Yikri 3:1 - WẼNNAAM SEBRE 2014

¹ A Moyiis rag n kɩɩmda a rɛɛmb a Zetro sẽn yaa Madiyã maan-kʋʋdã rũmsi. Yẽnda talla rũmsã n kẽng we-raoogã wã n ta Horɛɛbe, Wẽnnaam tãngẽ wã.

SEBR SÕNGO

¹ A Moyiiz da kɩɩmda a rɛɛm piisi, a rɛɛmba boondame tɩ Zetro, n ya Madiã maan-kʋʋd. A Moyiiz waa n talla piisã n zãage, a waa n taa Oreb, Wẽnd tãnga zugu.

Yikri 3:1 Iomraidhean Croise

1 Rĩm-dãmbã 19:19

A Eli yii be n looge, la a tɩ mika a Safat biig a Eliize t'a tar niig sẽn balg yiib-yiib zĩis piig la a yiib n kooda. La a Eliize rag n bee ne piig la a yiibẽ soabã. A Eli tũu yẽnda nengẽ n dɩk a fuug n lob a Eliize zugu.

1 Rĩm-dãmbã 19:8

Dẽ, a Eli yikame n dɩ la a yũ. La rɩɩb ning yẽnda sẽn dɩ wã kõo yẽnda pãng t'a kẽn rasem pis-naase, la yʋnd pis-naase. La yẽnda taa Horɛɛb sẽn yaa Wẽnnaam tãngã.

Yɩɩn‑sõamyã 106:19

Horɛɛb tãngã zugu, bãmb maana nag-bila, n wõgemd kutã b sẽn yõgã taoore.

Yikri 17:6

La sã n yaa ne maam, mam na n yalsa fo taoor beenẽ, pĩig ning sẽn be Horɛɛbã zugu. La fo na n wẽe pĩigã tɩ koom yi a pʋgẽ tɩ nebã yũ.» A Moyiis maana woto Israyɛll nebã kãsem-dãmbã nifẽ.

Yikri 18:12

Dẽ, a Moyiis rɛɛmb a Zetro maana maoong sẽn yõogd bugum ne maand a taab n kõ Wẽnnaam. A Aarõ ne Israyɛll kãsem-dãmbã fãa wa n lagma a Moyiis rɛɛmbã n dɩ Wẽnnaam taoore.

Yikri 19:11

Bɩ b segl b mens rasem a tãabẽ soabã yĩnga. Bala, rasem a tãabã daare, Sẽn-Ka-Saab na n siga Sinayi tãngã zug nebã fãa nifẽ.

Yikri 19:2

Bãmb sẽn yi Refidim, bãmb taa Sinayi we-raoogã pʋgẽ n tilg b tãb-sikã we-raoogẽ wã. Israyɛll nebã tilga b tãb-sikã beenẽ, n tees tãngã.

Yikri 19:3

A Moyiis rʋʋ tãngã n kẽng Wẽnnaam nengẽ. La Sẽn-Ka-Saab zĩnda tãngã zug n bool a Moyiis n yeele: «Ad bũmb ning fo sẽn na n togs a Zakoob buudã. Ad fo sẽn na n wilg Israyɛll yagensã bũmb ninga:

Yikri 2:16

Madiyã tẽng maan-kʋʋdã rag n tara kom-pugli a yopoe. La bãmb waame n na n toog koom n ning kogendẽ wã n yũnug b ba wã rũmsi.

Yikri 2:18

Bãmb sẽn lebg n kẽng b ba a Rehuwɛll nengẽ, yẽnda soka bãmb yaa: «Maana a wãn tɩ yãmb lebg n wat tao-tao a woto rũndã?»

Yikri 2:21

A Moyiis sakame n na n zĩnd rao-kãng yirã. La a Rehuwɛll rɩka a bi-pugl a Sefoora n kõ-a t'a maan a paga.

Yikri 24:13

Dẽ, a Moyiis ne yẽnda sõangd a Zozoe yikame n dʋ Wẽnnaam tãngã zugu.

Yikri 3:12

Wẽnnaam yeelame: «Mam na n zĩnda ne foom. La ad bãnd ning sẽn na n kɩt tɩ fo bãng tɩ yaa maam n tʋm foom. Fo sã n tõog n tall nebã n yi Ezɩpt soolmẽ wã, bɩ y waoog Wẽnnaam tãn-kãngã zugu.»

Yikri 3:5

Dẽ, Wẽnnaam yeelame yaa: «Da kolg ka ye. Piid f neooda wã, bala, zĩig ning fo sẽn yɛsã yaa zĩig sẽn welg toore.»

