Yikri 29:7 - WẼNNAAM SEBRE 2014

⁷ La f rɩk welgrã kaam n pʋdg a zugu. Yaa woto la fo na n ning yẽnda zug kaam n welg-a toore.

SEBR SÕNGO

⁷ Dɩk kaama marsã n daag a zugu n maneg n sõoge.

Yikri 29:7 Iomraidhean Croise

Yɩɩn‑sõamyã 133:2

A yaa wa kaam sẽn tar yũ-noogo, b sẽn dɩk n sudgd maan-kʋʋr kãsem a Aarõ zugu, tɩ sodgd n tat a toɛɛngã, n sigd n tat a fuugã loore.

Yɩɩn‑sõamyã 89:20

Daar a yembre, yãmb goma ne y nin-nongdsã vẽnegr pʋgẽ n yeele: Mam sõnga gãndaoog a yembre, mam waooga bi-bɩɩg a yembr nebã sʋka.

Yikri 28:41

Yeelg f kẽem a Aarõ ne a kom-dibli wã ne fu-kãense. La f pʋdg kaam bãmb zut n ning tʋʋmdã bãmb zutu, n welg bãmb toor tɩ b maan maan-kʋʋr tʋʋmd mam taoore.

Yikri 40:13

La f sã n so bãmb koomã n sɛ, bɩ f yeelg a Aarõ a fut sẽn welg toorã, n pʋdg a zug kaam, n welg-a toor t'a maan maan-kʋʋr tʋʋmd mam taoore.

A Ezayi 61:1

Sẽn-Ka-Saab Sɩɩgã bee mam zugu, bala, Sẽn-Ka-Saab yãka maam. Bãmb tʋma maam tɩ m togs koe-noogã naong-rãmba, la m bels sũ-sãang-rãmbã, tɩ m togs b sẽn balg b rãmbã fãagr koɛɛga, la m togs sẽn be-b bi-bees roogã tɩ b na n paama yolsgo.

Maan‑kʋʋre 10:7

Bɩ yãmb ra serg n bas sɛk roogã noor ye. Sã n ka rẽ, yãmb na n kiime. Bala, Sẽn-Ka-Saab kaamã b sẽn pʋdg maan-kʋʋdbã zutã pʋdga yãmb zugu. Bãmb maana wa a Moyiis sẽn dag n yeelã.»

Maan‑kʋʋre 21:10

Maan-kʋʋd ning b sẽn pʋdg a zug kaam n dogl-a maan-kʋʋr tʋʋmdã, la b yeelg-a fu-welgdsã n kɩt t'a yaa a saam-biisã kãsmã ka tog n zũndg a zoobdo, la a ka tog n pãrs a fut me ye.

Maan‑kʋʋre 21:12

Maan-kʋʋr kãsmã ka tog n yi sɛk roogã pʋg ye, la a ka tog n paoog yẽnda Wẽnnaamã sɛk roogã ye. Bala, b pʋdga yẽnda zug ne a Wẽnnaamã nug-tikr kaam n welg-a toore. Mam yaa Sẽn-Ka-Saabo.

Maan‑kʋʋre 7:35

Yaa bõn-kãng n na n yɩ a Aarõ ne a kom-dibli wã pʋɩɩre, maoong sẽn yõogd bugum Sẽn-Ka-Saab taoorã zugu. La yaa sẽn sɩng ne daar ning bãmb sẽn lebg maan-kʋʋdb n sɩng b maan-kʋʋr tʋʋmd Sẽn-Ka-Saab yĩngã.› »

Zakari 4:14

Dẽ, a yeela maam yaa: «Bãmb yaa neb a yiib nins b sẽn pʋdg ka-paalgã b zutã, bãmb yasa dũni gill soaalã taoore.»

Sõadga 35:25

Bɩ Israyɛll nebã kogl sẽn kʋ-a a to ne yĩdgã, n sõng-a t'a põs ned ning sẽn dat-a n dok kiidã sũurã. B tog n kɩtame tɩ sẽn kʋ-a a to ne yĩdgã lebg n leb weem-tẽng ning pʋg yẽnda sẽn dag n zoe n tɩ soondã pʋgẽ. La yẽnda tog n paa be hal n tãag maan-kʋʋr kãsem ning b sẽn pʋdg a soab zug kaamã kũum.

A Zã Sõng 3:34

Soab ning Wẽnnaam sẽn tʋmã togsda Wẽnnaam goamã, bala, Wẽnnaam kõta a soab bãmb Sɩɩgã tɩ seke.

1 Zã 2:27

La ne yãmba, Sɩɩg-sõng ning yãmb sẽn deeg bãmb nengẽ wã bee yãmb pʋse, la yãmb ka baood tɩ b zãms yãmb ye. La wa bãmb Sɩɩgã sẽn zãmsd yãmb bũmb fãa wã, tɩ yaa sɩdã, la ka zĩrẽ wã, woto me, bɩ y pa ne Kiris wa Sɩɩg-sõng sẽn zãms yãmb to-to wã.