Yikri 24:3 - WẼNNAAM SEBRE 2014

³ A Moyiis kẽngame n tɩ togs nebã Sẽn-Ka-Saab goamã fãa la bãmb noyã fãa. La nebã fãa naaga taab n leok n yeele: «Tõnd na n maana bũmb nins fãa Sẽn-Ka-Saab sẽn yeelã.»

SEBR SÕNGO

³ A Moyiiz waa n lɛɛg n sigame, n wilg neba Soaala-Wẽnd koeesã la bũmb ning fãa sẽn na n lebg modgre tɩ b tũ; neba naaga taab n leoke: «Soaala-Wẽnd sẽn yiis noy niyns fãa tõnd na reege.»

Yikri 24:3 Iomraidhean Croise

2 Kibayã 15:14

Dẽ, bãmb wẽena ne Sẽn-Ka-Saab n zẽk b koeesã n kaase, la b wẽ nug poak n peeb bard ne tãntãado,

2 Kibayã 15:15

la Zʋʋda nebã fãa maana sũ-noog ne wẽen-kãnga. La bãmb wẽenegã sẽn dag n yaa ne b sũur fãa, la tɩ b baood Sẽn-Ka-Saab ne b sũur fãa wã yĩng kɩtame tɩ Sẽn-Ka-Saab bas tɩ b yãnd bãmba, la Sẽn-Ka-Saab kɩtame tɩ b paam vɩ-bãan ne b yagsã fãa.

Yɩɩn‑sõamyã 50:5

Tigm-y mam nebã n kõ-ma, sẽn maan-b maoong n wilg tɩ b na n saka mam kaoolã!

Yikri 19:8

La nebã fãa lagma taab n yeele: «Tõnd na n maana bũmb nins fãa Sẽn-Ka-Saab sẽn yeelã.» La a Moyiis rɩka nebã goamã n taas Sẽn-Ka-Saabo.

Yikri 24:2

Bɩ a Moyiis bal kolg Sẽn-Ka-Saabo. La bɩ neb a taabã ra kolg ye, la bɩ b ra tũ yẽnda n dʋ tãngã ye.»

Yikri 24:7

Rẽ, yẽnda rɩka kaoolã sebr n karem tɩ nebã kelge. La nebã yeelame: «Tõnd na n sak n maana bũmb nins fãa Sẽn-Ka-Saab sẽn yeel tõndã.»

Zeremi 11:4

Yaa kaool ning mam sẽn maan ne y yaab-rãmbã daar ning mam sẽn yiis bãmb Ezɩpt tẽngã sẽn dag n yaa toog wa kut boaagã. Mam yeela bãmb tɩ b kelg maam, la b maan bũmb nins fãa mam sẽn yeel-bã. Woto, bãmb na n yɩɩ mam nebã, la mam na n yɩɩ bãmb Wẽnnaam.

Zeremi 34:13

«Maam a Sẽn-Ka-Saab sẽn yaa Israyɛll Wẽnnaamã yetame: ‹Mam maana kaool ne yãmb yaab-rãmbã daar ning mam sẽn yiis bãmb yembdã pʋg Ezɩpt tẽngã, n yeel-b yaa:

A Aaze 2:5

Yãmb sẽn wa n yit Ezɩpt tẽngã, mam kõo yãmb m gomdã ne m sɩɩgã sẽn be yãmb sʋkã. Da zoe-y rabeem ye!»

Malasi 2:10

Rẽ yĩnga, tõnd fãa ka ba a yembr la? Ka Wẽnnaam a yembr n naan tõnd fãa la? La yaa bõe tɩ d zãmbd taab n sãamd kaool ning Wẽnnaam sẽn maan ne d yaab-rãmbã?

Yaoolem 11:1

Yãmb na n nonga Sẽn-Ka-Saab sẽn yaa yãmb Wẽnnaamã, n sak bãmb no-tũudsã ne b noyã la b tõodã daar fãa.

Yaoolem 4:1

Moasã, Israyɛll nebã, bɩ y kelg minindã ne tõod nins mam sẽn zãmsd yãmbã, la y sak bãmb n tõog n vɩɩmde, la y kẽ tẽng ning Sẽn-Ka-Saab sẽn yaa yaab-rãmbã Wẽnnaamã sẽn kõ yãmb tɩ y soogã pʋgẽ.

Yaoolem 4:45

Ad zãmsgã ne no-tũudsã ne noy nins a Moyiis sẽn wilg Israyɛll nebã b sẽn wa n yi Ezɩpt wakatã.

Yaoolem 4:5

Ges-y-yã, mam zãmsa yãmb no-tũudsã ne noyã wa Sẽn-Ka-Saab sẽn yaa mam Wẽnnaamã sẽn kõ maam noor to-to wã, yaa sẽn na n yɩlẽ tɩ y tõe n sak bãmb tẽng ning yãmb sẽn na n tɩ kẽ n soogã pʋgẽ.

Yaoolem 5:1

A Moyiis boola Israyɛll nebã fãa n yeel-b yaa: «Israyɛll nebã, kelg-y no-tũudsã ne noy nins mam sẽn togsd yãmb dũndã wã, la y zãms bãmb n gũus la y maan wa b sẽn yeelã.

Yaoolem 5:31

La foom, bɩ f yaas ka ne maam tɩ m wilg-f tõodã fãa, la no-tũudsã, ne noy nins fo sẽn na n zãms bãmb tɩ b sak-b tẽng ning mam sẽn kõ-b tɩ b soogã pʋgẽ wã.

Yaoolem 6:1

Ad tõodã la no-tũudsã la ne noy nins Sẽn-Ka-Saab sẽn yaa yãmb Wẽnnaamã sẽn yeel maam tɩ m zãms yãmb tɩ y sak bãmb tẽng ning yãmb sẽn na n tɩ kẽ n soogã pʋgẽ.

Zozuwe 24:21

Nebã yeela a Zozoe yaa: «Ayo! Tõnd ka na n tũ wẽnnaam-dãmb a taab ye. Tõnd na n tũu Sẽn-Ka-Saabo.»

Zozuwe 24:22

A Zozoe yeela nebã yaa: «Yãmb yaa y mens kaset dãmba, tɩ yaa yãmb n yãk yam tɩ y na n saka Sẽn-Ka-Saabo.» Nebã leokame n yeele: «N-yẽe! Tõnd yaa d mens kaset dãmba.

Zozuwe 24:24

Nebã leb n yeela a Zozoe yaa: «Tõnd na n tũu Sẽn-Ka-Saab sẽn yaa tõnd Wẽnnaamã la d sak bãmb sẽn yeelã.»