Yikri 26:33 - WẼNNAAM SEBRE 2014

³³ Yagl fu-lillidgã sogdsã tẽngre, la f tall kaset koglgã n wa fu-lillidgã taoore. Fu-lilldgã tog n bee zĩig sẽn welg toorã ne zĩig sẽn welg toor n yɩɩdã sʋk yãmb yĩnga.

SEBR SÕNGO

³³ Peen-lilla loeta kaad-gõdsã. Yaa peen-lilla poore la f na n dɩgl kuga walsa sẽn be koglg ning pʋgã la peen-lillã a na welga sõmblem sẽn pid ne sõmblem zĩiga ne zĩis a taaba.

Yikri 26:33 Iomraidhean Croise

1 Rĩm-dãmbã 6:16

Dẽ, b maka kãntɩɩg pisi sẽn sɩng ne roogã yaanga, n bao sɛɛdr ra-pegd n pasg tɩ lebg ro-pʋga, la ra-pegdã tilga tẽng n zẽk n tãag lalgã zãntlem. La b boonda taoor do-kãng tɩ zĩig sẽn welg toor n yɩɩd fãa.

1 Rĩm-dãmbã 8:10

La maan-kʋʋdbã sẽn wa n yit zĩ-sõngẽ wã, sawaodg n wa n pid Sẽn-Ka-Saab roogã.

1 Rĩm-dãmbã 8:6

Dẽ, maan-kʋʋdbã talla Sẽn-Ka-Saab kaoolã koglgã n tɩ ning-a a zĩigẽ, ro-taoorã sẽn yaa zĩig sẽn welg toor n yɩɩdã pʋgẽ. La b rɩgl-a-la serubẽ-rãmbã pɩgs tẽngre.

2 Kibayã 3:8

La roogã pʋgẽ, yẽnda maana zĩig sẽn yaa zĩig sẽn welg toor n yɩɩd fãa, t'a woglmã rag n yaa kãntɩɩg pisi wa sẽn zems roogã yalmã, t'a yalmã rag n yaa kãntɩɩg pisi. La b bolga roogã pʋg gill fãa ne sãnem halaal talã tus-pisi.

Yikri 25:16

Ning kaset kug-wals nins mam sẽn na n kõ foomã koglgã pʋga.

Yikri 26:32

Bɩ f yagl-a akasiya ra-lugds a naas sẽn bolg ne sãnem la sẽn tar sãnem yagendsã zutu. Maan bãmb tɩ b rog wanzuri nao a naas zutu.

Yikri 27:10

Lugl da-lugds pisi zũud nao pisi wã zutu, n maan da-lugdsã yagends ne b bãensã ne wanzuri.

Yikri 27:21

Yaa sɛk roogã pʋgẽ, zĩig ning sẽn ka ta fuug sẽn lillid kaset koglgã, la bɩ a Aarõ ne a kom-dibli wã ges fɩtl-dãmbã yelle, tɩ b wid Sẽn-Ka-Saab taoor zaabr tɩ ta yibeoogo. Yõwã na n yɩɩ no-tũudg sẽn ka sɛta, Israyɛll yagensã zamaan fãa yĩnga.»

Yikri 36:36

B maana akasiya ra-lugds a naas a yĩnga, n bolg bãmb ne sãnem. Bãmb yagendsã yaa sãnem. La b maana wanzuri nao a naas b yĩnga.

Yikri 40:21

Dẽ, b talla koglgã n tɩ rɩgl sɛk roogã pʋga. La b yagl fu-lillidgã n lill kaset koglgã wa Sẽn-Ka-Saab sẽn dag n yeel a Moyiisã.

Yikri 40:3

La f rɩgl kaset koglgã be n yagl fu-lillidgã n lill koglgã.

Ezekiyɛl 41:4

Yẽnda maka roogã meng woglem n mik t'a yaa kãntɩɩg pisi, t'a yalmã yaa kãntɩɩg pisi. La raoã yeela maam tɩ ro-taoorã yaa zĩig sẽn welg toor n yɩɩd fãa.

Maan‑kʋʋre 16:2

Sẽn-Ka-Saab yeela a Moyiis yaa: «Yeel f kẽem a Aarõ t'a ra n kẽed sɛk roogã pʋg wakat fãa ye, t'a ra lɩk fu-lillidgã sẽn be kaset koglgã sɛɛgã ye. Sẽn na n yɩlẽ t'a ra wa ki ye. Bala, mam na n puka m meng sawadg pʋg bas-taal koglgã zugu.