Yikri 25:10 - WẼNNAAM SEBRE 2014

¹⁰ «Bɩ bãmb maan koglg ne akasiya raado. A woglmã na n yɩɩ kãntɩɩg a yiib la pʋɩ-sʋka, la a yalmã na n yɩɩ kãntɩɩg la pʋɩ-sʋka, la a zãntlmã na n yɩɩ kãntɩɩg la pʋɩ-sʋka.

SEBR SÕNGO

¹⁰ B na n peesa gõ-miiga n maan koglgo. Koglga woglem na n yɩɩ kãntɩɩs a yi la pʋɩ-sʋka, a yalma kãntɩɩg la pʋɩ-sʋka, a zãndlem kãntɩɩg la pʋɩ-sʋka.

Yikri 25:10 Iomraidhean Croise

2 Kibayã 8:11

Rĩm a Salmo peega Faarõ bi-puglã sẽn yaa a pagã n yiis a Davɩɩd tẽngã pʋgẽ, n tɩ kẽes-a roog ning yẽnda sẽn me n kõ-a wã pʋga. Bala, yẽnda rag n yetame tɩ rẽndã yĩng ka tog n kɩt tɩ pag zĩnd Israyɛll rĩm a Davɩɩd na-zakẽ wã ye. Bala, zĩig ning Sẽn-Ka-Saab kaoolã koglg sẽn zĩndẽ wã welga toore.

Yikri 31:7

Bɩ bãmb maan sɛk roogã ne kaset koglgã la a limdã sẽn boond tɩ bas-taal zĩigã, ne fu-roogã teed fãa,

Yikri 35:12

la kãoobg koglgã ne a ra-bɩlmã, la bas-taal zĩigã ne fu-lillidgã,

Yikri 39:32

Yaa woto la b maan fu-roogã sẽn yaa sɛk roogã tʋʋmã n sɛ. Israyɛll nebã maana bũmb fãa tɩ zems wa Sẽn-Ka-Saab sẽn dag n yeel a Moyiisã. Bãmb maana woto bala.

Sõadga 3:31

A Kehat yagensã n da get kaoolã koglgã yelle, la b get taablã, ne fɩtl doagendgã, la tẽn-kug a yiibã, ne lagd nins fãa b sẽn tar n tʋmd zĩig sẽn welg toor n yɩɩdã pʋgẽ tʋʋmã, n paas ne peen-lillã sẽn lill zĩig sẽn welg toor n yɩɩdã sɛk roogã pʋgã, ne a teed a taabã fãa yelle.

Sõadga 4:5

Israyɛll nebã sã n wa na n looge, bɩ a Aarõ ne a kom-dibli wã yak peen-lillã sẽn lill zĩig sẽn welg toor n yɩɩdã sɛk roogã pʋgã, n dɩk-a n pil kaoolã koglgã, kaoolã kug-wals sẽn be a pʋgẽ wã.

Sõadga 4:6

La bãmb na n dɩka gãn-taokã, n lud koglgã zugu, la b rɩk peend sẽn wʋg ne gĩs-kẽeg haoo, n tẽeg n pil a fãa. La b rɩk ra-bɩlmã n tui a tuiidsẽ wã, tɩ b tõe n dɩk-a.

Ebre rãmba 9:4

Tɩdar yõogr zĩig sẽn yaa sãnem ne kaoolã koglg sẽn lud zãng ne sãnem, tɩ sãnem tʋkã mandã sẽn be a pʋgẽ wã, n paas a Aarõ rasaar ning sẽn da ning-a puudã, la kaoolã kug-wals be a pʋgẽ wã bee be.

Vẽnegre 11:19

B paka Wẽnnaam doogã sẽn be arzãnã, la b yãnda Wẽnnaam kãabg koglgã b roogã pʋga. Sa-yãgbo, la koeese, la sa-kelemse, la tẽn-digimdg ne sapɩlem wʋsg zĩndame.