Yikri 24:17 - WẼNNAAM SEBRE 2014

¹⁷ Israyɛll nebã yãnda Sẽn-Ka-Saab ziirã sẽn wẽnd bug-kãseng sẽn dɩt tãngã zugu.

SEBR SÕNGO

¹⁷ Israyɛl kamba ra bee tẽng n ne Soaala-Wẽnd ziira sẽn yãng tãnga zug wa bug-witem.

Yikri 24:17 Iomraidhean Croise

2 Sãmwɛlle 22:13

Sa-yãgb ning sẽn deng bãmb taoorã pʋgẽ, bug-pãrs n yit beenẽ.

2 Sãmwɛlle 22:9

Bug-zõos rag n yita bãmb yõyẽ wã n zẽkdẽ, bug-witim n dag n yit bãmb noorẽ, bug-pãrs me n dag n yit be.

Yikri 19:11

Bɩ b segl b mens rasem a tãabẽ soabã yĩnga. Bala, rasem a tãabã daare, Sẽn-Ka-Saab na n siga Sinayi tãngã zug nebã fãa nifẽ.

Yikri 19:18

Sinayi tãngã zugu, bug-zõos n dag n yiti. Bala, Sẽn-Ka-Saab tũu bugmã n sig be. Bug-zõosã yii tãngã zug wa bugum sẽn yit wʋng pʋgẽ, la tãngã fãa rigimda wʋsgo.

Yikri 3:2

La Sẽn-Ka-Saab malɛɛkã vẽnega a meng ne a Moyiis bug-witim pʋgẽ tuug sʋka. A Moyiis rag n getame, la ade, bugum n dag n wit tuugã sʋka, la a ka rɩt tuugã ye.

Ezekiyɛl 1:27

Mam leb n yãnda bũmb sẽn wẽnd bug-pãrse, n yaa wa bugum n pɩnd zĩigã fãa, sẽn sɩng ne yẽnda sɛɛgã sẽnẽ n tãag yĩngri, la sẽn sɩng ne yẽnda sɛɛgã sẽnẽ n tãag tẽngre. Mam leb n yãnda bũmb sẽn wẽnd bugum vẽenem sẽn gũbg yẽnda.

Ezekiyɛl 1:28

La vẽenem ning sẽn dag n gũbg yẽnda wã rag n wẽnda wa saag gomtɩʋʋg sẽn pukd sawatẽ saag niib daarã. A yalẽ wã rag n yaa Sẽn-Ka-Saab ziirã wẽnego. La mam sẽn yã bõn-kãngã, mam lʋɩɩme n fõgen m neng tẽnga, la mam wʋma ned sẽn gomda koɛɛga.

A Nahum 1:6

Sẽn-Ka-Saab sũurã sã n puugi, ãnda n tõe n põse? Ãnda n tõe n põs bãmb sũ-puugrã? Bãmb sũ-puugrã rɩta wa bugum, tɩ baa pĩig kugã pusd bãmb taoore

Yaoolem 4:24

Bala, Sẽn-Ka-Saab sẽn yaa yãmb Wẽnnaamã yaa bugum sẽn dɩte. Bãmb yaa Wẽnnaam sẽn yaa sũ-kiir soaba.

Yaoolem 4:36

Bãmb zĩnda saasẽ n kɩt tɩ yãmb wʋm bãmb koɛɛgã, la b zãmsa yãmba. Bãmb kɩtame tɩ y yãnd bãmb bug-kãsengã tẽng zugu, la y wʋm bãmb goam nins sẽn yi bugmã pʋgẽ wã.

Yaoolem 9:3

Dẽ wã, bãng-y rũndã tɩ Sẽn-Ka-Saab sẽn yaa yãmb Wẽnnaamã meng lʋɩta yãmb taoor wa bugum sẽn dɩta, la yaa bãmb meng n na n sãam-ba. Yaa bãmb n na n kɩt tɩ b paam yãnd yãmb taoore. La yãmb na n diga bãmb n menes-b tao-tao wa Sẽn-Ka-Saab sẽn yeel yãmbã.

Ebre rãmba 12:18

Sɩda, yãmb ka kolg tãng ning ned sẽn ka tõe n sɩɩse, tɩ bugum zird a zugẽ ye. Yãmb ka kolg lika, wall lik bida, wall sob-kãsenga

Ebre rãmba 12:29

Bala, tõnd Wẽnnaamã yaa bugum sẽn dɩt me.