Yikri 28:3 - WẼNNAAM SEBRE 2014

³ Gom ne tʋʋm-mitb nins fãa mam sẽn kõ yamã tɩ b maan a Aarõ futã tɩ b welg toore, yẽnda sẽn kʋʋd maand mam taoorã yĩnga.

SEBR SÕNGO

³ Bʋʋg sʋls niyns sẽn tʋmd b sõma n yɩɩdã, m sẽn kõ b rãmb yam sɩlengã, tɩ b wʋg a Aarõ yĩnga, fut a sẽn na n yeelg a maan-kʋʋra tõoga reegr daare la a sẽn na n yeelg n tʋm maan-kʋʋra tʋʋmde.

Yikri 28:3 Iomraidhean Croise

1 Rĩm-dãmbã 7:14

A Hiram ma wã rag n yaa pʋg-kõore, n yaa Neftali buudu. La a ba wã yaa Tɩɩr neda. A Hiram dag n yaa yõaka n mi zũud tʋʋmde, la a tara yam la minim ne bãngr wʋsgo. La a rag n tõe n talla zũud n maan bũmb wʋsgo. Rẽ kɩtame tɩ rĩm a Salmo tʋm tɩ b kẽng Tɩɩr n tɩ bool-a t'a wa tʋm zũudã tʋʋm fãa.

Yikri 35:10

Bɩ tʋʋm-mitb nins fãa sẽn be yãmb sʋkã maan bũmb nins fãa Sẽn-Ka-Saab sẽn yeelã.

Yikri 35:25

La pagb nins fãa sẽn mi wĩibã wĩi gĩs sẽn yaa kẽeg haoo ne gĩs-moaama la gĩs-miid ne lamd gĩs-bãaneg n tall n wa.

Yikri 35:30

A Moyiis yeela Israyɛll nebã yaa: «Ade, Sẽn-Ka-Saab yãka a Ʋʋr biig a Uuri biig a Betsaleyɛll sẽn yaa Zʋʋda buudã nedã.

Yikri 35:31

La bãmb pida yẽnda ne Wẽnnaam Sɩɩgã n kõ yẽnda yam ne yẽesem la bãngr t'a maan tʋʋmã buud fãa.

Yikri 35:35

Bãmb kõo bãmb yam tɩ b maan tʋʋmã buud fãa tɩ yɩ neere: Yaa kug peesg tʋʋmde, la sʋnd wʋgbo, la sẽn bokd peend tɩ yɩ gʋlma ne gĩs sẽn yaa kẽeg haoo la gĩs-moaam ne gĩs-miidu la lamd gĩs-bãanega. Yaa tʋʋm buud nins fãa tʋʋm-mit sẽn maandã.»

Yikri 36:1

A Betsaleyɛll ne a Oholiyaab la tʋʋm-mitb nins fãa Sẽn-Ka-Saab sẽn kõ yam la yẽesem tɩ b maan tʋʋmã fãa sɛk roogã yĩngã maana bũmb fãa wa Sẽn-Ka-Saab sẽn yeelã.

Yikri 36:2

A Moyiis boola a Betsaleyɛll ne a Oholiyaab ne tʋʋm-mitb nins fãa Sẽn-Ka-Saab sẽn kõ yamã sẽn dat n wa sɩng tʋʋmdã ne yamleoogã.

Yelbũna 2:6

Bala, yaa Sẽn-Ka-Saab n kõt yam, la bãngr ne yam-sõng yita bãmb noorẽ.

A Ezayi 11:2

Sẽn-Ka-Saab Sɩɩgã na n siga yẽnda zugu: yaa yam ne bãngr sɩɩga, la saglg ne raood sɩɩga, ne minim la Sẽn-Ka-Saab rabeem zoees sɩɩga.

Efɛɛz Rãmba 1:17

Mam pʋʋsdame n kot tõnd Zu-soab a Zeezi Kiris Wẽnnaamã sẽn yaa Ba sẽn tar ziirã tɩ b na kõ yãmb yam la vẽnegr sɩɩga, n kɩt tɩ y bãng bãmba.

Yaoolem 34:9

A Nun biig a Zozoe pida ne yam wʋsgo. Bala, a Moyiis rag n tika yẽnda ne a nusi. La Israyɛll nebã saka a Zozoe n maan wa Sẽn-Ka-Saab sẽn dag n yeel a Moyiisã.

Zake 1:17

Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.