Yikri 3:11 - WẼNNAAM SEBRE 2014

¹¹ La a Moyiis yeela Wẽnnaam yaa: «Maam la ãnda n na n kẽng Faarõ nengẽ n tɩ yiis Israyɛll nebã Ezɩpt soolem pʋgẽ?»

SEBR SÕNGO

¹¹ A Moyiiz yeelame: «Maam la a bõe n na n ta dĩma nengẽ n kɩt t'a yiis Israyɛl kamb Ezipt tẽnga?»

Yikri 3:11 Iomraidhean Croise

2 Sãmwɛlle 7:18

Rĩm a Davɩɩd kẽng n tɩ yalsa Sẽn-Ka-Saab taoor n yeele: «Wẽnnaam Sẽn-Ka-Saabo, mam yaa ãnda, la m doogã bee yɛ tɩ y tall maam hal n ta zĩig ning mam sẽn beẽ dũndã wã?

1 Rĩm-dãmbã 3:7

Moasã, mam Wẽnnaam Sẽn-Ka-Saabo, yaa yãmb n yãk mam sẽn yaa y tʋmtʋmdã, n kɩt tɩ m led m ba a Davɩɩd zĩigẽ, n lebg rĩmã, la mam yaa yãaga, n ka mi m sẽn na n zã nebã to-to ye.

1 Rĩm-dãmbã 3:9

Bɩ y kõ y tʋmtʋmdã yam, t'a tõog n zã y nebã, la a bãng sõama ne wẽng n bake. Sã n ka rẽ, ãndã n tõe n zã yãmb nebã sẽn yaa wʋsg a woto wã?»

1 Kibayã 29:14

Mam yaa ãnda, la mam nebã yaa ãnda rãmba, tɩ tõnd tõe n kõ kũun a woto ne yamleoogo? Bũmb fãa yita yãmb nengẽ, la bũmb nins tõnd sẽn kõt yãmbã fãa yaa yãmb n kõ tõndo.

Yikri 6:12

La a Moyiis yalsa Sẽn-Ka-Saab taoor n gom n yeele: «Israyɛll nebã sã n ka kelg maam, Faarõ na n maana a wãn n kelg mam sẽn yaa ned sẽn ka tõe goamã?»

Zeremi 1:6

La mam yeelame yaa: ‹Kayto! Zu-soabã Sẽn-Ka-Saabo, mam ka mi goam ye. Mam yaa yãaga!

2 Korẽnt rãmba 2:16

Ne neb kẽere, tõnd yaa kũum yũug sẽn wat ne kũum, la ne neb a taaba, tõnd yaa vɩɩm yũug sẽn wat ne vɩɩm. Ãnda n tar pãng n tõe n maan bõn-kãensã?

2 Korẽnt rãmba 3:5

Ka rat n yeel tɩ tõnd mens tara pãng n tõe n maan bõn‑kãng ne d mens pãng ye, la yaa tɩ tõnd pãngã yita Wẽnnaam nengẽ.

Bʋ-kaoodba 6:15

A Zedyõ yeela malɛɛkã yaa: «Y kabre m soaala, mam na n maana a wãn n tõog n fãag Israyɛll nebã? Ade, Manaase buudã fãa pʋgẽ, yaa tõnd doogã n tɩ yaa naong rãmba. Sẽn paase, mam ba wã zak pʋga, maam n yaa b fãa yao-zʋʋga.»

1 Sãmwɛlle 18:18

A Davɩɩd yeela a Sayull yaa: «Mam yaa ãnda, la mam buudã ne m ba wã zak rãmb yaa ãnda rãmb Israyɛll buudã sʋka, tɩ mam na n lebg rĩmã rɛɛmba?»