Yikri 24:18 - WẼNNAAM SEBRE 2014

¹⁸ La a Moyiis kẽe sawaodgã pʋgẽ n dʋ tãngã zugu. La a Moyiis paa tãngã zug rasem pis-naase, la yʋnd pis-naase.

SEBR SÕNGO

¹⁸ A Moyiiz kẽe sawadgẽ wa, a rʋʋ tãngã la a paa be dasem pis-naase, wĩndig la yʋngo.

Yikri 24:18 Iomraidhean Croise

1 Rĩm-dãmbã 19:11

Sẽn-Ka-Saab yeela a Eli yaa: «Yi tãngã bokẽ n tɩ yals maam a Sẽn-Ka-Saab taoor tãngã zugu, n ges mam sẽn na n looge!» Dẽ, sob-kãseng n yiki, n pãrg tãmsã n kɩt tɩ pĩisã wãad Sẽn-Ka-Saab taoore. Sẽn-Ka-Saab rag n ka be sebgã pʋg ye. Sebgã loogr poore, tẽn-digimdg n zĩndi, la Sẽn-Ka-Saab rag n ka be tẽn-digimdgã pʋg ye.

1 Rĩm-dãmbã 19:8

Dẽ, a Eli yikame n dɩ la a yũ. La rɩɩb ning yẽnda sẽn dɩ wã kõo yẽnda pãng t'a kẽn rasem pis-naase, la yʋnd pis-naase. La yẽnda taa Horɛɛb sẽn yaa Wẽnnaam tãngã.

Yikri 19:20

Sẽn-Ka-Saab siga Sinayi tãngã zugu. Sẽn-Ka-Saab boola a Moyiis t'a wa tãngã zugu. La a Moyiis rʋʋ tãngã.

Yikri 24:17

Israyɛll nebã yãnda Sẽn-Ka-Saab ziirã sẽn wẽnd bug-kãseng sẽn dɩt tãngã zugu.

Yikri 25:1

Sẽn-Ka-Saab yeela a Moyiis yaa:

Yikri 32:1

Nebã sẽn yãnd t'a Moyiis kaoosda tãngã zug n ka sigdã, bãmb tigma taab a Aarõ nengẽ n yeel yẽnda yaa: «Maan wẽnnaam n kõ tõnd t'a lʋɩ tõnd taoor n tɛ tõndo. Bala, Moyiis-kãngã, rao ning sẽn yiis-a tõnd Ezɩpt tẽngã, tõnd ka mi bũmb ning sẽn paam-a ye.»

Yikri 34:28

A Moyiis paa ne Sẽn-Ka-Saab rasem pis-naase, n ka rɩ rɩɩbo, la a ka yũ koom ye. La yẽnda gʋlsa kãabg goamã sẽn yaa tõod piigã kug-walsã zutu.

Yikri 9:29

La a Moyiis leoka rĩmã yaa: «Mam sã n wa n yi tẽngã, mam na n zẽka m nus n tees Sẽn-Ka-Saabo, la sa-kelemsã ne sapɩlmã na n yalsame. Woto, fo na bãng tɩ Sẽn-Ka-Saab n so dũniyã.

Yikri 9:33

A Moyiis yii Faarõ nengẽ, la a yi tẽngã. La yẽnda zẽka a nus n tees Sẽn-Ka-Saab sẽnẽ, la sa-tãsã ne sapɩlmã yalsame, la saagã me yalsame.

Yelbũna 28:1

Nin-wẽng zoetame tɩ ned yaool n ka rigd-a ye, la nin-tɩrs pɛlg kegma ne b mens wa gɩgem-polle.

A Matiye Sõng 4:2

La bãmb sẽn loe noor rasem pis-naase, wĩndg ne yʋngo, kom yaool n yõka bãmba.

A Mark Sõng 1:13

Bãmb paa be rasem pis-naas tɩ Sʋtãanã mak bãmba. B rag n bee be ne we-rũmsi, la malɛɛk-rãmb n dag n sõngd bãmba.

A Luk Sõng 4:2

La Sʋtãanã maka bãmb beenẽ dasem pis-naase. La dasem kãens pʋgẽ, bãmb ka tol n dɩ bũmb ye. La rẽ sẽn looge, kom yaool n yõka bãmba.

Yaoolem 10:10

Mam paa tãngã zug rasem pis-naas la yʋnd pis-naase, wa mam sẽn dag n maan pĩndã. Sẽn-Ka-Saab kelga maam wakat-kãng me, bãmb ka tʋlg yãmb sãoong ye.

Yaoolem 5:31

La foom, bɩ f yaas ka ne maam tɩ m wilg-f tõodã fãa, la no-tũudsã, ne noy nins fo sẽn na n zãms bãmb tɩ b sak-b tẽng ning mam sẽn kõ-b tɩ b soogã pʋgẽ wã.

Yaoolem 9:18

Mam wõgemda Sẽn-Ka-Saab taoor dasem pis-naase, wĩntoog ne yʋng wa m sẽn dag n maan pĩndã. Mam ka rɩ la m ka yũ, yel-wẽn nins fãa yãmb sẽn maanã yĩnga. Bala, yãmb kɩɩsa Sẽn-Ka-Saab n maan sẽn ka noom bãmba.

Yaoolem 9:25

Dẽ, mam wõgemda Sẽn-Ka-Saab taoor dasem pis-naase, la yʋnd pis-naase, Sẽn-Ka-Saab sẽn dag n yeel tɩ b na n sãama yãmbã yĩnga.

Yaoolem 9:9

Mam dag n dʋʋ tãngã n na n tɩ reeg Sẽn-Ka-Saab sẽn maan kaool nins ne yãmbã kug-walse. Mam paa tãngã zug n kaoos rasem pis-naase, wĩntoog ne yʋngo, n ka rɩ rɩɩbo, la m ka yũ koom ye.