Yikri 29:18 - WẼNNAAM SEBRE 2014

¹⁸ n yõog pe-raoogã b sẽn beesã fãa ne bugum tẽn-kugrã zugu. Yaa maoong sẽn yõogd bugum Sẽn-Ka-Saab yĩnga, n tar yũ-noogo. Yaa kũun b sẽn yõogd bugum zãng Sẽn-Ka-Saab yĩnga.

SEBR SÕNGO

¹⁸ Yõog-b zãng maan-kugra zugu tɩ yaa yũ-noog maoongo sẽn na n sigs Soaala-Wẽnd sũuri. Yaa maoong sẽn yõog bãmb waoogr yĩnga.

Yikri 29:18 Iomraidhean Croise

Sɩngrẽ 22:13

La a Abrahaam sẽn zẽk a nengã, a yãnda pe-raoog sẽn be yẽnda poorẽ wã, t'a yɩɩlã gaag kãgre, la a Abrahaam kẽngame n tɩ yõk-a n wa maan maoong n yõog bugum n ledg a biig a Izak zĩigẽ.

Sɩngrẽ 22:2

Dẽ, Wẽnnaam yeela yẽnda yaa: «Ade, rɩk f biigã, fo bi-ribl-yendã, a Izak fo sẽn nongã, n kẽng Moriiza, la f sã n ta beenẽ, bɩ f rɩk-a n maan maoong sẽn yõogd bugum tãng ning mam sẽn na n wilg foomã zugu.»

Sɩngrẽ 22:7

La a Izak yeela a ba a Abrahaam yaa: «M baaba!» T'a Abrahaam sak tɩ m biiga yaa a wãna. T'a Izak yeele: «Bugmã yẽ la woto wɛ, raadã me la woto, la pesgã sẽn na n maan maoong sẽn yõogd bugmã bee yɛɛnẽ?»

Sɩngrẽ 8:20

A Nowe mee tẽn-kugr Sẽn-Ka-Saab yĩnga. A Nowe yãka rũm-sõama wã buud fãa, la bõn-yɩgdɩ nins fãa sẽn yaa sõama wã, n kʋ n maan maoong sẽn yõogd bugum tẽn-kugrã zug Sẽn-Ka-Saab yĩnga.

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

1 Rĩm-dãmbã 18:38

Dẽ, Sẽn-Ka-Saab bugmã sigame n dɩ maoongã ne raadã la kugã, ne tomã, la a fõog koomã sẽn dag n pid bokã.

1 Rĩm-dãmbã 3:4

Rĩm a Salmo kẽnga Gabawõ n na n tɩ maan maoongo, bala yaa beenẽ n yaa maoong kʋʋb zĩisã zĩ-kãseng n yɩɩda. La beenẽ, rĩm a Salmo maana maand tusr sẽn yõogd bugum tẽn-kugrã zugu.

Yɩɩn‑sõamyã 50:8

Ka fo maandã yĩng la m sẽn lengd-fã ye. Fo maanda maoong sẽn yõogd bugum mam taoor wakat fãa.

Yikri 29:17

La f bees pe-raoogã n pek a pʋ-teedã ne a naoã n ning bãmb ne a nemsã ne a zugã tẽn-kugrã zug

Yikri 29:25

Dẽ, bɩ f reeg bõn-kãens b nusẽ wã, n yõog bugum tẽn-kugrã zugu. Yaa maoong sẽn yõogd bugum Sẽn-Ka-Saab yĩnga, n tar yũ-noogo. Yaa kũun b sẽn yõogd bugum zãng Sẽn-Ka-Saab yĩnga.

A Ezayi 1:11

Sẽn-Ka-Saab yetame: «Mam toog ka be ne yãmb maandã waooglem ye?» Mam ya n tɩga yãmb pe-raad maand sẽn yõogd bugmã ne y rũm-bɛdã kaamã. Yãmb lolsã ne y pe-bi wã la y boeesã zɩɩm ka noogd mam sũur ye.

