Yikri 28:6 - WẼNNAAM SEBRE 2014

⁶ «Bɩ b maan maan-kʋʋr kãsem fuug sẽn wʋg ne sãnem gĩsi, la gĩs sẽn yaa miuug masɩ, la sẽn yaa kẽeg haoo, ne gĩs-moaama la gĩs-miidu, ne lamd gĩs-bãanegã, tʋʋm-mitbã sẽn maandã.

SEBR SÕNGO

⁶ Yaa sʋls sẽn mi b tʋʋmde n na n wʋg sãnem-pɛ-m-poorã. Wʋgd-a-la ne sãnem, ne gĩs mismiidu, gĩs miidu, gĩs moam yʋs, ne beren-dɩgr gĩs peels sẽn dĩng tɩ kẽ. Yɩta tʋʋmd mit n na n tʋm-a.

Yikri 28:6 Iomraidhean Croise

Yikri 25:4

ne gĩs sẽn yaa kẽeg haoo la gĩs-moaama, ne gĩs-miidu, la lamd gĩs-bãanega, ne gĩs sẽn maan ne bʋʋs kõbdo,

Yikri 25:7

la onigs kuga, ne kug a taab sẽn na n ning maan-kʋʋr kãsem fuugã, la yãoog lutgã.

Yikri 26:1

«Maan sɛk roogã ne pɛɛl piig sẽn wʋg ne lamd gĩs-bãaneg sẽn yaa kẽeg haoo la gĩs-moaam ne gĩs-miidu, n gʋl serubẽ-rãmb naand pɛɛlã zutu.

Yikri 28:7

B tog n ninga bãg-tabd a yiib a zĩis a yiibã, n tong fuugã taoor ne a poorẽ.

Yikri 29:5

La f rɩk futã n yeelg a Aarõ. Yeelg yẽnda maan-kʋʋr fuugã fu-bilã, la maan-kʋʋr fuugã, ne yãoog lutgã, n dɩk maan-kʋʋr fuugã sẽbdg n sẽbg n naag ne a mengã.

A Ooze 3:4

Bala, Israyɛll nebã na n kaoosame n ka paam dĩma, wall naaba, wall maoongo, wall kug-vigindga, wall maan-kʋʋr fuugu, wall bõn-naandg ye.

Maan‑kʋʋre 8:7

La a rɩka fuugã n yeelg a Aarõ, la a rɩk sẽbdg n sẽbg a Aarõ sɛɛgã. A Moyiis yeelg-a-la fu-wokã, la a ning-a yãoog lilldgã, la a naag-a n loe ne yãoog lilldgã sẽbdg a poorẽ wã.

Bʋ-kaoodba 8:27

A Zedyõ talla sãnemã n maan bõn-naandg n tɩ ning a meng tẽngã pʋgẽ Ofra, la Israyɛll nebã fãa rag n kẽnda beenẽ n waoogd bõn-naandgã. Dẽ, bõn-naan-kãng lebga bẽdg Israyɛll nebã fãa yĩnga, la a Zedyõ ne a yirã rãmb me yĩnga.

1 Sãmwɛlle 23:6

A Ayimelɛk biig a Abiyataar sẽn wa n zoet n dabd a Davɩɩd nengẽ Keyila wã t'a rag n zãada maan-kʋʋr kãsem fuugã.

1 Sãmwɛlle 30:7

Yẽnda yeela a Ayimelɛk biig a Abiyataar sẽn yaa maan-kʋʋdã yaa: «M kotame tɩ f tall maan-kʋʋr kãsem fuugã n wa.» La a Abiyataar tall-a lame n wa kɩs a Davɩɩde.