam nebã na n bãng mam yʋʋrã. Badaare, bãmb na n bãngame tɩ yaa maam n gomd n yetẽ: «Ad maam!»

A Ezayi 7:14

Rẽ kɩtame tɩ Zu-soabã meng na n kõ yãmb bãnde. Ade, pa-kuil na n dɩka pʋga, n dog bi-ribla, n pʋd a yʋʋr t'a Emanuwɛlle, sẽn dat n togs tɩ ‹Wẽnd-be-ne-do.›

A Ezayi 9:6

Yẽnda naamã na n yalgame, yẽnda na n waa ne vɩ-bãan sẽn ka sɛta, a Davɩɩd naam geerã ne yẽnda soolmã yĩnga. Yẽnda na n paasa a soolmã pãnga, la a na n zã-a-la ne zemsgo la tɩrlem, sẽn sɩng ne moasã la wakat sẽn kõn sɛ yĩnga. Saasẽ-Pãng-Soabã nonglem-kãsengã n na n kɩt t'a yɩ a woto.

Zeremi 23:6

Yaa yẽnda wakat la Zʋʋda nebã na n paam fãagre, tɩ Israyɛll nebã zĩnd ne bãane. B na n boola rĩmã yʋʋr tɩ Sẽn-Ka-Saab sẽn yaa tõnd tɩrlem.»

A Matiye Sõng 1:21

Yẽnda na n doga bi-ribla, la fo na n pʋda a yʋʋr t'a Zeezi. Yaa yẽnda n na n yols b nebã ne yel-wẽnã.

A Matiye Sõng 1:23

Ade, pa-kuil na n dɩka pʋga, n dog bi-ribla, la b na n pʋda a yʋʋr tɩ Emanuwɛlle, sẽn dat n togs tɩ ‹Wẽnd‑be‑ne‑do.›

Tʋʋma 3:13

Yaa a Abrahaam ne a Izak la a Zakoob Wẽnnaam sẽn yaa tõnd yaab-rãmbã Wẽnnaamã n waoog b tẽn-tʋmd a Zeezi. Yaa bãmb la yãmb sẽn da zãmb n yõk n kɩs a Pilate, t'a Pilat da tags n dat n bas-b tɩ yãmb tõdg yẽnda taoorã.

Bʋ-kaoodba 13:17

Dẽ, a Manoak soka Sẽn-Ka-Saab malɛɛkã yaa: «Yãmb yʋʋr la a bõe, tɩ yãmb sẽn yeelã sã n sɩd wa n paam pidsg bɩ tõnd tõe n waoog yãmba?»

Bʋ-kaoodba 13:6

La pagã kẽng n tɩ yeela a sɩdã yaa: «Wẽnnaam dao n wa mam nengẽ, la a nengã rag n wẽnda Wẽnnaam malɛɛk nenga, la a gesg ra kõta rabeem. La mam ka sok-a n ges a sẽn yitẽ, la a ka togs maam a yʋʋr me ye.