Yikri 28:41 - WẼNNAAM SEBRE 2014

⁴¹ Yeelg f kẽem a Aarõ ne a kom-dibli wã ne fu-kãense. La f pʋdg kaam bãmb zut n ning tʋʋmdã bãmb zutu, n welg bãmb toor tɩ b maan maan-kʋʋr tʋʋmd mam taoore.

SEBR SÕNGO

⁴¹ Kɩt tɩ f kẽema, a Aarõ ne a kamba ning-ba. Taag kaam b dĩiri tɩ b paam n sɩng b tʋʋmde. Welg-b toore n kõ maam tɩ b yɩ m maan-kʋʋdba.

Yikri 28:41 Iomraidhean Croise

Yikri 28:1

«Bool f kẽem a Aarõ ne a kom-dibli wã tɩ b yi Israyɛll nebã sʋk n wa fo nengẽ, n wa maan maan-kʋʋr tʋʋmd mam waoogr yĩnga. Yaa a Aarõ ne a kom-dibli wã, a Nadaabe, ne a Abihu la a Eleyazaar ne a Itamaare.»

Yikri 28:4

Ad fut nins bãmb sẽn na n maanã: yaa yãoog lutga, ne maan-kʋʋr kãsem fuugu, la fu-yor-bil ne fuug sẽn kãde, la zu-vindga, ne sẽbdga. Bɩ bãmb maan fut sẽn welg toor n kõ f kẽemã ne a kom-dibli wã tɩ b maand maan-kʋʋr tʋʋmd mam taoore.

Yikri 29:24

Rɩk bõn-kãens fãa n kɩs a Aarõ ne a kom-dibli wã, la f yuum bãmb Sẽn-Ka-Saab taoore.

Yikri 29:35

Maan a Aarõ ne a kom-dibli wã wa sẽn zems bũmb nins mam sẽn wilg foomã. Yaa rasem a yopoe tõr la fo na n dɩk maan-kʋʋr tʋʋmdã n ning bãmb zutu.

Yikri 29:7

La f rɩk welgrã kaam n pʋdg a zugu. Yaa woto la fo na n ning yẽnda zug kaam n welg-a toore.

Yikri 29:9

La f sẽbg a Aarõ ne a kom-dibli wã sẽbdse, n fõgen bãmb pugli. La maan-kʋʋrã tʋʋmd na n yɩɩ bãmb dẽnda, n yaa no-tũudg sẽn ka sɛta. Yaa woto la fo na n ning tʋʋmdã a Aarõ ne a kom-dibli wã zutu.

Yikri 30:35

Rɩk bõn-kãens n maan wisd sẽn tar yũ-noogo, wa sẽn maand-a parfẽ wã sẽn maand to-to wã. Maan-a t'a tar yamsem, n yaa sõama zãnga, n welg toore.

Yikri 40:13

La f sã n so bãmb koomã n sɛ, bɩ f yeelg a Aarõ a fut sẽn welg toorã, n pʋdg a zug kaam, n welg-a toor t'a maan maan-kʋʋr tʋʋmd mam taoore.

Yikri 40:15

La f pʋdg kaam bãmb zut wa fo sẽn dag n pʋdg bãmb ba wã zugã tɩ bãmb me yɩ maan-kʋʋdb mam taoore. La kaam ning sẽn pʋdg bãmb zutã na n kɩtame tɩ bãmb yagensã yɩ maan-kʋʋdb bãmb zamaanã fãa tɛka.»

A Ezayi 10:27

Badaare, bãmb na n sika b zɩɩbã n bas f bãgdã, la b yiis b yubl balgrã n bas f yublã. Fo na n nobame hal tɩ f yubl balgrã kaooge.»

A Ezayi 61:1

Sẽn-Ka-Saab Sɩɩgã bee mam zugu, bala, Sẽn-Ka-Saab yãka maam. Bãmb tʋma maam tɩ m togs koe-noogã naong-rãmba, la m bels sũ-sãang-rãmbã, tɩ m togs b sẽn balg b rãmbã fãagr koɛɛga, la m togs sẽn be-b bi-bees roogã tɩ b na n paama yolsgo.

Ezekiyɛl 43:26

Rasem a yopoe pʋgẽ, b na n yiisa yel-wẽnã tẽn-kugrã zugu, n yɩlg-a, la b welg-a toor mam yĩnga.

Maan‑kʋʋre 10:7

Bɩ yãmb ra serg n bas sɛk roogã noor ye. Sã n ka rẽ, yãmb na n kiime. Bala, Sẽn-Ka-Saab kaamã b sẽn pʋdg maan-kʋʋdbã zutã pʋdga yãmb zugu. Bãmb maana wa a Moyiis sẽn dag n yeelã.»

Maan‑kʋʋre 16:24

Yẽnda tog n kẽe zĩig b sẽn welg toorã pʋg n so koom, la a lebs a futã n yeelge, n yi n maan maoong sẽn yõogd bugum yẽnda mengã yĩnga, la a maan maoong sẽn yõogd bugum nebã yĩnga. Woto yaa sẽn na n yɩlg a meng la a yɩlg nebã me.

Sõadga 16:5

La Moyiis yeela a Koore ne a poorẽ dãmbã yaa: «Beoog yibeoogo, Sẽn-Ka-Saab na n kɩtame tɩ b bãng ned ning sẽn welg toor n yaa bãmb dẽnda, n kɩt t'a kolg bãmba, la yaa bãmb sẽn na n yãk a soabã n na n kolge.

Sõadga 3:3

Sẽn-Ka-Saab rag n welga bãmb toor tɩ b yɩ maan-kʋʋdba, la bãmb sɩnga b maan-kʋʋrã tʋʋmde.

A Zã Sõng 3:34

Soab ning Wẽnnaam sẽn tʋmã togsda Wẽnnaam goamã, bala, Wẽnnaam kõta a soab bãmb Sɩɩgã tɩ seke.

Ebre rãmba 5:4

Ned baa a yembr ka tõe n bao waoogr n yik n kẽes a meng maan-kʋʋr kãoseng tʋʋmd pʋgẽ ye. Yaa Wẽnnaam n boond a soaba, wa b sẽn bool a Aarõ mengã.

Ebre rãmba 7:28

Sɩd me, tõogã yãkda neb sẽn yaa pãn-komsem dãmb tɩ b yɩ maan-kʋʋd kãsem-dãmba. La wẽeneg ning sẽn be sẽn deng tõogã waoongã yãka Wẽnnaam Bi-riblã tɩ b yɩ maan-kʋʋd kãsma, la bãmb zemsa zãng wakat sẽn ka sɛta.

1 Zã 2:20

Yãmb mensã paamame tɩ soab ning sẽn welg-a toorã kõ yãmb b Sɩɩgã, la yãmb fãa tara bãngre.

1 Zã 2:27

La ne yãmba, Sɩɩg-sõng ning yãmb sẽn deeg bãmb nengẽ wã bee yãmb pʋse, la yãmb ka baood tɩ b zãms yãmb ye. La wa bãmb Sɩɩgã sẽn zãmsd yãmb bũmb fãa wã, tɩ yaa sɩdã, la ka zĩrẽ wã, woto me, bɩ y pa ne Kiris wa Sɩɩg-sõng sẽn zãms yãmb to-to wã.