Yikri 33:6

Dẽ, sẽn sɩng ne bãmb sẽn be Hoorɛɛb tãngã, Israyɛll nebã yiisa b fan-teedã.

Yikri 4:18

Dẽ, a Moyiis yii zĩ-kãng n kẽng a rɛɛmb a Zetro nengẽ n tɩ yeel-a yaa: «M kota sor n kuil m ba-biisã sẽn be Ezɩptã nengẽ n tɩ ges b sã n ket n vɩɩme.» La a Zetro yeela a Moyiisi: «Kẽng ne bãane!»

Yikri 4:27

Sẽn-Ka-Saab yeela a Aarõ yaa: «Kẽng n tɩ seg a Moyiis we-raoogã pʋgẽ.» Dẽ, a Aarõ kẽngame n tɩ seg a Moyiis Wẽnnaam tãngã zugu, n mok-a.

A Amoose 1:1

Woto yaa a Amoos koeese. Yẽnda yaa Tekoa tẽng rũm-gʋʋnd a yembre. Wẽnnaam vẽnega yẽnda ne bũmb toay-toay sẽn kẽed ne Israyɛll wɛɛngẽ, Zʋʋda rĩm a Oozɩyaas wakate, la a Zoaas biig a Zeroboaam sẽn yaa Israyɛll rĩmã wakate, yʋʋm a yiib sẽn deng tẽn-digimdgã.

Sõadga 10:29

A Moyiis yeela a rɛɛmb a Rehuyɛll sẽn yit Madiyã wã biig a Obaab yaa: «Tõnd dabda tẽng ning Sẽn-Ka-Saab sẽn dag n kãab n yeel tɩ b na n kõ-d lame wã pʋgẽ. Dẽ wã, wa tũ tõndo, tɩ d na n kɩtame tɩ f naag tõnd n paam maan-neer ning Sẽn-Ka-Saab sẽn dag n kãab Israyɛll nebã.»

Sõadga 10:33

Dẽ, Israyɛll nebã yii Sẽn-Ka-Saab tãngẽ wã, la b kẽna rasem a tãab kẽnde. La Sẽn-Ka-Saab kaoolã koglgã rag n bee bãmb taoore, n na n bao sik zĩig n kõ-ba.

A Luk Sõng 2:8

La tẽn-kãng pʋgẽ, pe-kɩɩmb n dag n be we-kɛɛng ne yʋng n gũud b piisi.

Tʋʋma 7:30

La yʋʋm pis-naas rẽ zugẽ, malɛɛk puka a meng ne a Moyiis tuug sẽn wit bugum pʋgẽ weoog sẽn pẽ Sinayi tãngã.

Yaoolem 1:2

Fo sã n yi Orɛɛbe, n dɩk Seyɩɩr soolmã sẽn be tãms sʋkã sor n dat Kadɛɛs-Barneya, fo na n kẽna rasem piig la a yembre.

Yaoolem 1:6

«Sẽn-Ka-Saab sẽn yaa tõnd Wẽnnaamã goma ne tõnd Horɛɛb tãngã zug n yeele: Yãmb kaoosa tãn-kãngã sɛɛgẽ wʋsgo.

Yaoolem 4:10

daar ning yãmb sẽn yals Sẽn-Ka-Saab sẽn yaa yãmb Wẽnnaamã taoor Horɛɛb tãngã sɛɛgã, Sẽn-Ka-Saab yeela maam yaa: «Tigim nebã f nengẽ. Mam dat n togsa bãmb mam koɛɛgã, tɩ b zãms tɩ zoe wakat ning fãa bãmb sẽn be dũniyã zugã, la b rɩk-a n zãms b kom-dibli wã.»

Bʋ-kaoodba 4:11

Kɛn ned a Hebɛɛr sẽn yaa a Moyiis rɛɛmb a Hobaab biigã rag n welgame n bas Kɛɛb nebã n tɩ tilg a fu-roogã Sanayim tɩ-kãsengã sɛɛgẽ, n pẽneg Kedɛɛse.

1 Sãmwɛlle 16:11

La a Sãmwɛll soka a Izayi yaa: «Yaa yãmb kom-dibli wã tɛk la woto bɩ?» La yẽnda leokame: «Yao-zʋʋgã bal n kete, la a gũuda piisi.» La a Sãmwɛll yeela a Izayi yaa: «Tʋm tɩ b tɩ tall-a n wa, bala, tõnd ka na n tol n zĩndi, sã n ka yẽnda n wa ye.»