Zeremi 6:20

Wisd sẽn yit Seba yõod ne maam yaa bõe? Parfẽ sẽn yit zĩ-zãrsẽ yõod ne maam yaa bõe? Mam ka na n deeg y maand sẽn yõogd bugmã ye. Y maandã ka noom maam ye.

Maan‑kʋʋre 1:17

Bɩ a gãd a pɩgsã, n pãrg-a, la a ra fãsg-a ye. La maan-kʋʋdã na n deeg-a lame n dogl raadã b sẽn yõgen bugum tẽn-kugrã zugã zugu. Rẽndã na n yɩɩ maoong sẽn yõogd bugum, n yaa kũun b sẽn yõog bugum, t'a yũug yɩ noog Sẽn-Ka-Saab yĩnga.

Maan‑kʋʋre 1:9

La bɩ yẽnda pegs a pʋ-teedã ne a naoã ne koom, n kɩt tɩ maan-kʋʋdã yõog a fãa bugum tẽn-kugrã zugu. Rẽnda na n yɩɩ maoong sẽn yõogd bugum, yaa kũun b sẽn yõog bugum, t'a yũugã yɩ noog Sẽn-Ka-Saab yĩnga.

Maan‑kʋʋre 4:31

La bɩ a yãk rũngã kaam, wa b sẽn yãkd zems-n-taar maoongã rũng kaam to-to wã, n yõog bugum tẽn-kugrã zugu. La bõn-kãng na n yɩɩ yũ-noog Sẽn-Ka-Saab yĩnga. Yaa woto la maan-kʋʋdã na maan nin-kãng kongrã yĩnga, la a na n paama a kongrã sugri.

Maan‑kʋʋre 8:21

A Moyiis peka pe-raoogã pʋ-teedã ne a karsã ne koom, la a rɩk pe-raoogã tõr n yõog bugum tẽn-kugrã zugu. Rẽndã yɩɩ maoong sẽn yõogd bugum, t'a yũugã yaa noog Sẽn-Ka-Saab yĩnga, tɩ yɩ wa Sẽn-Ka-Saab sẽn dag n yeel a Moyiisã.

Maan‑kʋʋre 9:24

La bugum yii Sẽn-Ka-Saab nengẽ n dɩ maoongã ne kaamã sẽn be tẽn-kugrã zugã. La nebã fãa sẽn yãnd woto, b kaasa ne sũ-noog n wõgemd n fõgen b nens tẽnga.

A Mark Sõng 12:33

la tɩ nong bãmb ne f sũur fãa la f yam fãa la f pãng fãa, la tɩ nong f to wa f menga, a yɩɩda maand sẽn yõogd bugum la maand a taabã fãa.»

Efɛɛz Rãmba 5:2

la y kẽn nonglem pʋga, wa Kiris me sẽn nong tõndo, n kõ b meng tõnd yĩng tɩ yɩ kũun la maoong sẽn yaa wa kaam sẽn tar yũ-noog n tat Wẽnnaam yam.

Filip rãmba 4:18

Mam deega fãa la m tara wʋsgo. Mam sẽn deeg bũmb nins yãmb sẽn tʋm a Epafordit t'a kõ maamã, mam tarame tɩ sek n gɩmbe. Kũun-kãens yaa wa kaam sẽn tar yũ-noogo, la maoong Wẽnnaam sẽn deegda la sẽn tat bãmb yam.

1 Sãmwɛlle 7:9

A Sãmwɛll dɩka pe-bil sẽn ket n yẽsemdẽ, n maan maoongo, n yõog-a fãa bugum Sẽn-Ka-Saab yĩnga. A Sãmwɛll kelmame n bool Sẽn-Ka-Saab Israyɛll nebã yĩnga, la Sẽn-Ka-Saab leoka a kosgã.