Yikri 28:43 - WẼNNAAM SEBRE 2014

⁴³ A Aarõ ne a kom-dibli wã sã n wa na n kẽ sɛk roogã pʋgẽ, wall b sã n wa na n kolg tẽn-kugrã n maan sɛk zĩigã tʋʋmde, b tog n sẽgna kur-bãmba, tɩ yel-wẽnã ra zĩnd bãmb zut tɩ b wa ki ye. Bõn-kãng na n yɩɩ no-tũudg sẽn ka sɛta, a Aarõ ne a yagensã sẽn na n pʋgl yẽnda wã yĩnga.»

SEBR SÕNGO

⁴³ A Aarõ ne a kamb na n yeelga boto b tʋʋmda wakato, woto me b kõn kolg b zaal maan-kugra ye; ka rẽ b na maan bũmb sẽn ya wẽnga n sek b kũum. Woto yaa noor sẽn kõn teem abada, a Aarõ ne a yagensa yĩnga.»

Yikri 28:43 Iomraidhean Croise

Yikri 20:26

Bɩ y ra maan mam tẽn-kugrã tɩ yaa tɩlɛ tɩ b tũud rʋʋdg n dʋʋd a zug ye, tɩ b ra wa yãnd yãmb zaalã ye.»

Yikri 27:21

Yaa sɛk roogã pʋgẽ, zĩig ning sẽn ka ta fuug sẽn lillid kaset koglgã, la bɩ a Aarõ ne a kom-dibli wã ges fɩtl-dãmbã yelle, tɩ b wid Sẽn-Ka-Saab taoor zaabr tɩ ta yibeoogo. Yõwã na n yɩɩ no-tũudg sẽn ka sɛta, Israyɛll yagensã zamaan fãa yĩnga.»

Yikri 30:21

bɩ b nudg b nusi, la b waas b naoã, n da wa ki ye. A na n yɩɩ no-tũudg sẽn ka sɛta, a Aarõ ne a yagensã yĩnga, zamaan woo zamaane.»

Ezekiyɛl 44:17

Bãmb sã n wa ta pʋgẽ zakã rignoyẽ, bãmb na n yeelga b fut nins sẽn wʋg ne lamd gĩs-bãanegã. B ka tog n yeelg fuug ba a yembr sẽn wʋg ne pe-kõbd ye. Bãmb ka tog n kẽ zakã pʋga, wall Wẽnd doogã pʋg ne fuug sẽn wʋg ne pe-kõbd ye.

Maan‑kʋʋre 16:13

A tog n yãka wisdã n ning bugmã zug Sẽn-Ka-Saab taoore, tɩ wisdã bug-zõos lud bas-taal zĩigã sẽn be koglgã limdã zugã. Woto, yẽnda ka na ki ye.

Maan‑kʋʋre 17:7

Israyɛll nebã ka tog n leb n maan b maoongã tẽn-kugã sẽn yaa boeesã zutu, bõn-kãng yaa wa yoobo. Yõwã na n yɩɩ no-tũudg sẽn ka sɛta, bãmb ne b yagensã yĩnga.

Maan‑kʋʋre 22:15

Maan-kʋʋdbã ka tog n maan yaar ne nebã kũun sẽn welg toorã bãmb sẽn yãk n na n kõ Sẽn-Ka-Saabã ye.

Maan‑kʋʋre 22:9

Bãmb tog n gũusa neer n sak mam tõogã n da wa paoog-a, tɩ yel-wẽnd lʋɩ b zug n kɩt tɩ b ki ye. Mam yaa Sẽn-Ka-Saab sẽn welg bãmb toore.

Maan‑kʋʋre 3:17

Woto yaa no-tũudg sẽn ka sɛta, yãmb yagensã fãa yĩnga, la yãmb sẽn na n zĩnd zĩig ning fãa, bɩ y ra rɩ rũng kaam, la y ra rɩ zɩɩm ye.

Maan‑kʋʋre 5:1

Ned tʋbr sã n wʋm yelle, wall a nif sã n yãnd tɩ ned n maan yelle, la yẽnda sã n wʋm tɩ b kotame tɩ b wa kɩs yellã kaseto, t'a ka kẽng n tɩ kɩs kasetã, yẽnda maana yel-wẽnde.

Maan‑kʋʋre 5:17

Ned sã n maan bũmb sẽn ka zemse, n kɩɩs Sẽn-Ka-Saab tõogã, baa sã n yaa ne yĩdgu, yẽnda na n yɩɩ bɛɛgda, la yellã bee a meng zugu.

Sõadga 15:15

Tõodã na n yɩɩ bũmb a yembr nebã fãa yĩnga, sã n yaa yãmb sẽn yaa Israyɛll nebã, wall sãamb nins sẽn be-b yãmb sʋkã. La no-tũudg sẽn ka sɛta, yãmb yagensã fãa yĩnga. Sẽn-Ka-Saab taoore, welgr ka be Israyɛll nebã ne sãambã sʋkã ye.

Sõadga 18:22

Bɩ Israyɛll buudã neb a taabã ra kolg sɛk roogã, n wa beeg maam n ki ye.

Sõadga 18:32

Yãmb sã n wa n yãk pʋɩɩr ning sẽn yaa sõamã wã n kõ maam n sɛ, yãmb tõe n dɩɩ sẽn kellã, tɩ yell ka zĩnd yãmb zug ye. La yãmb ka na n ki ye.»

Sõadga 18:8

Sẽn-Ka-Saab yeela a Aarõ yaa: «Maam a Sẽn-Ka-Saab kõta foom noore, tɩ f get kũun nins fãa Israyɛll nebã sẽn na n talld n wat n kõt maamã yelle. Mam dɩkda kũun-kãens n kõt foom ne f kom-dibli wã, ne bũmb nins fãa Israyɛll nebã sẽn wat n kõtẽ wã, tɩ yɩ fo nug-tikr kaamã pʋɩɩre, la a yaa no-tũudg sẽn ka sɛta.»

Sõadga 9:13

La ned sã n zãgs n ka maan Pak tigrã, n yaool n yaa yɩlemde, la a ka tog sor me, bɩ b yiis a soab Israyɛll buudã sʋka. Bala, yẽnda sẽn ka wa ne kũun n wa kõ Sẽn-Ka-Saab wa sẽn zems wakat ning b sẽn yãkã, yẽnda beegame.