Yikri 28:39 - WẼNNAAM SEBRE 2014

³⁹ Wʋg fuug ne lamd gĩs-bãanega, la f maan zu-vindg ne lamd gĩs-bãanega. La f wʋg sẽbdg sẽn kãde, t'a yaa neere.»

SEBR SÕNGO

³⁹ F na n wʋga fu-wok pɛɛlgã. F na n sẽe zu-vindga sẽn ya pɛɛlga, n paas sẽbdga — la rẽ fãa na n yɩɩ tʋʋm mit tʋʋmde.

Yikri 28:39 Iomraidhean Croise

Yɩɩn‑sõamyã 45:14

Rĩmã bi-pugl sẽn be na-yirã tara ziiri. Yẽnda futã maneg n nagsa ne sãnem.

Yikri 26:36

Maan fu-lillidg ne gĩs sẽn yaa miuug masɩ, la sẽn yaa kẽeg haoo, ne gĩs-moaama la gĩs-miidu, ne lamd gĩs-bãanegã, tʋʋm-mitbã sẽn maandã, fu-roogã noor yĩnga.

Yikri 27:16

Zakã noor fu-lillidgã yalem na n zemsa kãntɩɩg pisi, sẽn wʋg ne gĩs sẽn yaa miuug masɩ, la sẽn yaa kẽeg haoo, ne gĩs-moaama la gĩs-miidu, ne lamd gĩs-bãanegã, tʋʋm-mitbã sẽn maandã. B tog n ning-a-la ra-lugds a naas ne b nao a naase.

Yikri 28:4

Ad fut nins bãmb sẽn na n maanã: yaa yãoog lutga, ne maan-kʋʋr kãsem fuugu, la fu-yor-bil ne fuug sẽn kãde, la zu-vindga, ne sẽbdga. Bɩ bãmb maan fut sẽn welg toor n kõ f kẽemã ne a kom-dibli wã tɩ b maand maan-kʋʋr tʋʋmd mam taoore.

Yikri 29:5

La f rɩk futã n yeelg a Aarõ. Yeelg yẽnda maan-kʋʋr fuugã fu-bilã, la maan-kʋʋr fuugã, ne yãoog lutgã, n dɩk maan-kʋʋr fuugã sẽbdg n sẽbg n naag ne a mengã.

Yikri 29:6

La f vil a zugã ne zu-vindgã, la f fõgn-a pugl sẽn welg toorã n bʋʋg zu-vindgã.

Yikri 29:8

Yãmb sã n maan woto n sɛ, bɩ f tall a kom-dibli wã n wa n yeelg bãmb b fu-yerdã.

Yikri 39:27

B maana fu-yord me sẽn wʋg ne lamd gĩs-bãaneg a Aarõ ne a kom-dibli wã yĩnga.

Maan‑kʋʋre 16:4

Yẽnda tog n yeelga fu-yor-wɛlgdgã b sẽn wʋg ne lamd gĩs-bãanega, la a sẽgen lamd gĩs-bãanega, la a sẽbg sẽbdg b sẽn wʋg ne lamd gĩs-bãanega, la a vil a zug ne zu-vindg b sẽn wʋg ne lamd gĩs-bãanega. Bãmbã fãa yaa te-yerdɩ sẽn welg toore, la a tog n soo koom n yaool n yeelg-ba.

Maan‑kʋʋre 6:10

B ka tog n ning zomã rã-bɩll n yaool n dʋg-a ye. Bala, maand ning sẽn yõogd bugum mam yĩnga pʋga, rẽndã yaa pʋɩɩr mam sẽn kõ bãmba. Bõn-kãng na n yɩɩ bũmb sẽn welg toore. A na n yɩɩ wa kongr maoongã ne beegr maoongã sẽn yaa to-to wã.